مكونات الوصفه هي هالـ ٤ اشياء الي بالصوره
زيت جوز الهند العضوي
طحين جوز الهند العضوي
سكر نخيل جوز الهند العضوي
مبشور جوز الهند العضوي
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
المنتجات رووووووعه وهي افضل منتجات جربتها للحين بكل امانه
النكهه والريحه والطعم والجوده روعه

‏ㅤㅤㅤㅤㅤㅤㅤㅤㅤㅤㅤㅤㅤㅤㅤ
مكونات القاعده…
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
٣/٤ كوب جوز الهند مبشور ٥٧ جرام
١/٢ كوب طحين اللوز ٦٠ جرام
٢ ملعقه طعام زيت جوز الهند
بيضه وسط ٦٥ جرام ٩٦ سعره
١ ملعقه طعام طحين جوز الهند ٩ جرام
٢ ملعقه طعام عسل ١٢٠ سعره
١/٢ ملعقه صغيره فانيلا
رشه دارسين
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
طريقه اعداد القاعده…..
ببساطه اخلطوا كل المكونات بمحضره الطعام بس
وحطوها بالفريزر علشان تبرد مده ١٥ الى ٢٠ دقيقه
بعدها استخدموا قاعده التارت باعدادها
بس ادهنوا القاعده بشويه زيت جوز الهند
علشان تطلع التارت معاكم بكل سهوله
ودخلوها الفرن لما يصير لونها ذهبي
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
كاسترد جوز الهند…..
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
المكونات….
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
١ ١/٤ كوب حليب كامل الدسم
١/٢ كوب سكر
١/٤ كوب طحين الكيك
١/٢ ملعقه صغيره ملح بحري
٤ صفار بيض
١ ملعقه صغيره فانيلا سائله
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
الطريقه سهله لاعداد الكاسترد
نغلي اول شي الحليب
وبنفس الوقت نحط وعاء فيه صفار البيض+ سكر جوز الهند
الفانيلا ورشه الملح وطحين الكيك
راح يكون الخليط ثقيل شوي عادي
بعدها نضيف واحنا نحرك بسرعه الحليب بالتدريج على ٣ دفعات
لما يتجانس الخليط ونحطه عالنار ونستمر بالتحريك لما يثقل حيل
نصفي الكاسترد بمصفاه شبك بسرعه قبل لا يجمد
علشان يكون ناعم بدون تكتلات
نغطيه بورق النايلون ونخلي الورق لاصق عالكاسترد
علشان ما يتكون فوقه قشره ونخليه بالثلاجه لما يبرد
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
بعد ما يبرد الكاسترد نشكل التارت برأس كريما الكب كيك
ونزينها برقائق جوز الخند المحمص
‏ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
واستمتعوا بالطعم اللذيييييذ