~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

هلو هلو

اشوى منمن انج طليتى وانا ادرى اند قدها افا عليكى بس كنت ابى اشجعج واحمسج خخخخخ وبالعافيه الريوق

زيون وعنيد غلط غلط غلط ,,, لا توزنون كل يوم والله ترى يحبط ويضيق الخلق كلش مو شى .. خليكم مره بالاسبوع وبس يعنى تخيلى تكونين تعبانه وتوزنين والا زايده جم غرام تحبط حدها !!!

خنفروووشه يا بعد قلبى والله على هالحجى الحلو خلاص بدور لج ريل كويتى واحنا اهل وربى لا يفرقنا ولا يغير علينا


خليجنا واحد ..

انا كليت بسكوتاتى خوش بسكوتات باجر انشالله احط لكم الصور ..

وبس الحين بسوى جم شغله وارد​

 

[خنفروشه]

هههههههههههههههههههههههههههههههههههه
ضحكتيني بطوطه جني مينونه قاعده اضحك بالمكتب وجدام الناس
بعد عمري تسلمييين حبيبتي
ان شاء الله اذا ربي سهل بعد العيد اييكم
فديت الكويت والله ..تعرفين اي احد يروح الكويت يسالني شنو تبين اقول لهم بس سلمولي على هالديره العجيبه
الله يحفظ لكم الكويت و لا يغير عليكم

 

[عنيّد]

هاااااا اشوف طايحيله غراميات كويتية بحرينية :dddds:
يازين البحرين والله ، أحبها برشا برشا < اشدخل خخخ


أنا قاعده أشوف هالموضوع العجيب <&%&>سفرة العروس أو سفرة العجم<&%&>

ونآآآآآآآسه كيّفت عليه :ggdw:

 

[زيـنـه]

بطبط .. بحاول اغير من هالعاده (الوزن اليومي )

من من .. اهلين و الله يعينج على الشغل و الحمدلله رديتي السبعينات .. جنج في ديرفه تتمرجحين فوق و تحت ..
بس هالمره .. استمري ... نبي نزول نزول نزول .. ماكو صعوووود .

تينا .. وينج .. عسى مو غياب من عويناتج ؟؟

عنيد .. لوووول .. شمستعيله عليه .. ناويه على شي ؟

 

[عنيّد]

منمن ،، حيااااااكي وكلامج صح بس شنسوي بنحاااااااول
والله يعطيج العافيه


زيون ،، لوووول لا موناويه على شي ، لأنه خالتي قامت بالواجب ، بس كان عندي فضول وحب استطلاع لبعض الشغلات فدورت عليها بالنت والحجي قوقل رجعني على هالموضوع بكويتيات
اخوي باذن الله بيملج عقب باجر -يوم اليمعه- بتكون بينا صغيرووونه محفوفه حيل ، والحفله بعد اسبوع

 

[بطة رشيقة]

عنيد الف الف ال مبروك وعسى الله يتمم عليكم ويفرحهم ويسعدهم ويحبب بعضكم ببعض ويجعلها خير عليكم يارب .... اهيا بتسكن معاكم والا بره ..؟

وعلى السفره مع انى سنيه .. بس استانس عليها واحب السوالف اللى فيها وربى يوفقكم انشالله ..

زيون اى ضرورى تتخلصين من هالعاده ..

بنات عندى سوووعال وخل نعتبره سوعااال اليوم

اهو صج مو خوش سوعال بس ماعليه تحمولنى ( هذا نوغ من التحفيز ) :eh_s(4):

اذا يا اليوم اللى تبين تجازين فيه نفسج لانج استمريتتى على الرجيم مده ​

شنو المطعم اللى ودج تروحين له وتكلمى شوى عن التفصيل شنو بتاكليييييين وشنو شنو ...كل اللة بخاطركم قوالووووووو ..​

_03BA:

 

[mn.mn]

هلو عالسريع

بعد عمري بطبط ادري فيج تشجعيني وتآزريني بالسراء والضراء اخت دنيا يا قلبي ولا ان شاء الله هالمرة بنكمل بدوووووووون توقف

