المقادير
مقادير العجين:
٢ كاس طحين
٤ ملاعق كبيره سكر
ربع كاس زيت
٢ ملعقه كبيره حليب بودره
ملعقه كبيره خميره
كاس ماي دافي
ملعقه صغيره باكنج باودر
مقادير اخرى ؛
جبن كيري
قرفه مطحونه
حليب محلا
كاكاو هيرشي .. الطريقه :
اول شي نذوب الخميره في الماي والسكر واتركها تتفاعل عشر دقايق
هالخطوه حتى اتاكد من فعاليه الخميره اذا صار ع السطح فقاعات ف معناها ان الخميره ممتازه
لو مرت العشر دقايق بدون تفاعل لاتكملين العجين لان اكيد بيكون فاشل
الخميره بتكون اما منتهي صلاحيتها او اختربت من سوء التخزين
المهم
بعدين نخلطها مع باقي المقادير ( مقادير العجين )
ونتركها تتخمر من نصف الى ساعه .. ملاحظه مهمه :
ممكن تحتاجين اكثر من كاسين طحين حسب نوع الطحين لان يختلف من نوع لنوع ويختلف اذا كان الخلط يدوي عن الخلط بالعجانه فلو حسيتي العجين تحتاج زياده زيدي شوي لين تصير مضبوطه
انا استخدمت الطحين القطري و احتجت كاسين ونصف تقريبا .. يعني زدت نصف كاس
نكور العجين ونحشيها جبن كيري وندحرجها في القرفه المطحونه تصف في صينيه مدهونه
وبعد مانخلص ماندخلها الفرن ع طول لا اتركها ترتاح كذا عشر دقايق وتدخلها في فرن ساخن من تحت اذا كان ساخن بتاخذ تقريبا عشر دقايق س بعدين اشغل عليها شوي من فوق و
اذا طلعناها احط عليها كاكاو هيرشي سائل و حليب محلا وبس😍✌🏻️