المقادير :
لازانيا نوع بدون سلق انا استخدمت لازانيا بانزاني هذي النوع بدون سلق اللي ماتعرف شكلها تكتب في قوقل الصوري ويطلع لها شكل الكرتون
مقادير الصلصله الحمرا :
لحم مفروم
بصل
فلفل اخضر بارد + طماطم مطحونه بالخلاط
صلصله مكرونه جاهزه
معجون طماطم
فلفل اسود
ملح
بقدونس
بهار منوع
مقادير البشاميل
٣ كاسات حليب سائل
٤ ملاعق طحين
ملعقه كبيره زبده
ملح
فلفل اسود او ابيض
ثوم بودره عند الرغبه
جبن سائل
اللي تحب تضيف شرحتين من جبن سلايس اللي ينحط مع الهمبرغل( اختياري)
الطريقه :
يقطع البصل مكعبات صغيره ويوضع ع النار مع شوي زيت ويقلب لين يذبل
نضيف الفلفل الاسود والبهارات ونقلب
اضيف معجون الطماطم واحركه لين تطلع ريحته .. احط الطماطم والفلفل الاخضر المطحون
واللحم مفروم والملح و صلصله المكرونه الجاهزه
وشوي ماءوانركها لين ينضج اللحم بس مابغيها تتسبك ابغيها مائيه حتى ينضج اللازانيا لو حسيتها ثقيله اضيف لها شوي ماي
وكذا تكون جهزت الصلصله الحمرا
البشاميل
احط الحليب والزبده و الطحين والملح والثوم البودره والفلفل الاسود واحركهم لين يذوبون ويمتزجون مع بعض ( بدون نار )
اذا اختلطو عدل احط الخليط ع النار واحرك .. لين تثقل اذا ثقلت احط جبن سائل و جبن سلايس واحركه لين يذوب و يمتزج
طبعا بتكون الصلصله بعد مائيه شوي حتى تساعد في نضج اللازانيا
ناخذ صينيه
نحط شوي من البشاميل في القاع
بعدين لازانيا
بعدين صلصله حمرا
نرجع من جديد
بشاميل -لازانيا – صلصله حمرا وهكذا حسب الطبقات والكميه اللي تحبين
واخر شي صلصله بشاميل و رشه جبن موزريلا
و زعتر بري ورشه باربيكا (اختياري) وع الفرن من تحت مده ٣٥ دقيقه وبعدين احمرها شوي من فوق و بس