¤°^°¤أشياء مالها لزوم في حياتج..تعالي وقطيها بهذا الصندوق علشان نقفل عليه¤°^°¤

[أنفاسي دخون]

موضوعش يهبل نهوي

اقط فيه المحاتاة + والتفكير الدايم بالمستقبل + وناس مالهم لزمة بحياتي

 

[||سمّـني روحك||]

رد : ¤°^°¤أشياء مالها لزوم في حياتج..تعالي وقطيها بهذا الصندوق علشان نقفل عليه¤°^°¤

رااااح ارمي الماااااااااضي كله بزينه وشينه

 

[حناينq8]

يعطيج العافيه نهى

ان كان هالصندوق شي واقعي

اول شي اقطه فيه الامراض

واحذف فيه كل الناس اللي بقلوبهم حقد وحسد وغيره ولقافه

 

[فاقده ابوهاااا]

اي دستي على الجرح
اكيد اقط الناس الي اجرحوني وسببوا لي معاناة ابديه ولي يومج هذا قاعده اعاني بسبتهم وما ابيهم يردووون لي ولا يرجعون لحياتي مره ثانيه

 

[ﺂلعيوטּ ﺂلناعسـﮧ]

ودي اقط وحده كنت اعدها توأم روحي بس للاسف !!
انصدم فيها صدمة عمري يليتني مت ولا انها تصدمني !!

 

[غلا ستايل]

ممممممممممممم
احط عمتي واخليها تختنق داخل

 

[نهى الأحمد]

تسلمون حبيباتي من كل مكروه


نورتوني

وحياكم الله باي وقت ودكم تقطون فيه شي ماله لزوم عندكم

 

[نهى الأحمد]

ودي اقط اليوم موقف صعب صار في حياتي لاني ودي اعيس مرتاحه البال

 

[sho-sho_93]

بققققققققققققققط نفسي وارتاح

 

[loloالحلوة]

انا بقط فيه كل لحظه مضت بحياااتي سوده
و بقط فيه رفيجاتي اللي جرحوني
و يعطيج العافيه عالموضوع والله لا يحرمنا منج

 

[جنه الخلد]

رد : ¤°^°¤أشياء مالها لزوم في حياتج..تعالي وقطيها بهذا الصندوق علشان نقفل عليه¤°^°¤

مشكوره على الموضوع الحلو والشيق.. ودي اقط اهل زوجي كلهم .. وودي اقط الحاضر اللى اعيشه ويضل الماضي الجميل..

 

[cheese cake 84]

وديي اقط خالتي ام ريلي وافتك منهاا واعيش مع ريلي مرتاحه البال

 

[نسيت أنسآك]

^

هههههههههههههههههههههههههههههههههههههههه
الله يريح بالك مثل ماضحكتيني










ودي اقط التفكير بالمسسسسستقبل واعيش يومي وبسسسسسسسسسس

 

[So0oKaRa]

يبتيها عالجرح والله
ودي اقط كل الذكريات المؤلمه بحياتي
ودي اقط ناس وايد جرحوني وضايقوني
ودي اقط كل همومي اللي تشغل بالي بهالصندوق واقفل عليه واحذفه بالبحر
الحمدلله رب العالمين على نعمه النسيان الله ينسينا همومنا ومشاكلنا يارب

 

[ام ناصر 2009]

رد : ¤°^°¤أشياء مالها لزوم في حياتج..تعالي وقطيها بهذا الصندوق علشان نقفل عليه¤°^°¤

ودي اقط هموم المستقبل و اعيش اليوم

 

[وجدان الحلا]

ودي اقط لساني اللي مايعرف يتكلم حزة الهوشه
وودي مو اقط الا اطلب من الله انه يغفرلي على ذنب اذنبته
وتسلم اناملج على مواضيعج العجيبه

 

[غمزه وإبتسامه]

الأربع سنين الي طافوو كلهم
2007
2008
2009
2010
كلهم اقطهم بالصندوق وانسى كل شي صااار فيهم

 

[أحلى همبه كويتية]

موضوع خطييييييييييييييييييييييييير حيل نهوي
ياخطير يا انت

ودي اقط ناس يسون روحهم رفيجات للمصلحة بس وعقبها طااااااااااااف


ودي اقط ناس واقمتهم بالصندوق
لأنهم سبب لألم وتعاسة بحياتي

ودي اعيش مرتاحة

ودي اقط ذكريات خايسة بس احمد الله انها ما تحققت

ودي اقط 40 كيلو من وزني والبس بكيني
هههههههههههههه

ودي اقط المنافقة اللي تمثل علي
تسولف وتروح تغير الكلام من وراي لصالحها
وبالمرة اقط اللي قاعد يسمع كلامها بعد التحريف والبهارات الزايدة


ودي اقط خوفي من ا لبحر عشان استمتع ليه سافر بالرحلات البحرية


وايد اشياء
ان ذكرت رجعت

 

[نهى الأحمد]

حياكم الله حبيباتي


الظاهر رح افتح صندوق ثاني


عسى ربي يبعد عنكم كل شي مضايقكم

 

[نهى الأحمد]

ودي اقط جزء ثاني من طيبتي