المقادير للعجين :
ملعقه كبيره خميره
٣ ملاعق كبيره حليب بودرة قليل او العادي ..
ربع كوب زيت زيتون ( ٦٠ مل )
ملعقه صغيره باكنج باودر
رشه ملح
كوب ماء دافي
كوبين ونص دقيق بر ..
.
الطريقه :
-اول شي تحركون الخميره والزيت و الباكنج باودر والحليب والماء الدافي مع بعض لمده تقريبا ٣ دقايق ..
-بعدها تضيفون الدقيق بالتدريج .. راح تكون معاكم ماهي متماسكه او لينه عادي كل مازدتو عجنتوها زين سواء بالعجانه او باليد كل ماعطتكم نتيجه افضل واذا حابين تزيدون دقيق ضيفو شوي بس رشه بسيطه اذا تحتاج ..
-بعدها اذا تماسكت وصارت ما تلتصق باليد اتركوها تخمر وغطوا عليها أقل شي نصف ساعه وكل ماخليتوها ترتاح اكثر كل ماكان افضل ..
-اخر شي شكلوها واحشوها الي تحبون
•
*( انا فردتها وقطعتها دوائر للبيتزا )
-حطيت اول شي صلصة البيتزا :
( كشنت بصل وثوم واضفت لها 1 م صلصه
بعدها اضفت طماطم مقطع صغير وبهارات واتركها تتسبك لما تستوي نطفي عليها وممكن تضيفون لها كاتشب وزعتر مجفف حسب الرغبه )
– وبعدها تونه وبعدها زيتون وفلفل رومي *انا ماكان عندي بس لذيذ ويعطي طعم
-واخر شي جبنة موزاريلا وتشيدر قليل الدسم وممكن جبنة قشقوان ..
-ودخلتها الفرن ابدا ماتاخذ وقت تقريبا من تحت ٥ دقايق او اكثر بشوي
ومن فوق الى ان تتحمر .. وبس
..
وعوافي