~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[NeloFaR]

هلا حبوبه انه جربته 3 ايام بس صج ضعفت يمكن كيلو بسرعه وخالتي سوته شهر وضعفت بس والله نصيحه لا تسوينه دوري على رجيم ثاني لان رجيم دشتي يساعد على زيادة الكرسترول نفس ما صار حق صاحبتج وخالتي سبب لها ب شي في الجلد ومن وقفت الرجيم وطببعا مع متابعة دكتور رد جلدها عادي وسمعت وايد عن حالات تحصنا بالله صار عندهم الخبيث لان جد انه ارتفع عندي الكرسترول بشكل غير طبيعي اصلا اهو عكس كل الرجيمات تزيدين من الدهون مقالي وما اعرف شنو فنصيحتي حبوبه دوري لج على رجيم غير

رجيم دشتي بالذات لازم تسوون قبله فحوصات و تتابعون مع الدكتور

لأن ما يناسب كل جسم .. و هالشي كم مرة يقوله الدكتور حسين دشتي بنفسة ..

 

[بطة رشيقة]

علييج بالعافييييييه بطوووو ..

الله يووفقج وابدي من يديد :ggdw: ..

عدل عدل طبخه بربريز اعجبتني لووووول :dddds: .. عليج بالعافيه ..

تنفع هالاكله حق رجيم ؟؟وشنو رجيمج ؟؟

هلا فيج حبيبتى شيوووخه اى افا عليج بربرييييز هذى مالت رجيم لان كل شى فيها دايت الروب والجبن والفطر حمسته مع ماى مو مع زيت .... جربيها راح تعجبج وانتى شنو عندج شى يدييييييد:ggdw: ..........امس ما ادرى شفينى تعبانه شوى تكرمووون بس ارجع ومو قارده معدتى تعورنى وكل ما كليت شى جبدى تعورنى وارجع واحس انى تعبانه شوى :cxxxp:

تعالى بخوصو رجيم انا الله يسلمج اسوى رجيم 1200 او 1400 سعره نسيت ويكون عباره عن ريوق: عادى نص خبزه صمونه وحده شريحتين توست مع جبن او لبنه او بيضه مع خيار وطماط وعصير
والضحى: يا حله فاكهه او جاى حليب وبسكوت او عصير او خمطه حب ...
والغدا: سلطه مع شوربه كل شى باديه عنونه مع لحم او دياى وخبز او 7ملاعق عيش ولبن _03BA:
العصر : نفس الظهر بس انا ساعات ازرق كاكاو :×
العشا : اما يكون روب وخيار وصمونه وجبن ,,,, او همبرجر مشوى مع صمونه وسلطه ,,,, او نفس الريووووق ,,, وانشالله ربى يتمم على بس انى ماله هاليومين وتعبانه وقاعده عزيمتى تخق :0bee2e8d89: بس الله يقوينا انشالله ...

 

[شيخه***البنات]

بطه رشيقه :

هلا فيج حبيبتى شيوووخه اى افا عليج بربرييييز هذى مالت رجيم لان كل شى فيها دايت الروب والجبن والفطر حمسته مع ماى مو مع زيت .... جربيها راح تعجبج وانتى شنو عندج شى يدييييييد ..........امس ما ادرى شفينى تعبانه شوى تكرمووون بس ارجع ومو قارده معدتى تعورنى وكل ما كليت شى جبدى تعورنى وارجع واحس انى تعبانه شوى

هلا و غلااااااا بطووو .. شكلي بجربه هالبربرييييز هههههه ..

انا ذاك اليوم كنت مطبقه رجيم دشتي بس يومين لول وهديته حسيته ثقيل

سويت كفته مقليه اووف طعمها مو طبيعي

كفته امريكانا فليتها بقفشه زيت زيتون + بصل مفصص صغار << وتصير مع ماي لانج سويتي اكله البربريز و اضبطت يعني هذي راح تنفع مع ماي

والصلصه فص ثوم + قفشه جبن كرافت + قفشه ميووونييز ..

عجييييييبه وبالهنا و الشفا ..

ماتشوووفين شر ياقلبي ..

تعالى بخوصو رجيم انا الله يسلمج اسوى رجيم 1200 او 1400 سعره نسيت ويكون عباره عن ريوق: عادى نص خبزه صمونه وحده شريحتين توست مع جبن او لبنه او بيضه مع خيار وطماط وعصير
والضحى: يا حله فاكهه او جاى حليب وبسكوت او عصير او خمطه حب ...
والغدا: سلطه مع شوربه كل شى باديه عنونه مع لحم او دياى وخبز او 7ملاعق عيش ولبن
العصر : نفس الظهر بس انا ساعات ازرق كاكاو :×
العشا : اما يكون روب وخيار وصمونه وجبن ,,,, او همبرجر مشوى مع صمونه وسلطه ,,,, او نفس الريووووق ,,, وانشالله ربى يتمم على بس انى ماله هاليومين وتعبانه وقاعده عزيمتى تخق بس الله يقوينا انشالله ...

