–
طريقه الباستا الصحية مكس صوص بالجبن😻✨🔥!
الكميه حطوا على حسب احتياجكمم ✨👍
–
الطريقهه ،🙇‍♀️!
نسلق ٦٠ جرام ماكرونيا بيني سمرا في ماي وملح لمده ١٠ دقايق ✨👍!
على الطابي بحراره عاليه نضيف ملعقة صغيرة زيت جوز الهند/زيت زيتون *٢ جرام* ونشوح صدر دجاج مقطع طوال *١٦٥ جرام*
اول مايتغير لون الدجاج نضيف فص ثومم وننتظر الماي حقه يطلع ، وبعدها نضيفف رشه خل والبهارات ، استخدمت بهارات مس داش مكس وبابريكا وملح الليمون من بهارات مجدي واوريقانو✨🔥!
بعدها نضيف الخضار مقطعه طوال طوال *بروكلي ، فلفل اللوان ، كوسه ، قرع ، مشروم ، اسبرقس واللي تحبون✨!
نخلي النار وسط ونخلي الخضار تطبخ لمده ٣ دقايق تقريبا *اذا نشف الطابي دايما نضيف من ماي الماكرونيا ، وبعدها نضيف ١٠٠ ملي كريمه طبخ لايت ، وملعقة صلصة طماط مخلوطة مع ملعقتين ماي ، ونخليهم يطبخون ونرش رشه اوريقانو زياده ونشخل الماكرونيا ونحطها معهم ، بعدها نضيفف جبن موزريلا وتشيدر لايت *٢٨ جرام*
وجبن البارميزان *ملعقتين صغار*
وجبن سلايس لايت , ونغطي عليهم لحد مايذوب الجبن على نار هاديه ، اول مايذوب الجبن نبطل الغطاء ونحركهم حركه سريعه ونقدمه في الصحن ،، ممكن نرش على الوجه بارميزان واورييقانو وبالعافيه😻💖👍!
الكميه الي سويتها ممكن تكفي شخصين 🙇‍♀️🔥!
جربوها لذيذه من الاخر وفوق كذا صحيه😻✨👍