المقادير : نص كيلو لحم شاورما ويكون اللحم بقري وممكن تستخدمون لحم الستيك وتقطعونه شرايح خفيفه بالطول + بصلتين جوانح + فلفل ملون من كل لون حبه ونقطعه بالطول + ثوم بودر وبصل بودر + بهار مكسيكي وبهار فاهيتا وشوية ملح + ملعقه وسط نشا + نص كوب ماي + ملعقتين طعام باربيكيو صوص +ملعقتين طعام صويا صوص + خبز توتيلا + كريمه حامضه لدهن الخبز + جبن شيدر وجبن مازوريلا فلفل هالبينو إختياري
الطريقه : نسخن مقلاه على نار عاليه ونحط دفعه من اللحم لا تحطون كل اللحم مره وحده ونشوح اللحم من غير اي اضافه ولما ينشف نضيف عليه ملعقة طعام زيت ونشوحه عدل وعقب ما نشوح اللحم نضيف عليه بصل بودر وثوم بودر وبهار مكسيكي وبهار الفاهيتا وشوية ملح لا تكثرون ونطفي عليه النار ونخليه على جنب وبمقلاه ثانيه عالنار نحط شويت زيت ونشوح البصل ونضيف عليه الفلفل الملون وتالي نضيف عليه صلصه مكونه من النشا نذوبه بنص كوب ماي ونضيف عليه الباربيكيو صوص والصويا صوص وآخر شي نضيف اللحم ونخلطهم عدل ونخليه خمس دقايق ونطفي النار واذا شفتو الخليط ثقيل ممكن تضيفون شوية ماي وتالي ندهن خبز التورتيل بشويه من الكريمه الحامضه ونحط عليه جبن شيدر مبشور وجبن مازوريلا ونحط عليه الفاهيتا ونلف الخبزه ونخليه بالشوايه مجرد ما يسيح الجبن او بمقلاه على النار وبالعافيه