~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[just-me]

سكتي والله الحالة كسيفة انا صايرة مخمة هوفر ماكو شي يطيح بالارض والا ع الطاولة الا شافطته

لا الاه الا الله ... خرابوووووووووووه شارية لي ماعون الفوندو وطايحة له ...كل يوم نوع حلو

غير دناوة النفس على خمخمة فضلة الفطور علبو حرام و حسافة استغفر الله ....الحمدلله ع النعمه

شلونج يالغالية شلون علاوي....؟؟؟


بطه خطاكم السو بعد عمري كارز الله حفظه واااااي الله يصبر قلبج

 

[mn.mn]

يا بعد عمري والله انا والله بعد اليوم حظي من السما اللي صادفتج من زمااااااااااااااااااان عنج والله

احوالي مو تمام لا بالرجيم ولا بالمزاج مادري شفيني اللهم يا كافي علطول مهموووووووووومة

ومعصبة ومن اي شي اتنرفز واطلع حرتي بالياهال واحاتي الدوام الاسبوع الياي راح نداوم

محتارة آخذ اجازة خاصة لي بعد العيد ولا اداوم غير بلوة انفلونزا الخنازير وماندري شيصير عليها

انتي شصار عليكم وعلى وظايفكم ؟

 

[just-me]

[] [/]

 

[just-me]

والله الحمدلله عسى الله يخلي لنا ديرتنا عطونا راتب مسرحين ----> ما جني شوي و اقول يابا انطوني جنسية لوووول

لا والله - الله يعز ديرتنا بس بعده الشيك ما انصرف اما بالنسبة للوظيفة ماكو شي الحالة كسيفة

انا وحدة ما اطلع اجازات زود ولا طبيات ولا استأدن الا للشديد القوي و احب الشغل و تلاقيني

بالمكتب قبل الدوام بنص ساعة عشان ما احب الزحمة ولا احب احد يسمعني كلمة على التأخير

فتخيلي نفسج مكاني فجأة بالبيت ...طبعا اللهم لك الحمد رب صارة نافعة قعدت مع عيالي

وايد كانو محتاجيني يمهم كفاية كلمتهم ان هدي احلى اجازة مرت عليهم لأني معاهم

 

[mn.mn]

لووووووووووووووووول جسوت اي والله صدقتي هذا حالي انا بعد بالزززززززززززززززززززبط

 

[just-me]

شوفي من من انا اقول لازم نكنسل شي

اما نكنسل فكرة الريجيم ...او نكنسل الفطور و كافي الحلويات و السحور و التخربط

ماكو الا جديه .... على فكرة ما عندي حرف ال th بهالجهاز كله د

 

[mn.mn]

اي والله جسوت ان شاء الله فترة وتعدي وعلى قولتج ربحتي القعدة مع العيال ان شاء الله ما تطولين على ما تشتغلين بوظيفة احسن منها

وعلى الرجيم الله كريم ما اقدر اقولج على قرار الا بعد العيد

 

[just-me]

الله يسمع منج ...من من ادا مو مشغولة سولفي شالاخبار

شنو حصلتي حق العيد

 

[just-me]

من من وينج بتنامين ....؟؟؟؟

 

[mn.mn]

لا والله مو مشغولة ولا شي اصلا انا كل يوم اقعد لي الفير اصلي وانام مادري شلون بداوم الاحد الياي

اشوه احتمال تييني الاسبوع الياي راح اقدر انا على الاقل هالحزة واشبع نوم لي 7

والله يسلمج شريت من مكس اللي بالمارينا نفنوف بيج مع بني ركبت على توب بني وبلبس تحته legin بني وبس

وخذيت لي لفة من الفيحا بنيه بدرب شوارفسكي لاني ما احب اللمعة الاوفر باللفة والجنطة مو ناوية اشتري لان عندي بنية guylaroche

وعندي وحدة ثانية ck راح آخذ وحدة منهم وسلامتج انتي عطيني تفاصيل عن لوكج برمضان شسويتي ؟

 

[just-me]

[] ]


المشكلة اني اكل و انا مو يوعانه ولا استطعم بالاكل و اتحسف عقب ما اكل

عاد ياليت سحوري شي من بره والا توه مطبوخ ...كله بارد و ميصص عقب الفطور

ما ادري شنو اسمي هالشي دنفسه والا عين ضيقه والا هبال والا بحم والا حرام و عن الحسافة؟؟؟؟؟؟

 

[mn.mn]

جسوت لا حرام اذا تقدرين قضبي روحج والله لا توصلين للي انا وصلته انا طقيت ال 79 وحدي منحبطة امبيه لا ارد ال80 يا حسرتي

 

[just-me]

ليمن الحين من من الحمدلله و الشكر على الخبال ليمن الحين عندي امل ومنى و سلوى اني بضعف 4 كيلوات

وبشتري شي يسوى .... انا مثلج على نهاية هالاسبوع او اكثر شوي بعطل و بفطر فقلت الضحى افتر

ادور لي و ادور حق بنتي الصغيرة بس ما ادري السوق ليمتى فاتح انا مثلج اصلي الفير تالي انام

وارد اقعد الساعة 8 اقعد الأبو وولدي لأن بدى دوامه بالمدرسة و ارد انام ليمن ال 11

ما عندح فكرة السوق ليمتى مبطل؟؟؟؟

 

[just-me]

نسيت اقول ...

عليج بالعافية ملابس العيد وتتهنين فيهم يارب و يحفظج و يحميج من العين و عساه أردى ما تلبسين و تستاهلين الزين كله

و عسى ربي يخلي ايامج كلها اعياد بعد شتبين

 

[mn.mn]

جسوت ولدج داوم ؟ ليش ما أجلوا المدارس الخاصة لي آخر 9 ؟

واي زين تسوين اذا تقومين مبجر روحي الضحى لان بعد الفطور هلااااااااااااك من الزحمة

اتوقع لي 2 او 3 يفتح السوق ويمكن آخر اسبوع برمضان لي 4

 

[mn.mn]

بعد عمري والله ما قصرتي على الدعوة الحلوة الله يعلم اشكثر انا محتاجتها والله قاعدة الحين وحدي مغلقة ضاربة شوط مع الياهال

وابوهم ومالي خلق احد حتى نفسي مادري شنو صابني ياربي ما اقول الا الله الهادي

جسوت اخليج الحين بروح ادخل الياهال عشان ينامون

 

[ام فجور 2008]

صباح الخير

 

[just-me]

الامريكية العالمية مداومين من قبل اسبوع المدرسة الوحيدة اللي داومو وحاطين صورتهم

بالوطن اول صفحة اعتقد يوم الأحد اللي طاف

انا مخلية بناتي يسهرون معاي عشان اعودهم على صلاة الفجر

وهم سهرانين على الانترنت معاي

تصبحين على خير

 

[just-me]

صباح الورد هلا فجوره شلونج ... شلونج عقب مصر ولهت عليج

 

[ام فجور 2008]

انا حق العيد شريت لي من مصر تليقفت معاكم بالموضوع هههههههههههههههههههه

والرجيم كلش موزينه معاه لان الدورة قربت وصايرة بس اتشهى