ملف لعمل المجبوس بأنواعه ...شاركونا

مشاركة: ملف لعمل المجبوس بأنواعه ...شاركونا

طباخاتنا وينكم ؟!؟!

مشاركة: ملف لعمل المجبوس بأنواعه ...شاركونا

على ما تردون ..بقول لكم طريقتي

أو شي اللحم اغسله عدل بعدين افوحه عشر دقايق مع شويه خل (علشان تروح الزفره كلها)

بعدين احط ماي نظيف ... واحط بهارات عدله (دارسين- مسمار- نص قفشه بهار مخلوط- هيل)

+ بصله اقطها ارباع وثومه عدله

واحط اللحم واخليه يفوح عدل لما يستوي احط الملح وحبه ماجي

بعدين اشخل الماي واخلي على جنب

واللحم احطه بصينه الفرن واحط عليه شويه بهارات مخلوطه واكون منقعه زعفران وهيل شيويه .. اصبه فوقه

واخليه يتحمر شويه

والعيش اكون مغسلته عدل ومنقعته ... بعدين ايب الجدر احط شويه زيت ... واحط العيش اقلبه شويه بالزيت

واصب عليه ماي اللحم اخلي يطبخ شويه ... بعدين اقصر عليه واحط تحته حديده لين يستوي

واحط على الويه ماي زعفران أو صبغه صفرا

والحشو بس احمس شويه بصل مع صنوبر

وسلامتكم

مشاركة: ملف لعمل المجبوس بأنواعه ...شاركونا

والله يا جولى طريقتى نفسج بس إنتى شتسوين تحطين الخل أنا ما أحط خل بس أفوحه اللحم بماي وقليل من الفلفل الأسود وبعدين أكت الماي وأكون حاطه ماى ثاني يطبخ فأحط اللحم فيه وفيه بهارات عدله مثلج مع إضافة ليمونه كامله وساعات بصله من غير الثوم وبعدين وأكمل نفسج بس ما أحط ماجي لا عادي أكمل وبعدين أحط مثل ما قلتى زعفران منقع بماى ورد وأقلى اللحم بس أو ساعات أحطه بالفرن ولى طلعته أرشه بالدارسين شوييييييه وهيل شويه وأكمل الباجى نفسج ولي نشف العيش أحط الزعفران وأرشه من فوق بالهيل وأحط اللحم على جنب فوق الجدر والجنب الثاني الحشو وأخليه على نار هادئه وبعدين أنجب العيش عادى

مشاركة: ملف لعمل المجبوس بأنواعه ...شاركونا

مشكوره حبيبتي ...

لانه في ناس يحمسون اللحم مع طماط وفلفل بارد

وبهاراتهم غير

اهوا تصدقين ..كل بيت يختلف عن الثاني ... خلونا نشوف مشاركاتكم

مشاركة: ملف لعمل المجبوس بأنواعه ...شاركونا

انا تقريبا نفسكم

بس انا اسويه مع الدياي

و ما احط خل

و لما يستوي الياي اطلعه و احط عليه شويه بهارات و طماط قوطي

و احطه بالفرن او اقليه

و سلامتج

مشاركة: ملف لعمل المجبوس بأنواعه ...شاركونا

شوفي ابوي المجبوس بالكويت يندرج تحت اسمين

مجبوس الي هو الاحمر الي ينجبس اللحم ومايه مع العيش

وفي ناس يسوون طريقتج الحشوو


المجبوس الاحمر يسمونه مجبوس يمه

وطريقتي

افرم بصل ناعم

وافرم 3 طماطات ناعمه

3و فص ثوم ناعم

اغسل اللحم+احمس البصل+واضيف الثوم+وتالي بزاري وهو هيل ودارسين مصحح وقفشه كبيره كاري وشوية فلفل اسود
و3 حبات مسمار +اضيف عليهم الطماط ويا المعجون اقصر شوي علي الجلوسه بو 5 دقايق

راح تشوفين انه الدهن صعد فوق اصب ماي واخليه يطبخ عدل مدل لمن اللحم ينظي

ونص كمية الماي تشربه اللحم

اكون منقعه عيش وغاسلته اصفيه من مايه
واضيفه حق المرقه واقصر علي الجوله وتعالي ذوقي لي صار يمه المعبوج وعدة الخياس
اوووووووووووووووووووف اويلي الووووووووووووووووجن ههههههههههههههههه




