~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[mn.mn]

اي والله بطو طقت جبدي ولا رفيجتي استأذنت وطلعت وتميت بروحي

وحدي تعبانة من الانفلونزا احس ابي انام والمشكلة اني لازم اروح الجمعية اشتري اغراض حق عزيمة اليوم

ولي رديت مادري متى بسوي الاكل بريح بعد الغدا وعلى ال 4 بقوم اسوي الكبة باللبن والسلطة لان بنروح مبجر على صلاة العشا

ومديركم يه بوقت خطير ان شاء الله بعد شوي يمشي بس راح الوقت ما تسوى الحين القهوة جرب وقت الغدا

اليوم مو طابخين كنت مفكرة اروح أتغدى بره بس جنه مالي سالفة وانا تعبانة مادري شنو بشتري حق الغدا يا مكمك يا مشويات

 

[mn.mn]

شفيكم تطلون وتغطون

غيرت رايي وبرد البيت أحط كباب أمريكانا بالفرن مع بطاط وبسوي فتوش على السريع وبس

 

[زيـنـه]

من من .. موجوده .. اطل و ارد احوس .
بالعافيه على الغدا مقدما .. و عسى يمديج الوقت ترتاحين و تسوين عشاج .

 

[just-me]

كاني رديت من أكو؟

 

[just-me]

المهم اسفه قبيت بسرعه بس كان عندي موعد بالاميري و الحمدلله كلو اوكي

و ابشركم ان أشعة ولدي أمس زينه الحمدلله وكنا خايفين من الرباط الصليبي بس طلعت

رضة قوية الله ستر ..

غداي ......و لآول مره في تاريخ الامة البشرية ما ادري ما فكرت

الليلة زواره بيت اهلي ابوي رد من السفر و كذلك اخوي اتصور بس بدو يحطحطون المسافرين

باقي اختي نرد عقب باجر ان شاء الله و اتوقع بس من السبت بترد تنترس الديره

ردود سريعة :

سلامات من من سلامات نامي شوي الظهر و ان شاء الله على المغرب انتي كده :eh_s(15):

بطه ميخالف على الدوام و اشوه انج ماطلعتي مع البنية ما يسوا ....و هالله هالله بكارز اليوم

حرام خل يستانس :ada:

زيونه ...عسى الله يشافي العود اظن عيالج يبي لهم قلاصين ماي تقرين عليهم وتشربينهم اياه

وتالي تمسحين عليهم باللي يبقى والله يشافيهم يارب .....الله يعينج

تينا .. خوش شي امس شغلج أـوكي بس تالي شكو الكرسبي كريم؟؟؟ يالله عوافي

انوجه صباح الفل ... سوالفج شويونه احسج وايد هاديه ماشاء الله و لا قدرنا

نعاديج بالهذره طلي اكثر و سولفي نحن كلنا عيون قارئة

بطاطا امس طليتي ع الخفيف وسط القرقه ما مدانا نقولج ازيج و عيدج مبارك

اذا الله ارد بطل عليكم العصاري عاد انتو طلو حتى بالويك اند هذروا

وكتبو اللي في بالكم و تالي لمن نشبك نعلق حق بعض ...

ترا شوفة الديوانية بالصفحة الثانية تضيق الخلق نبي

كله ديوانيتنا بالصدارة

يالله اترككم الحين ..... سلام :tek:

 

[بطة رشيقة]

هلا فيكم هيااا توه طلع المدير بروح الحين اشرب قهوه مصره البنيه خخخخخ ...

جسوووت هلا وغلا الحمدلله على سلامته وليدج وربى يحفظه ان شالله ويخليه لعيونج وربى يبلغج فيه معرس كلوولوووش بس عاد عزمينا على العرس خخخخخخ ...

منمن سلامتج حبيبتى وما تشوفين شر ..


النت لى الحين يعلق افففففف


يالله انا بروح الحين اخليكم واشووووفكم على خير واتمنى لكم يوم بدون خرابيط

 

[زيـنـه]

اهلين جسوت .. الحمدلله كلو اوكي .
و على العيال اقتراحج حلو و ممكن يتطبق و الله يشافيهم و يشافي كل مريض من مرضى المسلمين .

غداي دياي بالفرن مع خضار .. و 5 قفش عيش مشخول .. و زلاطه طه طه طه

 

[just-me]

السلام عليكم ... وينكم ؟؟؟ هذا و انا محرصتكم طلو و كتبو لو سطر

المهم ....توني رادة من بيت ابوي و ماشاء الله السفرة عامرة و أبت جسوت

الا تصمد و تكسر حاجز ال 70 أصلا من قال اني بودع السبعينات مع 2009 شهالنكتة

اللي من سنة يدي اسمعها

من شاف خبالي و اكلي مساع يقول حسافة عليج ياجسوت هذا اللي هزج؟؟؟

معقولة ...؟؟؟؟ بس والله مومني حسيت بطيح من طولي لو مو ماكله معاهم

عاد كان اكو كورنر خفايف هلثي ثابت كالعاده صحي بمعني الكلمة طبعا شفّطت ولاطليت و لادنيت

صوبه ....بس بس بسني توست و جبن... جان أطب بالنص و بالخمسه

فلافل عش الهنا محشية فلفل و مسبحة و حمص







و بلعته ببطل كولا مودايت عيب مايصير



مع انه مرتز قبالي ..تالي حطو الحلو والكيك و الحليب و القرص عقيلي و الرهش طبعا غير الشايات

أشي لومي أشي احمر أشي اخضر أشي بنفسجي ----> شهاليور ؟؟؟؟

جان اقول لالالا بس خلاص ....مي قو هوم ....