حلوو خوش رجيم بس انا قاطعه الخبز .. لا من اكل خبز او توست ما اضعف لو شنوو ..

بالعكس بطوو لاتخق عزيمتج افا علييج كملي يالله راح الكثير مابقى الا القليل ..

كملييييييي ماشاءالله علييج ..

 

[NeloFaR]

انا االيوم قعدت متأخرة و ما تريقت و الحين تغديت سلطة ..

يا رب اقاوم :yaaaaaarb:

 

[رمانه]

قوه بنات شلون الرجيم وياكم انا الله لايواريكم شنو الادمان اللى صار يومم الجمعه كان عندي اوف وعيدميلاد بنت اخوى فبدعت بالاكل ويوم الاحد التزمت بس وقت العشا بدعت طلبت من سهران سكالوب دياي وجبه طبعا كان بقمة الادمات اليوم كان ريوقى فطيرة زعتر وغداى سلطه وانشالله هالاسبوع التزم بس لان بتيينى الدوره حاسمه ان جسمي كله منتفخ

 

[عود ومسك]

مساكم الله بالخير يا بنات شلونكم وشلون الرجيم وياكم؟
انا رجيمي كان قاسي حييييييييييييييل بس ما احس انه سوا شي
يمكن مره او مرتين خربطت بالعشا شوي بس هم حسبت السعرات الحراريه لأن ريوقي وغداي يمكن ما وصل 400 سعره
والعشا هم كان بدري..فا مادري شرايكم اغير والا شسوي بالضبط
بنات انا ابي انزل تقريبا 15 كيلو لي اخر 11
اليوم كان ريوقي متأخر عالساعه 1 الا ربع وتريقت بيضتين والساعه 2 شربت نسكافيه والحين بتغدا خياره وروب وحاطه وياهم خل
وبعدين..مفكره ما اتعشى مع انه العشا كنت مخططه انه يكون نفس الغدا شرايكم؟

 

[قصة صبا]

بناااااات شلونكم شخباركم

بنات باجر راح يكون ثاني يوم رجيم حقي ادعولي استمر

و ان شاء الله باجر راح اقول لكم شنو سويت ادعولي

 

[جمانه الحب]

موضوع غريب يعنى الواحد يكتب ايه فيه بتقفلوا المواضيع عشان تنجحوا موضوع !!!!!!!!!!!!!!!!!!!!

يللا ربنا يعينكو

 

[miss-one]

صباح الخير

 

[بطة رشيقة]

مساء الورد على الورد ... شلونكم بنات شخباركم ... انشالله بخير وشلون العزيمه والاراده عساها قويه ...؟؟؟ اختكم الله يسلمكم ما ادرى شفيها احس انى مكسله بس ادعوولى وادعوا لنفسكم ان الله يتمم علينا ويثبتنا ونسير الى الامام ما ادرى شفينى كل شى مشوقنى ومشتهيه اشياء وايد ههخخخخخخخخخخخخخخخ الله كريم انشالله ....

شخشوووخه شلونج مشكوره على الدعم ومشكوره على الاكله الحلوووووووووووووووووووه والله كريم ربى يتمم علينا ...

والبنات الباجى شخباركم ......

اليوم تريقت صمونه فيها جبن وخيار وطماط وعصير انناس والحين المفروووض اكل سناك بس ما ادرى شنو الصراحه ....

والله يوفق الجميع

 

[بطة رشيقة]

بنات صج بغيت رقم يوسف بوعباس ؟؟؟؟ عفيه اللى تعرفه تكتبه لى لانى محتاجته ضرورى حق وحده طالبته منى وقلت لها بدوره بالنت

 

[lara_action]

السلام عليكم بنوتات
:68_asmilies-com:
صج جوووووش دوانيه
اهم شي بالموضوع كله العزيمه و الاراده لازم تكونين قويه جدام الاكل يعني لاتقولين ابي آكل جدي ولا مابي آكل جذي اذا مشتهيه شي اكلي منه بس اشويه عن خاطرج ماراح يأثر لانج اساسا امقلله بالسعرات الحراريه
وانشالله تستمرون في الرجيم و التخفيف و الرياضه وابتعدو عن سوالف حبوب التخسيس ولا الكريمات
خلي كل شغلج طبيعي من الخضره و الفواكه ولا اعشاب من الحواي
وتــمــنــيــاتــي لـــكـــم بــالـــنـــحـــافـــه بـــالـــصـــحـــة والـــعـــافـــيـــة

 

[رمانه]

قوه بنات شلونكم شخبار العزيمه انشالله حديد انا امس عشاى كان توست اسمر مع جبن لايت وريوقى فطيرة زعتر وشاى اخضر

