~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[ام فجور 2008]

الله يعافيج من من

 

[زيـنـه]

صباح الخير و التاخير

شلونكم ؟؟

جسوت .. يسلم صوباعك اللي اللي كتب لنا الكلام ده .. و يسلم مخج اللي طلع لنا هالكلام المنمق .. بصراحه صاجه 100% بكل كلمه قلتيها و اقدر ازيد على كلامج شي .

عنيد .. سلاااامااات و الف لا باس عليج .

ام فجور .. بالعافيه الريوق .

انا امس الحمدلله يومي اوكي ..
ريوقي شابوره و قهوه 3 في 1 .
و الظهر سناكي تفاحه .
و غداي كان شيش طااووء
و ما تعشيت ---> نمت خفيفه .

بس قعدت بلاعيمي مطبقه و خشمي جنه حنفيه فجأه .
الله يستر عسى مو الخنازير !!

انتوا شخباركم ؟

 

[زيـنـه]

وينكم اليوم ؟

 

[بطة رشيقة]

صباح الخير ... ​

شلونكم بنات شخباركم ... :68_asmilies-com:

تينا حياج الله وانا فرحت وايد لأنظمامج معانا خل نكثر شوى عشان نساعد بعض ونشجع بعض ..

جسوووووته حبيبتى حياج الله ومشكوره على الاطراء الرائع وماقصرتى هم على الحجى الراقى واللى فعلا احنا محتاجينه .. والله يسهل علينا .. وانشالله يارب نوصل لللى نبيه .. ويارب تنحل مشكلتكم قريب وتلقون وظايف وانشالله كلنا نصير احلى نت ناظره بنتج خخخخخ .. _03BA:


منمن حبيبتى اهم شى ان كلامى عجبج وما زعلج وانا ما قلته الا من خوفى علينا وعلى مستقبلنا وعلى صحتنا والله صج .. ( الله يا خوفى عليك الله اللله اللله الله يا خوفى عليك )

خخخخخخ

اليوم انقهرت حدى والله قايمه من الصبح بس وصلت الدوام متاخر ياخساااااره .. يالله ماعليه .. مم مع ان احنا تونا باول الشهر ..

امس انا كنت تمام .. تغديت كفته مشويه مع خضار سوتيه والسناك الثانى برتقاله والعشا توست وجبن وخيار وطماط وزيتون ..

واليوم بعد تريقت طماط وخيار وجبن وعصير فواكه مشكل كى دى دى .. والحين قاعده اشرب جاى اخضر .. :ada:

ام فجوره شنو استقريتى على اى رجيم .؟ :ggdw:

زيوننه صباح الفل ...

؟
عنيد بالعافيه عليج الاوف بس تصدقين صج احنا ما ادرى ليش ننهبل اذا صار فرى ناكل لما يطلع الاكل من خشمنا انا اليوم اللى ورى الاوف ما ادرى شيصير فينى بطنى يدق دنابك وطبووول وليوه بعد استغفر الله .. الله اليوم شدى حيلج من يديد ​

 

[ام فجور 2008]

شلوووووووووووووووووووووونكم

 

[زيـنـه]

بطبط .. عاشت ام الالتزااام .. اي جذي خل نرد للديوانيه امجادها قبل لا تضيع هالامجاااد

ام فجور .. تمام .. انتي شخبارج ؟ !

 

[ام فجور 2008]

انا تمام عال العال اليوم للحين الرجيم اوكي الله يستر

 

[زيـنـه]

ام فجور .. ان شاء الله دوم اوكي .

 

[زيـنـه]

وينكم اليوم .. جسوت .. عنيد .. من من ..مختفين ؟!

 

[ام فجور 2008]

:dddds: :dddds:

نايمين بس انا الشاطرة الي مداومة
عنيد طالعه مع رفيجتها اتغدى بمطعم _03BA:

من من شكلها مشغولة
جسوت لاهيه مع البيت :dddds:
بطبط فديتها لاهيه مع المراجعين :ggdw:

 

[teenaa]

اناااااا مادومه ودايخه ودي اغفي شوي

 

[زيـنـه]

ام فجور .. نشكرج على الجواب

تينا .. اهلين .. انا دايخه اكثر منج .. الله يعين لي اخر الدوااااام

 

[GAP^^الكبيرة]

حبايبي مشكوووورين كلكم
بس عذروني انا حدي لويا و مو حاصل لي اشبك كل يوم

جسوت.. يا احلى جسوته الله يسهل عليج امورج وتلقين وظيفه احسن من اللي تمنينها يا رب.. وكل تاخيره وفيها خيره يارب

وانا ادري فيج وفيكم كلكم ما تقصؤون وتسالون عني بس قصدت بطو ومنمون لانهم متواصلين معاي بالمسجات وانا مارد عليهم بسرعه ومشكوره حبيبتي على هالدعوه الحلوه صج محتاجتها :*

زيونه.. الله يسهل لج وان شاء الله تبتدين مع المطوع وما تنتهين الا وانتي واصله الوزن المثالي بصحه وعافيه

