^~*¤©[£] شلـــون النفسية اليـــــوم؟؟متكدره من شنو،،ضايقة من شنو،،وشنو السبب [£]©¤*~^

[نهى الأحمد]

السلام عليكم ورحمة الله



شخباركم يا خواتي


عساكم بخير الجميع


سامحوني على الغياب المتقطع عنكم



كافي علي اسمع عنكم الاخبار الطيبه



لي عوده لردودكم ياخواتي

 

[زعفرانة_73]

نفسيتى الحمدلله اليوم هاديه وريلاكس يمكن عشانى صايمه:eh_s(22):

 

[شادن33]

تفسيتي مرتااااحه والحمدلله
شلووونكم ياصبايا <<<<<صبيه صبيه

نهوووي مشكوووره ع الشعار أحاول اطرشلج عل الخاص ينمسح ومايصير *

 

[نهى الأحمد]

~

فديتس والله يالبي نهى حياتس عندنا بالقصيم وبالرياض وبااي منطقه من مناطق المملكه كم نهى عندنا ..

فديتج والله يا نجوووده

تسلمين ياقلبي

والله اتشرف ازوركم بالقصيم والرياض والسعودية كلها

بعد عمري والله

السلام عليكم ورحمة الله وبركاته ..
مساء الخير نهى
ممكن نهى طلب بما انج مشرفة تحاولين تتوسطين لنا عند المديرة بنت الكويت بخصوص موضوع يوم الغزو ..
ماباقى عليه شى ..
نبي خلفية المنتدى كلها تتغير لهذا اليوم .. لمدة يوم واحد فقط شعارات عن الغزو - لون السواد - وصور توضح الحقائق لهذا اليوم .. هناك اجيال لاتعلم بتاريخ لن ينسى ..
توسطيلناا اذا اعجبتج الفكرة ..2- 8 - 1990

خلى اللى يحب العراق بهذا اليوم يطلع على حقيقته والسالفة مو سالفة اثارة فتن بين الدول لكنه تاريخ ...مع السلامة ياصبايا مسافرة لمدة يومين للرياض ..

وعليكم السلام

هلا والله ياقلبي

شخبارج عساج بخير

والله يا حبيبتي ارسلي رسالة لبنت الكويت وقولي لها عن اقتراحج لانه فعلا راااااااااائع

او بلغي مشرفة قسم وطن النهار المشرفة حناين وانا معاكم بالفكرة ان شاءالله

تروحين وتردين بالسلامة ياقلبي

نهاوي اختي الغاليه
ترا تدرين بسوااالف نون النسوه ما تخلص

سالفه تجر سالفه

ولااااا شلون تتعدل النفسيه يا خلااااف

ههههههههههههه
فالسموحه يا الغاليه

لا زم نفرح و نبتهج

هلا حبيبتي بنوته

شلونج

ماعليه ياقلبي

المهم انه نفسيتكم تتغير للاحسن

بس حاولي تفتحين موضوع تتناقشون فيه ونفيد الكل :eh_s(7):

السلام عليكم صباح الورد للصبايا الحلوين
الحمدلله اليوم صباحى صباح جميل

وعليكم السلام

يا هلا وغلا ياقلبي

عسى دوووم حبيبتي

يسعدلي هالويك اند
و يسعد لي مساكم

حللت عشان النادي و الدايت
و انصدمت امس بالنتايج الدهون عندي مرتفعة

بس اليوم عدلت مزاجي الحمدلله
رحت وجبت ناس اعزهم و تقهوينا و قطيت نص همي عندهم
و الغبار لا تعليق خو تعودنا ع الجو

هلا والله بالغاليه ام سعود

فديت هالطله والله يسعد مساج وايامج

زين تسوين حبيبتي ام سعود

الانسان يحتاج احد يقعد معاه ويسولف

تراه ينسى كل هموم الدنيا

وبالنسبة للتحليل ان شاءالله من بعد النادي تتعدل الامور عندج

 

[روحين في رـوح]

ســلآلآلآم صبــآيــآآ

شلؤؤؤنكم مشتاقتلكم الي كم يوم ما دخلتت
\نفسيتي الحمدلله تمام

 

[نهى الأحمد]

الله يوسع صدرج علي طرحج للموضوع هذا ساعات الواحد يبي يشتكي لناس ما يعرفونه عشان يسمع الردود اللي ما فيها مجامله -- ضايق صدري اليوم حيل وقلت خل ادخل اشوف مشاكل الناس عشان تهون علي مشكلتي واول ما قريت عنوانج قلت ادخل افضفض شوي