لا يوقف لا يوقف هذا شعارنا من اليوم ورايح

زيون اي والله صاجة جني بديرفه بس ان شاء الله ماكو صعود من اليوم ورايح

عنيد الله يتمم لأخوج على خير والفال لج

خنفروشة بعد عمري ما قصرتي وصاجة هذي الكويت صل على النبي وهم البحرين لها سحرها الخاص

انا بعد شوي باخذ سناكي وغداي احتمال صدور ساديا بالفرن + سلطة

انا قررت شهر 11 و12 راح يكون الفري كل 10 ايام فقط يعني مو كل اسبوع عشان التزرق اللي ساعات يصير ما يأثر

وربي يعيني وأقدر التزم بهالقرار

بطبط ما مدانا نلتزم عشان نفكر بالفري بعد شوي ارد على ما افكر

 

[خنفروشه]

حبيباتي ..السفرة منتشرة عندنا عند العيم و الشيعه
انا مرة حضرت الملجه..وعندهم العروس لازم تقعد وجدمها المنظرة..ويدخل عليها الملاج وهي متغطيه كاااامل
ولازم يقرا عليها العقد و لااااازم تقول له قبلت
اهو شي حلو ..بس اهمه عندهم اعتقادات بهذي الاشيا اللي يحطونها بالسفرة

وبالبركه والله يتمم لهم على خير وبركه و الفال للبااااااااااااااااااااااقي
:ggdw:

 

[بطة رشيقة]

هلو هلو منمن حبيتبى .. اى والله يوفقنا انشالله ويتمم علينا ..

وانشالله بداله ما نصير بديرفه نصير بزحلاقيه ننزل من فوووق لى تحت وعلى ما نوصل نكون واصلين للرقم اللى نتمناه خخخخ

يالله بنات صلاه وتالى ارد اقولكم شنو بكافئ روحى فيه

 

[عنيّد]

بطوط ،، الله يبارك بعمرج وعساج تفرحين بولدج يارب
ايـــــــه حرتااات ههههههه ومابينا فرق لا سنه ولا شيعه ، أهم شي الاحترام والله يديم المحبه بينا
أنا من بعد ماتعرفت على مجموعة بنات سعوديات وشفت ان ماكو علاقه تربطهم مع المذاهب ، قلت الف الحمدلله على النعمه الي احنا فيها

أماااا يوم القصصصصصصصصف أقصد يوم الــ FREE
فوالله على حسب الشهوه يومها :eh_s(6):
بالنسبه لي غالباً هاليوم يكون مع يمعة البنات ، فاللي يجمع عليه حزبنا يكون اهو نصيبي _03BA:


منمن ،، يبارك بعمررررج وعقبال اعيالكم يارب


خنفروشه ،، اي نعم هذي عادات موجوده عند الناس من سنييييييين ومو بس بالكويت طبعاً
والسوالف الي تنحط بالسفرة طبعاً كل شي وله سبب ، عشان جذي كنت أحوس بعرف شسالفه :dddds:

 

[زيـنـه]

عنيد .. بالمبارك .. و عسى الله يوفقهم و الفال لج ان شاء الله ربي يرزقج بالرجل الصالح اللي يقدس الحياه الزوجيه --> شمعنى يقدس ما ادري كله اقراها في المجلات و الا القنوات اللي فيها طلبات الزواج !

بطبط .. سؤالج قوي و يعور القلب و يقلب المواجع .. و لا تزيد المواجع خليني قد نسيت .. لا تقلب في قلبي صفحة الذكرياااات .. و انا في قمة اندماجي الرجيمي ما اقدر اجاوبج عليه .