منموووون... حبيبه قلبي شلونج وشلون علاوي ؟؟مشكوره يا قلبي على هالدعوه الحلوه ولج مثلها واحسن منها يارب... وان شاء الله كلها ايام وتكون معاناتج مع هالولد في طي النسيان والله ياجرج عليها يارب

رشووووق... ياااااابعد قلبي انتي :**** مشكوره وصراحه حبيت اقرا اخبارج وشدي حيلج عشان تقصين اليخط وتكونين اول خريجاتنا وكلامج اللي قلتيه كله عدل

عنيد... الله يبارك لكم بعرس اخوج وتضعفين يا رب بصحه وعافيه وموفقه بدراستج

فجور يا حلوه شلونج وشخبارج؟

وانوج ولازوردي وزوزو وصفصف و باجي البنات شلونكم؟؟

وعذروني اذا نسيت او سهيت عن احد لاني قريت جم صفحه على السريع

انا بحاول اتواصل معاكم على قد ما اقدر لان يمعتكم وسوالفكم الحلوه ما تنمل .. وسامحوني وحللوني اذا قصرت مع اي وحده فيكم

بنات عبوره ماتدش؟؟... وصلو لها مني سلام خاص.. حبيبه هالبنت مع انها ما تعيش معاناتنا وتدش تسلم بس بس صارت منا وفينا

 

[ABEER FLOWER]

السلاااااام عليكم
شخركم حبيبااااتي؟؟
الله يعطيكم الصحة و العافية يارب

غابوووووش حبيبة قلبي شخبارج؟؟
ربي يشافيج و يعافيج يارب شفاءً لا يغادر سقماً
أنا أدش من فترة لفترة ما أستغنى عنكم و كل يوم أترقب دخولج
طمنينا عليج لا تقطعين و الله ييسر أمورج​

 

[زيـنـه]

غاب و عبير بيوم واحد زايريننا .. يامرحبا يا مرحبا

 

[teenaa]

لووووووووووول زينه القلوب عند بعضيها

شلووووونج
انا امس نايمه الساعه 4ونص وقمت 6ونص

ودوامي لين 4

 

[زيـنـه]

تينا .. الوحده فينا تنطر الويك اند علشان تنام على راحتها !!
و الحمدلله اليوم الخميس

 

[ABEER FLOWER]

زيووووونه هلا و الله فيج
مشكوووورة على الترحيب
أحسج ترحبين فيني و تحركين العلم لوووووول
يا حلاته يرفرف

بدليتي قووووووية
شخركم = شخباركم

 

[mn.mn]

مساء الخير على السريع حبيت اطل عليكم قبل ما اروح الزوارة اليوم حدي لهيت بالدوام تالي استأذنت رحت الجمعية ومريت حمولتي

اسلم عليهم باجر بمشي بروح البحرين ما توصون على شي ؟والحين بروح بيت اهلي الزوارة على العشا وما اضمن اذا ماراح اخربط

وهاليومين اللي بقعدهم بالبحرين هم ماكو استقرار رجيمي وكالعادة اقول يصير خير لي رديت ادري بتعصبون علي بس ان شاء الله لي ردة قوية

وهذا هدوء ما قبل العاصفة وبعون الله برد للطريج بس متى مادري المفروض خلاص من ارد من البحرين التزم عدل لان الايام تركض

وما راح نخلص من الظروف اللي تخلينا كل شوي نقطع استغفر الله احس اني مالة ومالي خلق اكمل وبنفس الوقت ما اقدر اوقف

قابوووووو بعد عمري والله انا بخير وان شاء الله تكونين بخير على طول وربي يكتب لنا يمعة عن قريب لان صج صج ولهت عليكم

 

[بطة رشيقة]

مساااااء الورد والفل ..

جمعه مباركه على الكل ..

شلونكم شخباركم شمسوين امس انا للاسف طلعت من الدوام قبل لا اسلم عليكم

وامس لهيت كان عندى عرس والحمدلله عدى على خير بدون تخربط ولا حلو ولا شى ..

تغديت توست وجبن وسلطه والعشا كان كورن فلكس وحليب ..

وما مشيت امس بس نطيت حبل ...

والله كريم


منمن حبيبتى تروحين وتردين سالمه وما نبى غير وناستج وسلامتج ..

زيونه ... شلونج وعساج بخير ..؟

ام فجوووره شلونج حبيبتى عساج بخير امس سورى خليتكم بروحكم انتى وزيووون

تينا ... شلونج حبيبتى ..؟ وشلون الرجيم

عبوره يا هلا وغلا حياج الله بشرينا عنج من زمان فاقدينج ..؟

قاااااب يا حبيبتى وبعد عمرى انتى ومشكوره وما قصرتى على الكلام الحلو اللى قلتيه وانا اخبارى زيينه الحمدلله اهم شى انتى ما تقطعينا وتكونين دوم دوم متواصله معانا انا قلت يمكن ولد اختج اهو اللى ما خذج منا يا ويله بعض خشمه وسلم قلبه خخخخخخخ ... واله قاب الدوانيه بدونج ما تسوى ولا تقطعينا وخلوونا دوم متواصلين ..

اليوم بعد عندى عرس وانشالله اليوم هم بكون اوكى وما راح اخربط ..

بعد شوى بروح الصالووون ..

واشووووفكم على خير انشالله​