مشكلتي يانهي وعلي الله المشكي ولدي عمره سنتين ونص تعود يطق اي احد ذبحني طق والله ما تصدقين اذا قلت لج احس بخدار بجسمي من كثر ما يطقني والمشكله الثانيه بعد ما قطيت الحفاظ وعلمناه على الحمام استمر فتره طويله يروح للحمام الحين مستحيل يروح كل ساع مسويها على ملابسه وصراخ بجي ما يبي يروح الحمام يعني عنيد يقول اسويها على ملابسي يبت الهدايا كلمته عدل شجعته اذا رحت الحمام اوديك العاب انت شاطر انت نظيف ولا يهمه الكلام عمك اطرش والحين اللى مضيق خاطري اليوم بكتبه

قلت هذا ما ينفع معاه شي بديت اسلوب الطق والله صرت افقد شعوري اطقه طق مو طبيعي مليت ما كو حل عشان اوقف طقه لي واخليه يرد يروح الحمام واللي زاد همي ابوه (( ريحته كلها بول وسخ لا تقعد عندي يلا قوم مناك مايصير تري جذي يامره قمت اشم البول بكل مكان )) طيب انا شنو اسوي شنو بأيدي ذبحته من الطق لدرجة اليوم طاقته بواير الكهربا معلم بظهره انا تعبت منه هم قلبي يعورني وانا اطقه قمت حتى ادعي عليه والله ما صرت احب حتي اشوفه صار يفشل بالاماكن العامه يطق يدام الناس يطق النفسيه صفر صارت سمله عليه وهذا عمره سنتين ونص اقول اذا كبر شنو بسوي ؟؟!!!

هلا والله ياقلبي

شخبارج

زين دليتي هذا الموضوع

كلنا خوات نعين ونعاون ونخفف عن بعض


سمعيني ياقلبي


عمره الطق مارح يجيب نتيجة

بالعكس

رح يزيد من المشكلة



ولدج يعاني من مشكلتين

الاولى :

انه يطق أي احد يشوفه جدامه يعني عنده عنف ممكن يكون لا ارادي
وبعدين ولدج عمره سنتين ونص يعني صغير مايعرف انه الشي اللي يسويه غلط


المشكلة الثانيه :

التبول اللارادي عندج ولدج

اوكي انتي قلتي انه نظف

لكن اكيد فيه سبب قوي صار مايحب يروح وانتي بكرامة الحمام


ودام انه مانفع شي معاه لا بأسلوب الهدية والتشجيع

حاولي تاخذينه الطبيب

يمكن يكون عنده الحل


ارجع اقولج

الطق مو اهو الحـــــــل ياقلبي


انزين ماعندج يهال غير ولدج؟

لانه احيانا الغيره تسبب مشاكل كثيرة

 

[نهى الأحمد]

الحمدلله :yaaaaaarb:


:ggdw:
:eh_s(15):

(((

عسى دوم حبيبتي

يا سلام على نهوي
مواضيع جميلة
انا الله يسلمج ما اخلي نفسيتي تتحكم فيني
بمعنى
إذا شانت نفسي
أحاول أمكيجها و أزينها
و طبعا ما تحلا النفس و تزين
غير بذكر رب العالمين
مشكورة حبيبتي
مبدعة كالعادة

يا هلاااااااااااااااااا والله بالغاليه رعووووووووووي


توه منور الموضوع والمكان كله

اشتقنا لطلتج الحلوة في المواضيع كلها

حبيبتي والله العفووو


ماشاءالله عليج يا الغاليه

والله اني افتخر فيج وبصداقتج

كافي علي شوفتج حتى لو انها مرة وحده

بس اللي يشوفج الفرحة تدخل قلبه :eh_s(22):

وصاجة يا الغاليه

الا بذكر الله تطمئن القلوب

السلام عليكم ورحمة الله وبركاته ..

نفسيتى تمام وعال العال ..

