الدجاج بصلصة الفلفل الاحمر
المقادير :
* ٣ حبات فلفل احمر بارد نقطعه مثلثات * كيلو صدور دجاج مقطع شرايح طويله
* ٣ علب كريمه سائله ٢٥٠ مل * ٢ م.ط معجون طماط * ٢ م.ط معجون فلفل احمر
* قالب زبدة * كوب بصل ابيض مكعبات * ١م.ط ثوم مهروس * البهارات ( م.ط اوريغانو / ملح)
* كوب جبن موزريلا وشيدر

مقادير العيش:
* ٢ م.ط زيت
* م.ط بصل مكعبات * قلاص ونص عيش مغسول ومنقوع * نص م.ط ثوم مهروس * ٢ م.ط معجون فلفل احمر * مكعبين ماجي * ملح
* ماي
الطريقة:
* ندهن الشواية بزيت زيتون ونشوي عليها شرايح الفلفل الاحمر ونحمره من الجهتين بس يستوي نشيله على جنب وننطره يبرد ونشيل القشر عنه ونقصصه شرايح طوالية ونخليه على جنب .
* بمقلا عميقة نحط قالب الزبدة ونحمس فيها البصل ونقلبه ونضيف الثوم ونقلبهم مع بعض بعدين مضيف صدور الدجاج ونقلبهم لما يصير لونهم ابيض ونضيف معجون الفلفل الاحمر ومعجون الطماط ونحمسهم عدل ، نضيف الاوريغانو والملح ونقلبهم نضيف الفلفل الاحمر اللي شويناه ونقلبهم، نضيف الكريما ونقلبهم بعدين نضيف الجبن ونخليها لين تغلي وبعدين نقدمها مع العيش . * طريقة العيش: بجدر نحط الزيت ونحمس فيه البصل ونضيف الثوم ومعجون الفلفل الاحمر ونقلبهم نضيف الماجي ونقلبهم عدل لين يذوب الماجي ، نضيف الماي والملح وبس يغلي الماي نكبس فيه العيش وبس ينشف الماي نغطيه ونخليه على نار متوسطه يستوي