طريقة الثانيه

حشو لحم او دياي

اغسل اللحم او الدياي عدل

افوحه بماي وغار وهيل ودارسين ومسمار وشوية كاري

اخلي لمن ينضي عدل

اشيل اللحم او الدياي
اذا لحم احطه ببايركس واصب عليه بزار مخصوصو حق الحشو وشوية سماق وزعفران وزبده
اغطيه بالقصدير واخليه علي الووورم


اذا دياي:احط الدياي بايركس ارش عليه هيل مطحون وشوية زعفران وبزار ودارسين
واحط عليه شوية زبده سايحه واخليه بالفرن يتحمر


العيش اخذ ماي الي فحت فيه العيش اصفيه من الشوائب وارد احطه بالجدر
اصب عليه العيش واقصر علي الجوله
واحاول اخلي الماي شوي
لاني مزهبه ربع قلاس زعفران وهيل وصبغة زعفران وشويه ماي ورد

اول ماشوف انه الماي تشربه العيش اصب خلطة الزعفران علي الاطراف

لمن يطلع بخار اشوي اضيف زبده اودهن كيفج

الحشو:نخي منقوع
عقب النقع افوحه تالي احمس بصل واضيف النخي والكشمش وبزار المخصوص بس حق الحشو هذا
واذا ماعندج ممكن تضيفين قفشة دارسين وقفشة كمون وشوية فلفل اسود وشوية كاري

هم يطلع حلو بس لو تاخذين البزار المخصوص احلي

وحزت النجاب عاد انجب العيش واحط الحشو فوقه وتالي اللحم او لدياي
وممكن افصل الحشو عن العيش

مثل عيش الحسينيه عرفتيه

وسلامتكم

مشاركة: ملف لعمل المجبوس بأنواعه ...شاركونا

السفيرة عزيزة

تقريبا ... طريقتنا وحده

بس أهم شي يطلع ناطع ولذيذ ؟؟

مشاركة: ملف لعمل المجبوس بأنواعه ...شاركونا

jolie_q8

وعليييييييييييييييكم السلام

مشكووووره علي هالمووضووع الحلو

شوفي حبيبتي

بالنسبة لللحم والدياي

أنا طبعا أول شي أنظفهم عدل مدل

وخليهم شوي يتنقعون بالملح علشان الزفرة

وساعات لم أنقع الدياي خل مع ملح

وبعدين أنظفهم

وخلي يفوح مع الماي بدون بهارات

وبعدين طبعا مع حمسة الثوم والبصل

وبعدين البهارات الصحيحة الدارسين والهيل والمسمار
وبهار مخلط
وخليه يطبخ شوي

وبعدين أضيف الماي

وخليه يطبخ
عاد أضيف الملح أو مكعب ماجي

علي حسب الرغبة

طبعا بالنسبة للدياي يا أقليه أو أحطه بالفرن شوي

وساعات شسوي أخذ من زيت قلي الدياي وأحطه مع حمسة الحشو

يطلع يم يم يم



عادي ألحين العيش

طبعا ساعات أسوي العيش بزبدة

أحمس شوية عيش مع الزبدة وبعدين أحط عليه ماء فوح الدياي وماء عادي وشوية هيل مطحون

وأنا استعمل زعفران أجمل او الرصاصي أحسهم أحلي للأكل




وصج

ساعات في العيش الأحمر اللي ينكبس معاه اللحم أو الدياي

أنا ساعات احط معاه مكعبات بطاط

مشاركة: ملف لعمل المجبوس بأنواعه ...شاركونا

bnt q8 in usa

ماشاءالله ... اصلا امبين لذيذ من وصفج

انا الحشو .. اسويه بكيفي لان ريلي ما يحب النخي والكشمش.. علشان جذيه بس احط بصل وصنوبر

انشالله اجرب طريقتج

مشاركة: ملف لعمل المجبوس بأنواعه ...شاركونا

جارة القمر

اه اهني مربط الفرس

يعني انتي غير شويه... او شي تحمسين اللحم أو الدياي ..مع بصل وثوم ..بهارات صحيحه... وبعدين تحطين

ماي !!

علشان جذيه اقولكم كل بيت غير

بس طريقتج حلوه علشان... اللحم ياخذ طعم البهارات

بنات خلونا نشوف باجي الطرق بليز

مشاركة: ملف لعمل المجبوس بأنواعه ...شاركونا

jolie_q8

تري هذي الطريقة الصح

أنا اشوف أمي وخواتي

وخالتي أم ريلي كلهم جذية

طريقة حمستهم

تري تعطي طعم

مشاركة: ملف لعمل المجبوس بأنواعه ...شاركونا

عيل أكيد نجرب طريقتج .. واعطيج خبر


يللا بنات شاركونا بطريقتكم للمجبوس

مشاركة: ملف لعمل المجبوس بأنواعه ...شاركونا

جولي انا مو من ربع المجابيس ماحب اكلها ولا اطبخها واشوه ان ريلي ما يحبها بعد ...

