البطاطا✨
اول شي نقطع حبه بطاطا وسط مكعبات كبيرة ونسلقها او نسويها على البخار لمدة ٢٠-٣٠ د تقريبا ، اول ماتستوي نهرسها نضيف لها اوريقانو وملعقة جبن بارميزان ورشه فلفل اسود وممكن ملح ، ونكورهم كور كبار ✨!
–
الدجاج والخضار✨
على الطابي بحرارة عالية نضيف ملعقة صغيرة زيت جوز الهند / زيت زيتون ونشوح صدر دجاج مقطع طوال *ممكن دايما نضيف له ماي اذا نشف * اول مايتغير لون الدجاج نضيف فص ثوم مهروس والبهارات الي نحبها استخدمت بهارات مجدي *بابريكا ، فلفل اسود ، بصل وزنجبيل بودر ، بهارات دجاج مس داش ، وبهارات خضار مس داش ، واعشاب ايطالية بودر ،*
بعدها نشوح مع الدجاج نص بصله مقطعه طوال واول ماتذبل نضيف لهم فلفل اللوان ومشروم مقطع بنفس الطريقه بعد ✨! ٣-٤ د بتكون استوت *النار تكون –
وسط * ✨!
في البايركس نضيف اول طبقه الي هي الدجاج مع الخضار وبعدها كور البطاطا ، واخر طبقه الي هي –
البشاميل ✨
بنفس الطابي الي شوحنا فيه الدجاج نضيف ٥٠ ملي كريمه طبخ لايت مع ملعقة جبن فيلادلفيا لايت وملعقتين قشطة لايت وملعقة جبن بارميزان مع جبن سلايس خالي الدسم نحركهم مع بعض واذا احتاج نضيف فنجال/٣٠ملي حليب او ماي *استخدمت حليب جوز الهند* بعد ماكبينا خلطة البشاميل فوق الخلطة اخر خطوة نضيف رشه اوريقانو بودر وبانكو/بقسماط على الوجه وممكن جبن موزريلا لايت يطلع روعه بس لان ماتوفرت عندي ، وندخلهم الفرن من فوق لمدة ١٥-٢٥ د
لحد ماتتحمر وبالعافيه