~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[خنفروشه]

هلا فروتي
انا استخدم العادي ما احب الالكتروني (احسه يعقد :jumpon
عتيج الصوف ولا يديد البريسم
خخخخخخخخخخخخ

 

[زيـنـه]

بطبط .. ولكم

فروتي .. مشكوره على التقرير بخصوص البيرق ..و على الميزان انا استخدم الالكتروني .. احس اضبط من العادي و حساس اكثر .

خنفروشه .. بالعافيه .. و ديري بالج بالعرس حاولي تتعشين على الخفيف .

 

[بطة رشيقة]

انا عن نفسى استخدم الالكترونى يعنى احسن ودقيق .. بس له شروط انج تحطينه على سيراميك يعنى مو على زل او شى جذى وتخلينه سيده وتوزنين بملابس خفيفه ..

انت جم وزنج ..؟

 

[خنفروشه]

بكرة يكرم المرء او يهان
باجر باذن الله يومي للوزن
اول ما اقوم الصبح على طوووول على الميزان
ياااااااااارب يكون نزل الوزن
تعقدت كل اسبوع مافي اية تغيييير صار لي شهرين على هذي الحاله
:sfg:

 

[fruity]

عفوا عفوا اتمنى اكون افدتكم
انا وزني عالاكتروني 66 وعالعادي 63

 

[fruity]

وطولي 163
بس صج كل من يشوفني يقولي حرام تسوين رجيم ما فيج شي بس مشكلتي الميزان يعطيني اكثر من شكلي يقولون عظمي ثقيل مادري صج ولا خرابيط هالحجي هههههههههههه
بس قياساتي وايد صغيره يعني البس 8 او10 امريكي والحين 10 صارو كبار علي

 

[fruity]

خنفروشه انشالله تضعفين بالعافيه قولي امين
واذا كنتي تسوين رجيم من زمان طبيعي ان يوقف الحين ويثبت بس لازم تحركينه بنظام يكسر اللي انتي ماشيه عليه
وانا لازم امشي الحين بروح زوارة اهلي
نلقاكم على خير حبايبي
مع السلامه

 

[خنفروشه]

الله يتمم عليج فروتي
يحفظ الله

 

[بطة رشيقة]

كنت ابى احط لكم صوره بسكوت وايد حلو بس حسافه ما رضت الثوره تندز لى ..

وايد حلوو ما اعرف اسمه بس فيه فيتامينات ومعادن وفيه اوميغا 3 .. اهو شكله مو شى بس طعمه شى تحصلوونه عند قسم الرجيم ..

وخذته مع كبتشينووو والبسكووت

والغدا يمكن اخليه سلطه ..

والعشا مو عارفه شنو بخليه ..

وربى يتمم علينا ويضعفنا بصحه وعاااااااافيه ..

فرووتى ان شالله تضعفين بصحه وعافيه وترى مافيج الا العافيه .. وزنج مو وايد ..

 

[خنفروشه]

ريجيم حسين الجسمي ....60 كيلو في خمسة شهور

اليوم الاول
الافطار :
فاكهه واحده اى نوع + شريحة توست محمصه + حليب خالى الدسم
الغذاء :
قطعه وحده من صدر دجاج مشويه منزوعة الجلد عصير الكيوى واناناس تناول الخضروات الطازجة
العشاء :
نفس الفطور بضبط

اليوم الثانى :
الفطور :
حبة خوخه كبيره + شريحة شمام + شريحة توست محمصه + حليب خالى الدسم
الغذاء :
سلطه + اضافة ملعقة مايونيز + تناول بعض الخضروات الطازجه + عصير الكيوى والاناناس
العشاء :
شريحة بفتيك لحم او قطعة هامبوجر + عصير اناناس والكيوى

اليوم الثالث
الفطور :
5 شرايح اناناس + حبة فاكهه طازجه + شريحة توست محمصه + حليب خالى الدسم ..
الغذاء:
سلطه مكونه من قطع دجاج صدر مع خس وطماطم + شريحه وحده من الجبن خالى الدسم + عصير الكيوى والاناناس
العشاء :
بطاطا واحده مهرووسه + حليب خالى الدسم

