برياني الربيان الكويتي

٢ كيلو ربيان مقشر ومنظف
١ كوب سمن
١ كوب بصل
٢ حبه طماط مكعبات
٢ حبه فلفل بارد مكعبات
٢ م.ط بهار مشكل(كركم-كمون-خولنجان-كزبره-رنجبيل-فلفل احمر)
بهار حب( عودين دارسين- ٦ حبات هيل – ٣ حبات ورق غار)
٢ علبه معجون طماط
٢ علبه روب
١م.ط ثوم
١ كوب كزبره خضراء مفرومه
نص كوب زعفران منقوع بماي
ربع كوب ماي ورد
٢ ونص كوب ارز بسمتي نغسله وننقعه بماي
ملح حسب الرغبه
الطريقة:
نحط جدر فيه ماي وملح ولم يغلي الماي نسلقه ثلاث ارباع ونشخله ونخليه على جنب.
في جدر ثاني نحط السمن وعقب نضيف البصل ونقلب البصل لم يصير اشقر لونه عقب نضيف البهار الحب والثوم ونقلبهم مع بعض و نضيف لهم الربيان ونقلب الربيان لمده ثلاث دقايق لم يتغير لونه بعدها نضيف البهار المشكل و الطماط و الكزبره ونقلبهم مع بعض ونضيف الفلفل البارد و معجون الطماط ونقلبهم و بعد دقيقه نحط الروب ونخلط المقادير عدل علشان يتجانسون ونحط بعد معاهم الزعفران المنقوع ونخليهم بس تغلي الخلطه دقيقتين نطفي النار وفي جدر انحط نص كميه العيش اللي سلقناه و بعدها نحط خلطه الربيان اللي سويناها و بعدين نضيف باقي كميه العيش و نحط ماي الورد على الوجه وعقب نغطي الجدر ونخليه ١٥ دقيقه على نار وسط وتالي نقدر نحطه في ماعون التقديم وبالعافيه