~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

عندى شغل اخلصه وارد لكم ..

 

[mn.mn]

انا بعد عندي شغل بعد لاااااااااااااازم أخلصه اليوم وتوني خالصة ريوق

زيون مالها حس ؟ وجان زين جسوت تطل

 

[عنيّد]

يه يه يه شهالزين شهالحلاة ، اشعندهم العصابه اليوم :dddds:


صباح الورد ع الكل ، للحين صباح ! ياربي الوقت مايمشي :eh_s(14):


ام فجوره ،، والله الحمدلله ومراجعتي يوم الأربعا ويبين لوني عدل مع العبد ، مادري اشفيه وزني متنححححح مع ويهه :tomato2:

عبير ،، نشاط طل ، لاتشوفيني وانا قايمه من الفراش :eh_s(6):

منمن ،، الله يعطيج العافيه

بطوط ،، ياعيني ع الوطنيه ياعيني :dddds: أنا يختي أشتغل بالتصميم ، حيثُ أن الي تكلمج مهندسه معماريه ، بس بدون مشاريع :krkrkr:

وبما اني زهقت من هالوضع ، الحين جاري البحث عن معهد سنـــــــع أضبط فيه الانجلش ، وبعدها أقدم توفل ، ومن ثم أكمل دراستي :ggdw: دعوآآآآآآآآتكم

 

[ام فجور 2008]

عنيد انتي وزنج متنح
انا احسن منج زايد :krkrkr:

 

[just-me]

صباح الخير

 

[بطة رشيقة]

انا باك

تريقت جاى حليب مع صمونه فيها جوووبوووون ..

هلا هلا هلا كلكم فيكم حياكم الله .. جنها بدليه ماعليه ..

شخباركم شمسوين .. ..؟

عنيده لو عندى ارض جان خليتج تهندسين لى فليتى بس وين يا حسره خحخخخخ

ام فجور انشالله ينزل وزنج يارب وترى المطعم اللى حاجزته حق اليوم ما اعرف اسمه بس اهو فى مارينا ويفرز ما ادرى شنو اسمها خخخخ

جسوووت هلا وغلا وصباحج ورد بس حسافه الصوره مو طالعه ياترى ليه ..؟

منمن عساج على القوه

عبوره هلا وغلا شلونج حبيتبى

​

 

[just-me]

هلا بطه صباح الورد حاطه صورة كوب قهوه

توني تريقت 1 شريحة توست + جبنة لايت مع خس و طماط و خيار فوقها

و كوب حليب خالي الدسم عليه قفشة قهوه .... شلونكم

 

[ام فجور 2008]

اهلين جسوت شلونج
وشلون بنتج مع المدرسة

بطبط عليكم بالعافيه

 

[mn.mn]

الله يعافيكم كلكم خلصت جزء لا زال للشغل بقية والحين عندي حصة وودي بكتكات !!!!!!!!!!!!!!!!

الحين عندي حصة بروح أييب البنات وتالي اطل عليكم

جسوووووووووووت هلو عيني هلو قلبي حسافة ما يمديني اسولف معاج بروح وارد لكم اذا ما طرأ طارئ

 

[بطة رشيقة]

بالعافيه جسوووت ..

 

[just-me]

هلا ام فجوره ... تمام بخير الفال لج لمن تحوسين مع فجوووووره

الله يعافيج بطه .... ترا تخفيف مو ريجيم ----->اقص على روحي عشان نفسيتي لوووووووول

من من الله يعينج على حنة الطالبات واي انتي تدرسين رابعة..؟؟ اشوف كتب بنتي و اقول شنو هذا

زيونه اين انتي ....؟؟؟

 

[عنيّد]

بنات ، عندي طلب غريب عجيب بس مطلوب :dddds:

منو عندها أحد يدرس بصف سابع ؟

أبي تصورلي صفحه من كتاب :tomato2:

 

[mn.mn]

اي والله جسوت الكتب حدهم مبدعين امس مت على ما جلدت كتب ولدي اقول الله يعينها اللي بتجلد كتب اكثر من ياهل ولدي برابعة بعد

وانا اي ادرس رابعة توني مخلصة حصة وخذيت لي سناك كتكات مع بطل ماي وبخلي سناك العصر بس نسكافيه والعشا الله اعلم

بس الغدا اتضحت الرؤيا انه تبولة + قطعتين من فيليه الدياي مال ساديا اللي محشى سبانخ وجبن بس مادري اذا يصير اسويه بالفرن

ولا لا واحتمال آكله مقلي لان اساسا هذا غدا البيت بعد بس بدون بطاط او خبز

 

[بطة رشيقة]

بالعافيه عليكم الغدا ...

عنيد والله ما اعرف احد يدرس بالمدرسه

جسوت عوافى التخفيف على قولتج خل نقص على روحنا لما ربى يهدينا ..

 

[just-me]

عنيد ياليت من عيوني انا عندي رابعة ابتدائي و الكبيرة بسم الله عليها بعاشر

بس اي كتاب و اي صفحه عل و عسي...؟؟؟

من من تصدقين ما ادري منو الصح فينا ... تدرين ان كل رفيجاتي

مو بعضهم لا كلهم ما يجلدون كتب عيالهم اما على الخدامه او انهم خير شر مايجلدون !!!

تخيلي اكتشفت هالشي على مدى سنوات كل ماصار كورس يديد اسأل رفيجاتي و يقولون شخيباري عمرنا ماجلدنا

لا و اعرف وحده تقول ان في مكتبات بحولي يجلدون الكتاب بربع !!

