برياني الخضار مع اچار المانجا والدجاج التندوري
مقادير البرياني :
* كوبين عيش بسمتي مسلوق ثلث ارباع استوا * كوب طماط مكعبات * كوب ونص خضار مشكلة * كوبين بطاط مكعبات مقلي * حبة بصل كبيرة شرايح * كوبين زهرة مقلية
* كوب بروكلي * ربع م.ط زنجبيل فرش مبشور * نص م.ط ثوم مهروس * كوب كزبرة فرش * نعناع فرش * علبة روب * كوب اچار مانجا * علبة معجون طماط
* ٣ م.ط معجون (mf) للبرياني * ماي وود * منقوع الزعفران * نص كوب سمنة * البهارات ( ملح / ٢ م.ط بهار برياني حب)
* كوبين ماي * صنوبر محمص / بصل مقرمش للتزين
الطريقة:
* بجدر نحط السمنة ونشوح فيها البصل لين يذبل وبعدين نضيف الثوم والزنجبيل ونقلبهم مع بعض وبعدين نضيف الطماط والكزبرة ونقبله بعدين نضيف بهارات البرياني الحب ونقلبهم مع بعض ونضيف معجون البرياني ونقلبهم ونضيف معجون الطماط ونقلبهم ونضيف اجار المانجا ونقلبهم ونضيف الروب ونضيف خضار مشكلة ونضيف الزهرة والبطاط والبروكلي ونقلبهم مع بعض ، نضيف الماي ونخليهم شوي يتقلبون مع بعض .
* بجدر ثاني نحط نص كمية العيش وبعدين نحط الحمسة اللي سويناها وشوية نعناع فرش وبعدين باقي كمية العيش ، وعلى الويه نحط منقوع الزعفران وشوية ماي ورد ونغطيه بقصدير ونخليه على نار هادية لمدة عشر دقايق .
* نقدمه بماعون التقديم مع افخاذ الدياي ونزينه بعناع فرش وبصل مقرش وصنوبر .

مقادير دجاج التندوري:
* ٦ افخاذ دجاج نشرحهم بالسكين شوي * ٢ م.ط معجون تندوري * م.ط ثوم مهروس
* نص م.ط زنجبيل مبشور * ٣ م.ط زيت زيتون * ملح
الطريقة :
* نتبل افخاذ الدياي بكل المكونات ونشويهم على الشواية