وعليكم السلام زوزو

شلونج حبيبتي

فقدناج ياقلبي

كحححح كككححح

غبارررر غباااااار

روز القصيم بو غبار
ههههههههههههه

ههههههههههههه

يا حلوج يا بنووته

الظاهر انه لج خبرة بالقصيم

السلام عليكم
هلا اختي بدون هويه
اعنذر للمداخله بس عور قلبي ولدج الله يحفظه
بصراحه خافي ربج سنتين و نص
عزيزتي
السالفه مو بسيطه عندج .............. ولدج محتاج
معالج نفسي مختــــــــــــــــــص

حرام اللي تسوينه بالطفل
لالالا تاخذين شور الناس ..... الدكتور المختص
ممكن احد بيفيدج يقوم يضر الطفل
و تتندمين بعدها


:yaaaaaarb:

جزاك الله خير حبيبتي

وانا قلت لها بعد انها تعرضه على طبيب مختص

وان شاءالله خير

 

[نهى الأحمد]

نفسيتى الحمدلله اليوم هاديه وريلاكس يمكن عشانى صايمه:eh_s(22):

هلا والله بالعزيزه الغاليه زوزو

شلونج حبيبتي

عسى دوم نفسيتج حلوة وهادية

وتقبل الله صيامج ياقلبي

لاتنسيني من دعواتج الطيبه

تفسيتي مرتااااحه والحمدلله
شلووونكم ياصبايا <<<<<صبيه صبيه

نهوووي مشكوووره ع الشعار أحاول اطرشلج عل الخاص ينمسح ومايصير *

هلا والله شووووودنه ياقلبي

نورتي يا الغاليه

المكان مو حلو من دونج يا صبيه هههههههههههه

العفو حبيبتي شدونه

اي ياقلبي الظاهر في مشكلة فنية بالمنتدى

مو بس بالرسايل

حتى لما تكتبين رد وتعتمدينه مارح يطلع من اول مرة

انا صرت انسخ اي رد بكتبه سواء في موضوع او بالخاص حتى ما اتعب مرة ثانيه بكتابة الرد


وياحلو الشعار بتوقييييييييعج :eh_s(15):

ســلآلآلآم صبــآيــآآ

شلؤؤؤنكم مشتاقتلكم الي كم يوم ما دخلتت
\نفسيتي الحمدلله تمام

وعليكم السلام

هلا والله حبيبتي

شخبارج


واحنا بعد اشتقنا لج وفقدناج

عسى دوم نفسيتج تمام

 

[روحين في رـوح]

صـبـآح آلخـير آصبحنـآآ وآصبح الملك للـهـ

تعبانهـ الليلهـ ماعرفت انام بنوب وصحيت مبكر وحالتي حالهـ


بس النفسيهـ ممم ساعتين زمن ورح تصـير 100% بس اتريق بتحسن خخخخ

 

[نهى الأحمد]

صباح الخير


شلونكم ياخواتي



عساكم بخير



أستفر الله العظيم واتوب اليه
أستفر الله العظيم واتوب اليه
أستفر الله العظيم واتوب اليه
أستفر الله العظيم واتوب اليه

 

[ضـئ القمر]

هـآي ...

صبـآيا .. المــزاج ..واااااااو شوي كان الفتره الصباحيه ..عصبيه .

بس الحيين الحمد لله تحسن شوي .. سو

I think I am okay

 

[ديم السحاب]

المزاج متوتره عندي امتحان المحاضره اللي طافت يوم رحت مالقيت احد هههه وحاسه ان تأجل لليوم
الساعه 4 المحاضره اخاف اروح ومايطلع امتحان لانه الدكتوره معفيتني عن الدوام لأسباب خااصه

 

[دهورتني يازين]

نفسيه زفت اليوم

ان شاء الله تصير نفسيه زينهههه

 

[شادن33]

نفسيتي زفت الزفووووت
متهاوشه مع الخدامه وخاطري امصع رقبتها بس برستيجي يمنعني خخخ
الله المستعااااان

 

[شادن33]

وكلن يغني على ليلاااااه

 

[تحت ظلك]

السلام عليكم

اليوم

نفسيتي زفت تغيرات مزاجيه كل شهر تعفسني فوق تحت ): أن شاء الله كم يوم وتعدي الأزمه وياربي فرج قريب من عندك.

 

[divaness Q8]

متضايقة وااااااااااااااايد

 

[$ بنت علمي $]

متكدرررررررررررررررررررره ومتضايقه حيل

الحمدالله على كل حال

ربي يفرجههههها يارب

 

[حديث الروح]

لااله إلا الله..

الحمد لله أولاً وآخراً

الله يعدل أحوال الجميع ..

بعون الله وبالركون إليه فالنفسية مستقرة ..

 

[الزورق222]

السلام عليكم ورحمة الله وبركاـــــــــــــته
صباح الخيــــــــــر على احلى صبايا ..
الحمدلله نفسيتى تماام ..صارلى كم يوم غايبة عن المنتدى مو متذكرة شكلهاا يومين او ثلاث كانوا احلى ايام قضيتهم مع الاهل فى بيت خالتى مو ناقصنا الا انتوا يااصبايا ..
اشلون نهى ..اشتقنا لسوالفج ..