^~*¤©[£] شلـــون النفسية اليـــــوم؟؟متكدره من شنو،،ضايقة من شنو،،وشنو السبب [£]©¤*~^

[بنت النوخذا]

بنت النوخذااا ونهى تعرفون مكان مميز فى الكويت فى المجمعات تبيع ملابس حلوة والوان جميلة فى الكويت او مكان فى السعودية يعنى سوالف حريم شفتوا شى بهاليومين حلو

زوورق ضيعتيني :eh_s(22)::eh_s(22): انتي كويتيه ولا سعوديه
مجمعات القصيم و عنيزه حلوين
الخبر الظهران
بالكويت
الافنيوز - معارض البنات - القادسيه - بيت ديفا

مو تنسين صوغتي كليجه و كراث
:ggdw:

 

[بنت النوخذا]

سلام عليكم
هالأيام عصبية جدا
ونومي ملخبط أنام 3 أو 4 ساعات بس
الله يعين

سلامات مو خوش خبر يا الغاليه

عليج بالاشياء البارده
و خفيفي اكل اللحـــوم خاصه ( الحم و دجاج )

عندج القرع حلو و الحليب البارد يهدئ النفس
وكـــــــــــــــــــــثري من شرب الماي خلي في رشه ماي ورد

شوفي هالشئ يونس و انصكم فيه
لانه حرار الجو استغفر الله و اتوب اليك يارب

بردي علي قلبج يا الغاليه

:eh_s(9)::eh_s(9):

 

[بنت النوخذا]

اليوم شعوري متوتررررررره وقللللق :eh_s(11):

لان باجر عندي موضوع مهم ومصيرررررري

الله يستر

ادعوا لي

يحليلج يونس نكج ( نمله ذربه )
هذي اول مره التقي معاج :eh_s(7):

سلم قلبه نمله تتوتر :eh_s(22):

ان شـــــــــــاء الله ربي يوسع دربج ويرزق الرزق الحسن
ومااااااااالج الا كل عافيه يا الغاليه

وكلي امرج لربج و ان شاء الله تلاقين خير

:yaaaaaarb:

 

[حديث الروح]

الحمد لله مستقرة النفس ..

أتساءل عن الأخت نهى غاب طيفها اليوم عن المنتدى .. عسى خيراً

نحن متضايقين لأجل احتجاب المنتدى عن أحبابنا في السعودية ..

نحن نفتقدهم !!

نتمني حضور الجميع

 

[الزورق222]

ضحكتينه يابنت النوخذا مع انى تعبانة وتونى احس بشوية راحة وعلى طول فتحت النت .. بس حبيت اقراا كم موضوع فى المنتديات .. ونتطمن على نهى ..
سلمولنا عليهاا اذا حضرت بغيابى وادعولى بالشفاء ..
تصبحين على خير

 

[بنت النوخذا]

مالج الا العافيه زووور


عسي ماشر شفيها اختنا نهي

عاد الايام اغلب الناس صخونه و نشله و عطاس

انا والله الصبح راسي ثقييييل من هالادويه

 

[Patcholli]

الحاله النفسيه دايخه و مستانسه ان المنتدى رد من عقب ماكان معلق يومين

نهى حياتي شخبارج بشرينا عنج عساج بخير يالغاليه ؟؟

 

[حديث الروح]

نفسيتنا تتراوح ...

المنتدى متذبذب ..

اختنا نهى لازالت غائبة .. عساها بخير ..


متى سيفتح المغلق للبنات في السعودية ..

المنتدى يفتقد روحهن..

 

[الزورق222]

السلام عليكم ورحمة الله وبركاته ..
الحمدلله اليوم افضل من البارح بكثير ..
اشلون الصبايا ..
بانتظار طلة نهى لنتطمن عليها ..

 

[نمله ذربه]

اليوم :eh_s(15):

 

[بنت النوخذا]

مساء الخير و الحساس و الطيبه



حاطه حنه وراسي صاير جنه طابوقه مسنده علي طوفه
ما ادري احساااس يضيق الخلق
وحاطين لي هالمره ورق المنيوم
صاير راسي امبوخ


متي يخلص الوقت بغسل راسي

 

[الزورق222]

السلام عليكم ورحمة الله وبركاته
مساء الخير للصبايا الحلوين ..
تمام اليوم والحمدلله ..

 

[شادن33]

بلعومي يقرصني جنى بمرض كح كح

نهووووي وينج

 

[الزورق222]

بلعومي يقرصني جنى بمرض كح كح

نهووووي وينج

ههههههههه شنو اللى قارص بلعومج شكلج ناقصج اسأله ههههههههههههههه
سلامتج ياااصبية :eh_s(17):

 

[شادن33]

زورو يووووزي عني
من صج بلعومي يعورني
وبعدين اضحكيني لما تقولين يااااصبيه اتنرفز ماادري ليش

 

[الزورق222]

هههههههههههه ليش ياصبية احلى شى اسويه هو تعصبيج استانس ياااصبية
ماتدرين عن نهى ..!

 

[شادن33]

نهوووي فديتها طرشتلي رساله وكانت بخير قبل كم من يوم ياصبيييه !!!

 

[نهى الأحمد]

السلام عليكم


شلوكم ياخواتي


عساكم بخير



بشروني عنكم


عساكم بخير

عساكم ماتفقدون غالي حبيباتي


غيابي كان لسببين


اول سبب

جهازي كان بالتصليح


ثاني سبب

طاحت رملة بعيني وصار فيها التهاب عدا على خير الحمدالله


المهم عندي انكم تكونو بخير وبعافيه ياخواتي


بشوف القسم وارد لكم

وارد على خواتي بالخاص

 

[بنت النوخذا]

وووووووي شــــــادن

عيل بدايه نشله

هههههههههههههه يمكن عاديتج

مالج الا العافيه يا الغاليه

 

[بنت النوخذا]

السلام عليكم

طاحت رملة بعيني وصار فيها التهاب عدا على خير الحمدالله


المهم عندي انكم تكونو بخير وبعافيه ياخواتي


بشوف القسم وارد لكم

وارد على خواتي بالخاص

عليكم السلام و الرحمه
ما تشوفين شر يا الغاليه
عليج بمطهر بلنك مع المرطب
حرصي علي خاصه بوقت باوقات الغبار
مالج الا العافيه :eh_s(17):

اللمانيه تلاقينها عند بوتس