 

[عنيّد]

زيون ،، يبارك بعمرج ، اي اهم شي يقدّس الحياة الزوجيه ، مادري من وين هالمصطلح بعد :dddds:



والله بطوط على صورة هالماي الي حاطته ، شكلها بتاخذ معاها أكلها الأكوابارك وبتطبخ هناك على كبر الماي الموجود فيها :krkrkr:

 

[mn.mn]

لوووووووووووووول بطو اهم شي الزحلاقية وناسة اشتهيت ألعب

زيون اهم شي الاندماج الرجيمي عاشت عاشت والله مهندزتنا

انا والله يوم الفري بيكون الثلاثا الياي لانه عيد ميلاد ولدي العود بنعشيه بره فمادري شنو راح نرسى عليه >> بترك له حرية الاختيار

بس الفري الثاني راح يكون بيوم 20 /11 وراح يكون يوم اليمعة هم مادري حزتها وين بنحذف بس ودي بفيلا فيرووووووووووووز

 

[عنيّد]

منمن ،، آآآآآآآآآآآخ على فيلا فيروووووز ، أنا أخاف قاطين سري هناك :krkrkr:
باجر بعزم اخوي على الغدا فيه ، قلت له بمناسبة الغداء الأخير كونك عزوبي :dddds:

 

[زيـنـه]

بطبط .. اشتهيت ابلبط بهالماي و الزحلاقيه .. الا ليت الشباب يعود يوما !

من من .. اي صج اندماج ريجيمي ..لاني مندمجه وعسى الله يتمم .
و فكره الفري كل 10 ايام معقوله .. لا افراط و لا تفريط ---> ترجموا عاد

عنيد .. لوووول على فيلا فيروز

 

[mn.mn]

عنيد عليكم بالعافية مقدما >> عطيني فكرة عن الاطباق الفلتة اللي جربتيها جود اغير طبقي المعتاد

زيون اي اي خلج مندمجة تذكري ان 2009 بح خلاص ما بقى شي وعلى الفري اي والله معقولة على الاقل تنزلين بشكل يشجع على الاستمرار

والسبب الثاني ان رجيمات العبد في مجال فيها للطلعة والروحة والييه ما تقيدج مثل رجيمات 2000 وحطبة

حاليا خذيت السناك ما مداه بو نجوم يبتطل الا وانا قاضية عليه

 

[زيـنـه]

من من .. عواااااااااااافي بو نجوم .. وصج للحين مرتاحه بريجيم العبد ..ما تقيدت ..بس ودي بقهوه معينه من ستاربكس ---> بدى التشهوي

 

[خنفروشه]

:ada:اقول بنات تره فاتحين عندنا بمجمع الستي سنتر شي عجيييييييييييييب اسمه WAHOO
ملاهي مائيه بس روووووووووعه والله
يبيله بناااااات

 

[عنيّد]

منمن ،، وييييييه طع من تسأل ، ترى أنا المطاعم اللبنانيه أقيّمها من خلال كبة البرغل واللبنه بس :dddds:
بس هالفيلا فيروز بعد أحب التكا لحم عندهم

بس عادة لما نروح ، الجماعه يطلبون الآتي
ورق عنب - تبوله - فتوش (جربته آخر مره ولأول مره بحياتي اييينن) - بطاطا حاره - جبدة دياي بدبس الرمان - بابا غنوج - حمص - متبل - محمره - عرايس لحم - عرايس لحم وجبن - لبنه - كبة برغل - كبه نيّه

والوجبه الرئيسية تكون مشاوي مشكله او سكلوب لحم او دياي وكله اييييينننننن



انتي شنو طلبج المعتاد ؟

 

[mn.mn]

زيون ان شاء الله ترتاحين معاه لين توصلين 70 انا والله اول ما بديت برجيماته تميت شهر بدون فري من كثر ما انا مرتاحة ومو متقيدة

وعلى قهوة ستاربكس خليها بيوم تكون بدال العشا مع حبتين بسكوت اتوقع جذي تكونين بالسليم

عنيد اي صاجة الفتوش خو لازم والبطاطا الحرة هم مالتهم عجيبة انا دايما اطلب منهم لحم خروف محشي عجيييييييييييب مع اني مو من ربع

العيوش وما احب اروح مطعم اطلب عيش بس هذا لذيذ جربيه باجر اييبونه مع روب دااااااااافي أيابااااااااااااااااااااااااااااه

بس الطاولة اللي ورا العمود هذي اللي مو ممكن اغيرها :dddds:

خنفروشة الشهر اللي طاف لما ييت البحرين كان باجي اسبوع ويفتحونها

وولدي من الحرة بجى لانه حده متشفق عليها ان شاء الله المرة الياية اكيد بودي الياهال