اليوم الرابع
الفطور :
نص جريب فروت متوسطة الحجم + شريحة توست محمصه + حليب خالى الدسم
الغذاء :
سلطه فاكهه + بيضتاان مسلوقتان + عصير كيوى واناناس
العشاء :
سلطة الدجاج + 8 حبات بسله مطبوخه على البخار + حليب خالى الدسم

اليوم الخامس
الفطور :
3 ثمرت مشمش + حبة فاكهه اى نوع ماعدا الموز ممنوووع من الرجيم + حليب خالى الدسم
الغذاء:
سلطة توونه + تناول الخضروات الطازجه + عصير الكيوى واناناس
العشاء:
حبتين كوسى محشى + حبة بطاطس مهروس + عصير كيوى واناناس

اليوم السادس
الفطور :
نص شمامه + شريحة توست محمصه + حليب خالى الدسم
الغذاء :
تفاحه واحده + خضروات العاديه + عصير الكيوى واناناس
العشاء :
قطعتين ستيك بتلووو مشوى متبل بعصير الطماطم + حبة بطاطس مهروسه + عصير الكيوى واناناس

اليوم السابع
الفطور :
2 حبة فاكهه + شريحة توست + حليب خالى الدسم
الغذاء:
سلطه خضراء + عصير كيوى واناس
العشاء :
3 حبات سوسيس مشويه + بطاطس مهروسه + عصير الكيوى والاناناس


والعهده علىاللي طرش لي

 

[بطة رشيقة]

يالله بنات انا بخليكم الحين واشوفكم على خير واتمنى للجميع يوم حافل ونهايه اسبوع حافله بدون خراااابيط ويك اند ناجح حطوووا بالكم على روحكم .. احبكم وايد وايد

​

 

[mn.mn]

مساء الخير

زيون موفقة بروحة البيرق سواء كانت ليلا أو نهارا وخليها بنص الاسبوع احسن لج

فروتي انا بعد استخدم الالكتروني ويحليلج وزنج منااااااااااسب اشلج بالرجيم ؟؟؟؟؟؟

خنفروشة ان شاء الله باجر تكونين نازلة بس اذا ثقلتي بالعرس لا توزنين باجر خلي يوم الميزان ويانا يوم الأحد

انا الحين خذيت سناكي ككاو فليك صغير وزدت ككاوة روشيه صغيرة مع قهوة عربية وبعد شوي بحاول امشي لو نص ساعة قبل الزوارة

 

[just-me]

مساء الورود و الفل و الياسمين

انا الحمدلله مستمره بالسوائل .. ويمكن يمكن يمكن باجر ان شاء الله

اسوي بوساعتين ... جنه يازت لي ذكراه

 

[خنفروشه]

صباح الخير
شلونكم صبايا
الحمدلله امس بالعرس ماخرطت :fun:
تعشيت مشوي وسلطه وبس من غير اي نوع من الحلو
اليوم الصبح وزنت :23_asmilies-com: ماتحرك شي
افففففففف ضاق خلقي
الحمدلله

باسالكم عندكم محل للرياضه اسمه curves

 

[mn.mn]

صباح الخير جمعة مباركة للجميع

جست مي عاشت عاشت موفقة قلبو

خنفروشة عفية عليج وما عليه ان شاء الله راح ينزل وزنج واي انا سامعة بهالنادي بس ماعندي فكرة عنه

انا امس غشيت شوي بالعشا وان شاء الله اليوم بيكون احسن

 

[خنفروشه]

هلا من من صدقيني احول ما اخلى الوزن يحبطني
عند امل من رب العالمين انه بينزل ان شاء ربي

انا سمعت فيه هذا النادي في بالبحرين والسعوديه يقولوون عجييب
كلها بس نص ساعه رياضه وانتي ماشيه
في ناس مستفيدين
قلت بامر عليهم اذا عجبني سجلت واروح على طول بعد الدوام

 

[ام فجور 2008]

صباح الخير​

 

[خنفروشه]

صباحج الخير
شلونج

:tek:

 

[ام فجور 2008]

تمام وانتي شلونج

وشلون البحرين واااااي اموت عليها

 

[خنفروشه]

الحمدلله
تسال عنكم ديرتكم..يالله حياكم العين اوسع لكم من الدار

امس بالعرس كان في جماعة كويتين ...جان اطير من الفرحه