بس بقولج عن بهارات انا شريتها من الجمعية محطوطة بغراش بلاستيك مكتوب عليها بهارات بيت في منها للحم والدياي والسمج ووووو ... انا جربت اللي للحم والدياي بس وايد حلوة ...

تدرين ليش ؟

لأن يدتي الله يرحمها وعماتي كلهم وابوي الله يخليه يحبون يسوون البهارات بروحهم بالبيت يحمسونها و يطحنونها وكل شي بروحهم وتطلع خنينة ...

فآنا لما جربت هاذي اللي بالجمعية والله ريحتها وايد وايد تشبه اللي عندي وجربتها بالطباخ اتهبل ...

مشاركة: ملف لعمل المجبوس بأنواعه ...شاركونا

رفرف

مشكوره .. على الاضافه

تصدقين اشكثر اشوف البهارات اللي بالجمعيه بس ما يغروني

يالله مجدي اخذ اللي كل شي بروحه

يبيله نجرب

مشاركة: ملف لعمل المجبوس بأنواعه ...شاركونا

انا نفس جارة القمر

اول شيء اغسل الدجاجة واعصر عليها ليمون وخل
وعقبة انظفها مرة ثانية
واحمي بالجدر بصلة مقطعة مربعات صغيرة وثوم وبهارات الدجاج او الكاري قفشة كبيرة
وهيل ومسمار واعواد دارسين وطماطة مقطعة وشوية فلفي بارد مقطع وكم حبة علوب حار
واحمسهم ليمن تفوح الريحة الزينة
واضيف الدجاج ومكعب ماجي واحمسهم على نار هادية 5 دقايق
وتالي اصب ماي حار وتفوح لمدة نص ساعة
واشيل الدياية واحمرها بالفرن واكون منقعة العيش نص ساعة بماي فاتر
واكت العيش واحمس الحشو جربوا تحطون هيل مطحون مع الحشو يعطينة نكههة تهبل

وسلامتكم

مشاركة: ملف لعمل المجبوس بأنواعه ...شاركونا

^^ حنين ^^

ماشاءالله .. طريقتج غير ويديده

بس مبين لذيذه... ولها نكهة خاصه (إضافه طماط وفلفل بارد وفلفل علوب )

خوش طريقه ... عجبتني

تسلم ايدج .. ومشكوره على الوصفه

مشاركة: ملف لعمل المجبوس بأنواعه ...شاركونا

جولي انا كنت اسوي نفسج بس جربي البهارات الجاهزة احلى ...
او اخذي بهارات عدلة وطحنيها اصلا ريحتها غير (انا لاحظت الهيل والفلفل الاسود لي طحنتيهم ريحتهم اتصير غير واحلى وطعمهم ايبين بالاكل مليون بالمية)..

مشاركة: ملف لعمل المجبوس بأنواعه ...شاركونا

الهيل انا طحنه.. اصلا قمت ما استخدم عدل كلش

... بس الفلفل الاسود اخذ عدل ومطحون .. والدارسين اخذ عدل ومطحون...

عيل تصدقين بجرب اطحنه بروحي

قبل ما تطحنينهم..تحمسينهم شويه أو لأ

مشاركة: ملف لعمل المجبوس بأنواعه ...شاركونا

طريقتي انا في مكبوس الدجاج
اول شي احمس البصل ياما يصير شفاف اكون داقه ثوم مع ملح شوي و زنجبيل طازج احطه على البصل مع شوي فلفل اخضر حااار و اقلب اقلب ياما يصير المزيج ذهبي احط بسرعه اعواد دارسين و مسمار قرنفل حوالي 5 و هيل وورق غااار و اقلب بعدين احط الدجاج و اخليه دقيقه بعدين احط بتين ماجي و بهاراتي المشكله و اصب عليه ماي حار ...و لا خلص الدجاج اشيله من الماي و ارش عليه كمون شوي و احمسه بازيت ...الماي الي سلقت فيه الدجاج اشخله من البصل و البهارات الصحيحه و اقط فيه العيش و اخليه يستوي ...
الحشو مرات اسوي و مرات لا لانه مو مرغوب عندنا في البيت حييييل يعني مرات ممكن احط على العيش دوائر ليمون او خيار و جزر و ممكن اقص لي شويه بقدونس و ارشه علييييييييه ..
و خلاص