انا مافييّ

 

[زيـنـه]

مسا الخير

شلونكم ؟

جسوت .. عاد ما بقى لج شي على عالم الستونات


انا الحمدلله يومي اوكي .. تغديت سلطة كول سلو (ملفوف) و معاها 5 قفاش عيش مشخول .. ودياي فيليه بالفرن معاه شوي بطاط من الخضار اللي وياه بالفرن .

هم ماكو سناك 2 !

عشاي .. روب اكتيفيا مع اناناس فريش .

ان شاء الله لي الاسبوع الياي تختفي اثار اللوثه اللي حاشتني باسبوع العيد .

و باذن الله ودي بعالم السبعوووناااات على بداية السنه اليديده

 

[سارونه87]

خخخخخخخخخخخخ
حلوه السبعونات
انا بعد ابي عالم السبعونات

 

[عنيّد]

جسوت ،، وااااااااااااااااااي امبددددددددعه حرام عليج انتي تكتبين الي اكلتيه وانا اشبع :krkrkr:
بالعافيه بالعافيه الظاهر البريك منشلع عندج خير شر :dddds:

زيون ،، عافياااااات والله يتمم عليج ويقر عينج بالسبعونات :eh_s(6):


انااااااااااا دااااااايخه من اليوووووووع ، الجوووووو لاعب دووووره والله
أمس واليوم مشيت نص ساعه ع البحر روووووووووووووووووووووووعه الجو روووووووووعه والله عيب نقول مالنا خلق نمشي والجو يسااااعد :ada:

باجررر الله يستر من بااااااجر ، رفيجتي مسويه "جينز بارتي" وأكيد وراه عشاااا ، ياربي فراغه مايراعون شعور الي مسوين رجيم :eh_s(1): لا والنكته اني انا الي بييب الحلو خخخخخ :gathering:

 

[just-me]

هلا عنود .... حرام عليج أي بريك شوفي متى اخر مره ماكله اصلا صار لي 10 ايام صاكه على عمري

ما سوت عليها زيونه بعد عمري يوم قالت الكل مخربط بالريجيم بالعيد جان انط الا انا لاني فعلا

صامده من قلب ... عموما انا بعتبرها وجبة فري لاني اليوم حدي مو اوكي واحس روحي

مسحوبة مني و بيصير فيني شي لوما كليت و اشوه اني كليت

بس مو مشتهية حلو بالمرة ... بس ليمن جذي كافي

سارونه شلونج عسولة ...شدي حيلج انتي طلعي من80 وانا ال 70 و الكل عسى

الله يعطيه ماتمنى بصحة يارب

 

[just-me]

هلا زينه توني اشوف ردج ... ميخالف اليوم حالة استثنائية زين ما اغمى علي من الدوخة

واصلا فعلا كنت محتاجة وجبة فري ... شوفي لو انا مهيصه طول الايام اللي طافت جان قلت مشكلة

بس و الله هالايام اللي مرت كنت حدي ما اكل و الحمدلله ترا مومتحسفة على اليوم و اعتقد

كيلو او كيلوين عن ال 70 ان شاء الله هينين

المشكلة انا من ادش ال 60 الويه يسيح و أخق وكل من يشوفني يسأل ها عسى ماشر

فشكلي بتم على 71 الى 68 اذا الله قدرني

بس ترا فرحت لج ... برافو الالتزام زيون .... لايوقف

 

[سارونه87]

بخييييييييير الحمدلله

 

[عنيّد]

جسوت ،، آهاااااااااااااااا عاشت عاشت :ggdw: اي عيل دام جذي تستاهلين الوجبه :eh_s(6):
اما سالفة الويه اذا خق ، الظاهر مو لازم الواحد يتبع وزنه المثالي
يعني انا المفروض 60-64
بس المطوع قالي 72
شكله حاسب حساب خقة الويه :dddds:

احس روحي مسحوبة مني

تصدقين أخيراً لقيت كلمه تعبّر عن شعوري
انا فعلا حاسه بهالشي من شهر بالضبط
وناطره باذن الله مراجعتي يوم الاربعا ، بقول للدكتور أبي اسبوعين تثبيت برتاح فيهم

 

[زيـنـه]

سارونه .. ان شاء الله انا وياج نوصل السبعونات .. انتي جم وزنج ؟
جود القى من اسايرها لي السبعونات .

عنيد .. صاجه الجو حلو و البرد يكسر .. و انا ظروفي استثنائيه على اساس المسعده يايتني و الدوام على ما اوصل ما يمدي نص ساعه و الا المغرب اذن و ظلمت الدنيا .
بحاول بالقرص الدوار اللي منخش تحت السرير

جسوت .. عليج بالف عافيه .. و تبين الصج .. الريجيم بالشتا جهااااااااد .
كل شي لذيذ .. و كل شي يحلى بالليل !!
على الله ان شاء الله ربي يقوي ارادتنا و يوصلنا اهدافنا على صحه وعافيه

من من .. تو اشوف صور عشاكم ما شاء الله لا اله الا الله .. عليكم بالف عافيه .. يشوق و شتوي

 

[just-me]

هذا اهو عنوده انا حسيت اني ابي طاقة ابي اكل و ياليت كان كباب (بروتين) و لو انه ثقيل

بس كان بيصير اهون ولا الفلافل و الحمص و العيين بس اتوقع تبخر لمن طب بطني من المجاعة

وصج الكولا مالها سالفة بس هم رفعت لي السكر

يالله بنات تصبحون على خير و حاولو تطلون باجر اذا الله كتب لنا عمر

good night

 

[سارونه87]

انا وزني الحين 84
ابي لي نهايه شهر 12 انا بالسبعونات

 

[زيـنـه]

جسوت .. قود نايت

 

[زيـنـه]

سارونه .. انتي مثلي .. انا بين 84 و 83

ان شاء الله نوصل السبعونات اخر هالشهر