‎كانلوني بحشوة الستيك والمشروم
‎المقادير:
‎كانلوني ‎٢ كوب مشروم بورتبيلو مقطع شرايح
‎٢ كوب مشروم بري مقطع شرايح
‎شرايح ستيك(سكالوب)١/٢ كيلو
‎٢ كوب مكس اجبان ‎٣ أكواب كريمة خفق ‎قالب زبدة
‎ربع كوب بصل ابيض مفروم
‎نص كوب قيمر (قشطة)
‎٢ م.ط جبن قلاص
‎فلفل اسود / اوريغانو / ملح
‎نص م.ط ثوم مهروس ‎نص كوب صويا صوص ‎الطريقة:
‎نتبل شرايح اللحم بالصويا صوص وشوية فلفل اسود ، بمقلا نحط نص قالب زبدة ونشوح فيهم الستيك من الجهتين تشويحة بسيطة ، وتال نقصصهم شرايح صغيرة ونخليهم على جنب .
‎بنفس المقلا نضيف ربع قالب زبدة ونشوح فيه البصل لين يذبل ، نضيف الثوم ونشوح ، نضيف نوعين المشروم ونشوحهم عدل لين يذبل المشروم ، نضيف كوب من خلطة مكس الاجبان ونحمسهم لين يذوب الجبن.
‎بمحضرة الطعام نخلط حمسة المشروم مع شرايح الستيك والصوص اللي نزل من قلي الستيك ونحشي فيهم الكانلوني .
‎نصف الكانلوني ببايركس ونصب عليه خليط ( 3 اكواب الكريما +٢م.ط جبن قلاص + ١/٢ كوب قيمر + نص كوب من الحشوة اللي حشينا فيها الكانلوني وشوية فلفل اسود وملح) ونغطيه بقصدير وندخله الفرن لمدة عشرين دقيقة من تحت على درجة حرارة ١٥٠ .
‎ بعدين نشيل القصدير ونحط شرايح من المشروم ونرد ندخله الفرن لمدة ١٥ دقيقه ‎بس نتأكد ان الكانلوني استوى نرش على الويه من خليط الاجبان ونرد ندخله الفرن لين يذوب الجبن ونقدمه