شهالعيز !!! ما ادري انا اللي ماعندي سالفه ... الصراحة بعض الناس قطوا كل شي ع الخدامة

( توكل تشرب تسبح تجلد كتب تنظف الغرف شبقي؟؟ ) مو باقي الا يملج عليها الابو عشان تصير قعدتها بالبيت

حلال ..!! شالسالفة والله حتي الدوا حتي روحة الجمعية و المستوصف و المدرسه كله صار على السايق والخدامه

شبقي على الام ..( النوم - الاستقبالات- المطاعم ) طبعا انا اقول عن البعض بس بسالفة تجليد الكتب

كل رفيجاتي ...لكن اشوه خواتي مثلي مع اني يوم اني صغيرة عمري ما اتذكر ان امي تجلد كتبنا ..

يا انا اجلد حق روحي او اختي العودة تجلد لي لمن كنت صغيرة ..والا شرايكم ؟؟

اوكي انا اعتمد على وايد امور على الخدامه ... بس في شغلات ( الام )حلاتها تسويها بنفسها

حقها كونها تحس باهميتها كام و حق عيالها يحسون باهميتها و يفرحون بقيامها بواجهم و تحس انها ام

مو قطعة ديكور---- ما جني انفعلت :eh_s(14):

 

[mn.mn]

اي والله جسوت صااااااااااااااااااجة هالأيام كل شي صار بمصاخة ولا اللي صج يحررررررررررررر لما تروحين مكان

وتلقين هالأمهات تمشي مع الأبو والياهال وراهم وكل واحد بايده خدامة ليش انزين ويع ويع ويع انا لو اموت ما تطلع وياي الخدامة

بطلعتي مع ريلي وعيالي وحتى احنا يوم كنا صغار مو امي اللي تجلد الكتب خواتي الكبار وياربي صج حلو لما تشوفين عيالج بنفسج لبسهم

واكلهم مو كل شي على الخدامة الله يعطينا الصحة والعافية ونباري عيالنا لين البنات يروحون بيوت رياييلهم والصبيان ينامون بحضن حريمهم

لووووووووووووول جني عريت شوي ما عليه ظهري يعورني واحس وراي الف شغلة وشغلة لي رديت البيت

 

[زيـنـه]

ظهر الخير

شلونكم ؟؟

جسوت انا هنا انا هنا يا ابن الحلااااال
لويه بالدوام ---> يا فاضيييين و الا مشغوووولين حدنا .. مو خووووش !

من من .. الله يعين

على التجليد .. ترى هم احنا اول ابوي و امي الله يخليهم يجلدون لنا ... ما خبرنا الخدم يجلدون .
و لي الثانويه نهد التجليد .. و الحين الله كريم على اليهال ما عندنا عمر التجليد .

جسوت .. حضانه البطل الصغير سكرت اليوم لمدة اسبوع لمخالفتهم قرار مجلس الوزراااا (مدرسة ولدي قويه بهالسالفه)
بس يقولون اسبوع و نرد .. و اللويه بره المدرسه .. و ولد راعي المدرسه مع المدرسات يعلمون الاوادم و الاوادم اتحلطم .
عاد اليوم اهو اليوم الوحيد اللي قرر البطل الصغير يلبس و اهو مستانس بدون معارك و صياح و اصابات من الصبح و على حظه رد البيت .

بس ثانيه روضه مداومين .

و الريجيم .. بالدوام اوكي .. لا رديت البيت ابط على ويهي .. و الاردى بالليل اجابل جيس الكاكاو جني ياهل فرحان بالقرقيعاااان !
مليت مليت مليت .
شسوي ؟

 

[mn.mn]

زيون اهلين وسهلين يعطيج العافية حسافة عاد الحين بطلع

اطل العصاري أقرا اللي طافني كالعادة

 

[just-me]

حلوه بحضن حريمهم خخخخخخ

تدرين انا مايبط جبدي الا لا رحت مطعم و شفت الاخت رازة الخدامه بالطاولة وتبلع حالها حالهم

اوكي انا وايد ارحم و احب خدامتي و اطلب لها اكل حالها حالنا بس مو مطعم قعدة و غالي و رزه

لا و العيال كبار شكو ..لا يبون حفاضة ولا ممية و حتي لو انتي مو ام شخانتج..؟؟

ذاك اليوم رحنا انا وولدي العود عازمين ولد اختي بجوكلت بار البدع قبل لا يسافر يدرس بره الله يحفظه و يوفقه

والا الاخت اللي يمنا يايبه معاها عيالها او عيال اهلها المهم 3 صبيان اصغرهم شكله 10 سنين و اكبرهم 13

و مسطره 3 خدامات معاها بالطاولة و رازة جدام كل وحده فوندو و كيكة برد وبراوني ...!!!

يعني الحساب لا يقل عن 20 دينار .... اوكي طلعيهم و وكليهم برد بالعكس اهم بشر مثلنا بس وكليهم

برد باسكن روبنز سفري او مال ماكدونالدز بس موحلو شكلج خدامج ويونيفورماتهم ساطرين وياج شدعوه

تشيحط والا بيسبعون بلايز اليهال اذا تدمرو ؟؟؟

 

[just-me]

هلا زيون ... ويييي وش هالباد نيوز عاد انا قايلة بساحل الابو عشان بوفلافل يداوم الاسبوع الياي

اشوه اني ماساحلته جان راح علي لووووول

وعلى اللوثه الليلية البلعية لحد يذكرني ... انا من يصير الليل و الكل ينام و تبدي الهواييس و الوساويس

ابدي البلاعيس و الكاكاويس و الصموناتيس اللي موجود بالثلاجة بالفريزر كل شي و اي شي

تالي اقعد اتحسف و ابجي و انام لا لا لا اعوذ بالله من ابليس ابو الوساويس