 

[قصة صبا]

عفيه عليج يا رمانه
بنات تعالو اقول لكم شنو كليت

الصبح تريقت توست اسمر و جبن سلايس و زيتونتين و نسكافيه

و غداي كان نص صمونه من صب واي و كانت عباره عن خيزه سمره و دياي و جبن و خس و بطاط ليز

و بس هذا اللي وصل له اللحين

و بعد شوي بروح الممشى

 

[NeloFaR]

بنات وزني ما نزل للحين و لا جرام @@

صج توني صار لي 5 ايام .. بغيت اسوي رجيم التمر بس بعدين غيرت رايي و قمت اخفف اكلي ..

يعني اتريق بيضة مسلوقة و و نسكافية ..

اتغدة توست و جبن او مرتديلا .. اتعشى اشياء نفس جذي .. حتى النسكافيه استعمل كوفي ميت لايت و سكر خاص بالرجيم

ماكو و لا تغيير كلش ... و لا شي نزل ..

احباط احباط احباط

بنات ليش تعتقدون صار جذي ..

 

[قصة صبا]

حبيبتي يمكن لانه انتي ماعندج زياده وايد بالوزن !!

او انه النشويات انتي تأثر في جسمج بسرعه

يعني يمكن تتريقين و تتغدين و تتعشين و ضمنهم يكون موجود النشويات

لانه النشويات تره وايد تأثر

نطري على نفسج بعد جم يوم اذا مافاد اتبعي رجيم ثاني

اما عن نفسي خل اكمل لكم

توني يايه من الممشى مشيت ساعه

و اول ما وصلت شربت جاي اخضر مع شكر بس مو شكر رجيم ما احبه

و توني كليت حبه بسكوت دايجستف

ماادري شنو اتعشى شنو تنصحوني ؟

 

[NeloFaR]

حبيبتي يمكن لانه انتي ماعندج زياده وايد بالوزن !!

او انه النشويات انتي تأثر في جسمج بسرعه

يعني يمكن تتريقين و تتغدين و تتعشين و ضمنهم يكون موجود النشويات

لانه النشويات تره وايد تأثر

نطري على نفسج بعد جم يوم اذا مافاد اتبعي رجيم ثاني

اما عن نفسي خل اكمل لكم

توني يايه من الممشى مشيت ساعه

و اول ما وصلت شربت جاي اخضر مع شكر بس مو شكر رجيم ما احبه

و توني كليت حبه بسكوت دايجستف

ماادري شنو اتعشى شنو تنصحوني ؟

مشكورة عالرد حبوبة :tek:

انا النشويات مو قاعدة آكلها الا شريحتين توست باليوم .. قبل الرجيم كنت عيش و شبس و فطاير ..كله قطعته بس مافاد

و يا رييت على قولتج ماا عندي زيادة بالوزن وايد .. الله يسلمج 12 كيلو زايدين .. عله على قلبي

انصحج تسوين لج سلطة سيزر عالعشا .. و عوافي مقدما

 

[قصة صبا]

جم وزنج و جم طولج ؟

اتوقع انتي نفسي يعني ما عندج زياده واااااااااااايد بس انتي تبين تضعفين واايد

انا وزني 71 وو طولي 167 ابي اوصل 64 !! بس والله الوزن ذابحني مو راضي ينزل معلق على السبعين


غير السلطه ابي شي ثاني لوول

 

[شيخه***البنات]

بطوو :

شخشوووخه شلونج مشكوره على الدعم ومشكوره على الاكله الحلوووووووووووووووووووه والله كريم ربى يتمم علينا ...

هلا ياقلبي ..

انا بخيير الحمدلله ..

العفووو ولوو يالغاليه ..

وعلييج بالعافيه .. و عسى الله يووفقج يارب وتكملييين لاتتكيسلييين ..

 

[NeloFaR]

جم وزنج و جم طولج ؟

اتوقع انتي نفسي يعني ما عندج زياده واااااااااااايد بس انتي تبين تضعفين واايد

انا وزني 71 وو طولي 167 ابي اوصل 64 !! بس والله الوزن ذابحني مو راضي ينزل معلق على السبعين


غير السلطه ابي شي ثاني لوول

لوووووووووووول

ليش الاحراج :cxxxp:

اقول لج 12 كيلو راضية فيهم كبداية .. بس مو حاصل لي

طولي 165 و وزني بالثمانيناااات .. بس قبل لا اتزوج كنت حيييل ضعيفة .. خصري كان عجيب بس عمري ما وصلت الستينات .. حدي 72 و كان حلو علي ..

على كلامج انتي وزنج مو زايد انتي تتدلعين .. لووووووووول

انا بسوي لي شيش طاووق و سلطة عالعشا .. حياج تفضلي