~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[زيـنـه]

عنيد .. يبيله بر و تشوي هالكباب و الطاووق .. و تالي هم تشوي كستن !
بس وييييييييين !!!

 

[أحلى الجياكر]

هلا زيون

إى والله بالكويت و تحديدا بالشويخ بعد ..و لابسة بلوزة حرير بعد !! أخاف ثرموستاتى فيها شى !! وى غبرة !! خلا أروح اشيك على عمرى

اسم الله عليج من اللوثة العقلية ...أخاف الحلوة تبى تشرف !! خلاص عيل ..اسبوع كامل قطعى الكاكاو ..و نوبة ثانية لى بدت بوادر أى لوثة دشى الشاور و اخذيلج حمام على السريع مع سنفرة ..و تالى شغلى فلم و اندعسى بفريشج تروح اللوثة تدريجيا ترا ( عن تجربة )

 

[زيـنـه]

من من .. الله يكافيج ويكافينا جميع شر العين .. و حجة الغايب معاه على بطبط وجسوت .

 

[mn.mn]

ميرسو زيون

تريقت توست وجبن وخيار وطماط وجاي حليب

 

[أحلى الجياكر]

عنيد ..مستوزفة يعنى !! محكورة يعنى ..ممم وضعج ماساوى ...

من من ...أهاا فهمت الحين القمنده ...ما تنلامين والله ...أنا يوم كنت أمشى ..جارتى قالت لى : أبونا يقول صيرى مثل أحلى الجياكر كل يوم تمشى !!!!! تخيلى !!!! و تاليها قعدت بالبيت و اهيا تمشى ..لا وين بعد ؟؟ تسوق السيارة لى الحديقة عشان محد يشوفها !!شفتى القلب الحى ؟؟

 

[زيـنـه]

احلاهم .. و الله يبيلج سيرفس على الثرموستات .. ههههه .
و خووووش فكره سالفة الشاور و الدعسه بالفراش .. بس انا عارفه دواي .. المفروض ما اشتري كاكاوات لان اذا البيت فضى من غير شر تدور فكرة الكاكاو بالبال و تدور و تالي تروح من كيفها .

 

[mn.mn]

لووووووووول احلاهم هذا ياركم نكته شكو بالله فيج ؟؟؟؟؟؟؟؟؟؟؟؟؟

عموما الواحد لازم يكون قلبه حي الناس على أدنات الدون تحط عينها على غيرها سبحان الله ابن آدم ما يترس عينه الا التراب

يارب ما نبي غير الصحة والعافية وسلامة حبايبنا من كل شر

 

[زيـنـه]

تريقت الريوق المعتاد .. 2 توست اسمر ..مع جبن .. و خيار و خس .. و ارتشف حليبتي الحاره معاها قهوه للتصحصح .. واقرى سويلفاتكم .

احلاهم .. باختصار .. الناس ما تخلي خير !

 

[mn.mn]

عنيد وتينا وين غطيتوا ؟؟؟؟

تعالوا نسولف شوي قبل ما أطلع من الدوام

زيون بالعافية

 

[عنيّد]

زيون ،، اييييي ذكرتيني ماحطيت لكم صور عيدميلاد اختي والباربكيو الي يبته :dddds:

أحلاهم ،، ايييييييييي يختي الحاله مأساويييييه جدااااااااا :tomato2:

منمن ،، كاااااني ، كنت قاعده أكتب شنو باكل بأول يومين العيد عشان لا أنسى :krkrkr:

 

[mn.mn]

لوووووووووووووووول عنيد والله نكسر الخاطر وصلنا لي ان نكتب شنو بناكل بالفري

ربي يعين الجميع ويثبتنا ويقوي ارادتنا

انزين غششينا شوي يمكن نقلدج

 

[زيـنـه]

من من .. الريجيم ما فيه تغشش يا حلوه .

عنيد .. يالا بانتظار صور البرزداي --> على قولة اخواننا الفراعنه

 

[عنيّد]

منمن ،، لوووووووووول اي والله نكته :krkrkr:
أخاف أغششج تخترعين :dddds:

---------

بعيد ميلاد اختي ، حبيت أسوي تغيير عن عشا البوفيه ، فقلت نسوي باربكيو دام الجو روعه ، وحسسست بالمنتدى وشفت وحده متكلمه عن واحد يشوي بالبيت مع الاكل والعده كاااامل ، اتصلت فيه وطلبته
والحمدلله بيّـــــــض الويه والله وكانت الخدمه ممتازه والأكل لذييييييييذ جدااااااااااااً :ggdw:

وهذي الصور لكم ،،،

المشاوي كانت عباره عن ذبيحه عربي كامله (70 دينار) مقسمه الى عرايس بالجبن + تكا لحم + ريش + كباب ، وأنا طلبت كيلوين دياي (الكيلو 7.500 دنانير) عشان الشيش طاووق مع 2 حمص كبير (الواحد 3 دنانير) ، كله طلع 91 دينار

عيّنه من المشاوي

قصصصف خخخخخخخخخخخخ :krkrkr:

وأخيراً ، كيكة فتوووومي ^_^

والله يديم الأفراح :eh_s(6):

 

[mn.mn]

زيون ومن قال بنروح صوب الرجيم اول وثاني العيد ؟؟؟؟؟؟؟؟

اصلا اذا ما استمرت الخرابيط لي ثالث ورابع العيد ما نرتاح

عنيد تبااااااااااااااااااااااارك الرحمن الله يتمم عليكم افراحكم وناسة شغل عدل والله

 

[mn.mn]

انا الحين اخليكم يمكن الافراج بعد شوي بروح اطق لي سوالف تحت على ما نطلع

نشوفكم على خير

جسوت وبطبط فقدناااااااااااااااااااااااااااااااكم والله

وعلى قولة وردة وحشتوني وحشتوني وحشتووووووووووووووووووني

 

[زيـنـه]

عنيد .. ان شاء الله دوم ايامكم افراح .. وبالعافيه .. وا لصور مو طالعه اذا رديت ان شاء الله اشوفهم

من من .. تصدقين احنا عيدنا بس اول يوم .. لي الغدا .. تالي ماكو يمعات و الا زوارات .. اللي يسافر و اللي بالشاليه .
فالمفروض و ذوقيا مع نفسي لازم امسك عمري والتزم شوي .. و الله كريم

 

[mn.mn]

زيون خوش صور لا تطوفج شوفيهم بالبيت

احنا اول وثاني العيد زوارات وتالي طلعات والطلعات ما تحلى الا بالبلعات

مع السلامة

 

[عنيّد]

منمن ،، يعااافيج ربيييييي ، والله وياج درب السلامه :eh_s(6):

زيون ،، انا مادري شنو مشكلتج مع موقع التحميل هذا مع انه احسن موقع بالعالم والله :eh_s(1):

وهذا انا رفعتهم على موقع ثاني لعيونج :ggdw:
1

2

3

4

 

[زيـنـه]

من من .. الله يعين .. عاد الجو برد و البرد يوكل غصب .

عنيد .. المشكله مو بمواقع التحميل .. المشكله بكونكشن الدوام .. لان هم مو طالعين .
بلا ما تعزبي حالك .. لما بفل بشوفون في البيت

 

[عنيّد]

اهاااااااااااااااا
طاااااااايب شوووفيهووون بالبيييييت
ياعيني على الي قلبت لبناني :dddds: