مشوي جدر سمك هامور
  • 146
  • Loading
  • 0
  • الأحد, 4 يونيو, 2017 - 8 , مساءً
  • التقييم:
الطريقة و المقادير

وصفتي لكم اليوم مشوي جدر سمك هامور
اول شي تبلت قطع من سمك الهامور بالبهارات والطحين والبهارات الي استخدمتها كزبره مطحونه وكمون وبهار السمك وبابريكا وطحين وملح وبعدين قليتهم وتالي سويت حشو بصل حمست البصل مع اضافة الماي لين تحمر شوي تالي ضفت شوية زيت وضفت هيل مطحون ودارسين ولومي اسود مطحون وملح وحمسته عدل وبعدين ضفت عليه كزبره خضره وشبنت وحمسته وسويت عيش مشخول حطيت هيل عدل ودارسين بماي السلق وعقب ما طبخ العيش شخلته وعقب حطيت شوية زيت بقاع الجدر وصفيت عليه حلقات من البصل والطماط والبطاط وفلفل اخضر بارد ورشيت عليه شوية كزبره وشبنت مفرومين وحطيت عليهم قطع السمك المقليه وفوق السمك حطيت الحشو وحطيت حبتين لومي اسود عدل وفلفل اخضر حار واخر شي حطيت عليه العيش المشخول وحطيت عليه شوية زيت وخليته على نار عاليه خمس دقايق وتالي على نار هاديه لمدة ٤٥ دقيقه لين يتصكر العيش