عيش بالشبنت مع كرات الكفتة البقريه بالكريمة

🔶مقادير العيش:
🔸٢ قلاص عيش بسمتي مغسول ومنقوع
🔸نص كوب سمنة
🔸نص كوب بصل مفروم
🔸١م.ط ثوم مهروس 🔸٤ شدات اشبنت مفروم 🔸كيس باجلا (فول اخضر) مقشر
🔸البهارات (ملح / ١.ط بهار مشكل 🔸ماي سلق الدياي (ممكن استبداله بماي عادي ) 🔷الطريقة:
🔹بجدر نحمس البصل بالسمنة لين يذبل بعدين نضيف الثوم ونقلبه عدل مع البصل ونضيف الشبنت ونقلبهم مع بعض وبعدين الباجلا والبهار المشكل ونحمسهم عدل مدل ، نضيف العيش ونحركه شوي شوي عشان ما يتكسر ونضيف الماي (نخليه ١سم)
فوق العيش ونضبط الملح ونخليه لين يغلي الماي ونقصر عليه ونغطيه ونخليه يطبخ على راحته لين يستوي . 🔶مقادير الصلصة :
🔸كيس كفتة خزان لحم بقري او اي نوع متوفر نحطها بصينية الفرن وندخلها من فوق وتحت لين تتحمر شوي 🔸نص قالب زبدة
🔸٢ م.ط بصل مفروم
🔸نص م.ط ثوم مهروس 🔸٢ كوب مشروم معلب شرايح
🔸البهارات ( نص م.ط بهار مشكل / ملح / فلفل اسود ) 🔸علبتين كريمة طبخ 🔷الطريقة:
🔹بجدر نحمس البصل بالزبدة لين يذبل شوي تالي نضيف الثوم ونحمسه عدل مع البصل وبعدين نضيف المشروم والبهار المشكل والفلفل الاسود ونحمسهم مع بعض عدل ، ونضيف الكفتة مع الماي اللي نزل منها بالشوي ونحمس عدل مدل تالي نضيف الكريمة ونضبط الملح ونخليها على نار متوسطة لين تغلي وتثقل الكريمة . 🔷طريقة التقديم :
🔹بقالب الكيك نحط فيه العيش ونكبسه ونضغط عليه عشان ياخذ شكل القالب ونقلبه على صحن التقديم ، ونخليه شوي قبل لا نشيله ، وبالنص نحط الصلصة مع كرات اللحم ونزينها حسب الرغبة ونقدمها وبالعافية