غداي ٢٧٨ سعره حراريه

١/٤ كوب حبوب فارو ٢٠٠ سعره
١٦٢ جرام كوسا ٢٦ سعره
٨٠ جرام باذنجان ١٩ سعره
اوراق سويس جاردن ملونه (سلق)
شبنت مفروم
بصل اخضر مفروم
فص ثوم مهروس
١/٢ ملعقه صغيره زيت زيتون ٢٠ سعره
شوربه الخضار
ملح بالثوم
خليط الفلفل الاسود بالثوم المجفف
ملح بحري
ملعقه طعام معجون طماط ١٣ سعره
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
الافضل نقع الحبوب قبل الطبخ بيوم
دايما انقع كل الحبوب الي انوي اسويها تنطبخ اسرع وما تطول
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
نحط بقدر صغير عميق زيت الزيتون والبصل الاخضر وفص الثوم المهروس
نضيف بعدها اوراق السلق وكل ما نشف نضيف شويه ماي عليه
بعد ما يذبل نضيف الشبنت المفروم واخر شي الكوسا المقطعه
ونحمسهم عدل واخر شي نضيف الباذنجان المقطع ونحمسهم
ما نوقف عن التحريك علشان ما ياخذ معانا وقت طويل بالطبخ
لان الوصفه سهله وسريعه ولذيذه
اخر شي نضيف حبوب فاروا الي كنا ناقعينها قبلها بيوم ونضيف معجون الطماط والبهارات والملح
نحركهم شوي ونضيف شوي ماي معلي حوالي كوب ونص ونحركهم ونغطيهم
وما ننسى التحريك كل شوي لان حبوب فاروا بعد النقع تكون لينه مو ناشفه وتحتاج طبخ فتره قليله
ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
وعليكم بألف ألف عافيه ☺️💕 انصحكم تجربون الوصفه حدها لذيييييذه ومفيده
لان حبوب فارو غنيه بالبروتين والالياف وقليله الكربوهيدرات