طريقة السينمون
اول شيء نعجن العجينه الذهبيه
عجينتي المفضله ( العجينه الذهبيه) 👌
المقادير:
2 ونص كوب دقيق كويتي
1 علبه زبادي
ملعقه طعام كبيره خميره فوريه
ملعقه طعام كبيره بكنج بودر
ربع كوب زيت
نص كاسه لبن سائل ( لبن خاثر لبن شرب وليس حليب)
رشة ملح
3 ملاعق طعام كبيره سكر
الطريقه:
نخلط جميع المقادير بالعجانه و تعجن مدة ٥ دقايق، توضع العجينه في طبق عميق و تدهن بقليل من الزيت وتغلف بالنايلون وتترك لتتخمر وترتفع في مكان دافئ تقريباً نص ساعه الى ساعه حسب درجة الحراره
.
نفرد العجينه كامله على الرخامه حقت المطبخ
ندهن العجينه بزبده
نرش العجينه بـ تقريباً نص كاس سكر بودره ملعقتين قرفه ثلاث ملاعق نسكويك وتقدرين تستغنين عنه وتزودين قرفه
نلف العجينه بشكل اسطواني
نقطع العجينه بقطاعه البيتزا حلقات عرض اصبعين ونص او باالخيط
نضعها في صينيه فيها ورق زبده وندهن الصينيه فوق الورق زبده
نرص السينمون في الصينيه ونضغط عليه شوي بااليد
ندهن السينمون بحليب ابو قوس او اي نوع حليب شاي
نغطيها ونتركها لما تختمر ويتضاعف حجمها
ندخلها الفرن درجه حراره ٢٥٠من اسفل حتى تشقر ثم تحمر
نخلط ثمان حبات جبن كيري مع ربع علبه نستله
نضعه في كيس ونخطط فيه السينمون
نخطط السينمون بهيرشي سايل
وممكن تخططينه كمان بتوفي زياده
ونرش الوجه بجوز مفروم او عين الجمل .المعجنات اذا طولت بالفرن تنشف
اذاء عندك باالفرن مروحه شغليها توزع الحراره وتعطي نتيجه افضل المعجنات
هذي العجينه ممتااااازه تنفع لكل شي .. خلية نحل، سينابون، دونات، فطاير الصاج .. ألخ