~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[mn.mn]

زيون اظهر وبان عليج الأمان كل هذا تقرين اللي طافج ؟

بطبط اي والله هم نقول الحمد الله ان وقفنا ولا ردينا قري

 

[بطة رشيقة]

صااااااجه شغداج منمن ..؟

 

[mn.mn]

فيليه دياي مال ساديا الجاهز بحط لي قطعتين بالفرن مع سلطة وبس الحمد الله على النعمة

والعصر سناكي كتكات وقهوة عربية وعشاي اليوم بيضتين بسويهم اومليت مع فلفل اخضر وطماط وسلامتكم

واليوم الرياضة اوف ولدي عنده امتحان علوم يعل القلب من كثر ما اهو صعب ودسم منهجهم >>> جسوت أبي رايج بالموضوع ؟

 

[mn.mn]

أخليكم الحين بطلع حق ولدي

نشوفكم على خير

 

[زيـنـه]

المنتدى معلق !!!

ظهر الخير

شلونكم ؟

اليوم استاذنت اودي ولدي موعده الطبيب .. و رديت الدوام بال 11 .. و اشتغلت شوي .. و كاني طليت عليكم .

اليوم ان شاء الله احسن من عافور امس ..ان شاء الله اكون اوكي لي العشا يااااارب .

شالاخبار ؟

 

[teenaa]

هلا حبيبتي زيون شدي حيلج والبنات شدوا حيلكم واستمروا


يالله نبي نغير الارقام ملينا من النطره لووووووول

 

[بطة رشيقة]

ان شالله نكووون بدون عوافير ..

منمن بالعافيه انا مليت من اكل الرجيم المعتاد ابى ابتكر شى ويكون لذيذ ..

وان شالله يكون امتحااااان وليدج سهل نهل ...

زيونه هلا وغلا سلامته عسى ما شر شفيه ولدج ..؟

تينا يارب كلنا ان شالله تتغير ارقامنا شنو غداج ..؟

 

[just-me]

واليوم الرياضة اوف ولدي عنده امتحان علوم يعل القلب من كثر ما اهو صعب ودسم منهجهم >>> جسوت أبي رايج بالموضوع ؟

السلام كاني رديت

اولا عوافي من من على الغدا و الاحلى انه بدون نشويات ( خبز - عيش )

زيونه سلامته الغالي الف لا باس انتي الله يعينج الياهل لا استمرضت الام تمرض

معاه من المحاتات عسى الله يحفظهم من الشر

تينا اخاف اقول لج خل نتحدى ارجع افتلت نفس ذيج المرة بس خل نشوف منو

يدش عالم الستونات قبل

أنوجه حياج الله بالغالية كل اسبوعين طلي علقينا ... وينج شخبارج

والله قلوبنا معاج ... طلطلي أكثر عوضي اللي فات مكانج خالي من غير شر

بطه ياحلوة وربي ما تحلى الديوانية الا بسويليفاتج الله لا يحرمنا

من من مره ثانية ... الله يستر اليوم جوجو امتحنت علوم و امس قعدت ادرسها

ليمن لاعت جبدي شنو هذا من صفحة 8 الى صفحة 81 صج نصه صور بس ولو

التعاريف مو هينه و لا الرسمات عسى الله لا يخسر تعبهم و تعبنا انا ما احاتيها

كثر العودة بلشنا باحتساب النسبة من هالسنة ( فيزيا / كيميا/ أحياء/ الله يستر )

انا كنت مقررات تجاري و ما درست ولا شي منهم ولا فلسفه ولابطيخ صج يمكن

الاولي لاعب و التالي تاعب بس و الله حني اول بحوث و تقارير و عمات عين

الحمد لله ... توني تغديت ميوه مشكلة الله يخلي لنا مركز سولتان يونس تمشين

وتخمطين ... صج كان ودي اخمط كاكاو علبو حق اليهال بس تعوذت من ابليس

لاني ادري ماراح اخليهم يمدون ايدهم و انا اللي باهجم هممممممممم

مو جني قرقت وايد ..؟؟؟ مو جنها احلاهم هونت وانحاشت عقب الدرس

اللي اتحفتها فيه....؟؟؟:dddds:

 

[just-me]

Me go .... ok ... see you

سلام أشوفكم جريب على خير ... شدو الهمه و مانبي بلعة

 

[خنفروشه]

يسعد مساكم

تغديت اليوم سندويشتين وحده فيها جبنه و مرتدلا و خيار و طماط والثانيه جبنه و زعتر
من امس بديت اييب غداي من البيت ..احسن و انظف طقت جبودنا من الاكل المطاعم
مرة بالاسبوع مرتين بس مو كل يووووم

واخذت لي كوفي
بس مادري شنو العشا؟؟
وجان على الميزان اه ه ه الظاهر مناحس الكل
بس ماكووو فايده احنا ثابتين و بنستمر على التخفيف
:dddds:

 

[بطة رشيقة]

مسااااااءالخير شلووونكم شخباركم ...انا اليوم تغديت

شووربه ديااااى مع خضار وسلطه ....

مامشيت وما ادرى شنو باخذ سناااااااااااااااك

بفنكر بعد شوى واشوووف شيصير ...

شربت ماى وجاى اخضر ..

وما ادرى شنو بيكون العشااااااااا

جسوووووت هلو هلو والله يا زين سوالفج يا بعد شبدى وما قرقرتى ولا شى شدعوااااااااااااا وزين تسوين على ملكل سلتان على قوله كارز .... ور بى يوفقنا ويرزقنا كل الخير ويخلينا نصير رشيقات ​

 

[mn.mn]

مساء الخير شلونكم وشخباركم ؟

يارب تكونون كلكم ملتزمين وميه ميه

جسوت لا ان شاء الله اتييب جوجو درجة زينة وربي ما يضيع تعبكم انا خلصت من تدريس ولدي مبجر عاد قلت بمر الخياطة

آخذ قميصي مال العيد تالي رحنا نتعشى ب 360 عاد بدلت عشاي من بيض لي جيز برجر ودايت >>> ترى مو مخربطة من ضمن الرجيم

تصبحون على خير ونشوفكم باجر بعون واحد أحد

 

[زيـنـه]

فير الخير ..شلونكم ؟

الف الحمدلله .. اعتبر نفسي بالتمام اليوم .. و مقاومه عدة اغراءات .

غداي كان 5 قفاش عيش .. و سلطه .. و ستيكات لحم .

سناك 1 كان روب اكتيفيا بالفراوله


سناك 2 .. كان قهوة توفي نت لاتيه من ستاربكس البيرق .. و المجمع باختصار حليو و تقريبا 75% منه فاتح .. و تشكيلة المحلات حلوه و زوينه.

عشاي كان في البيرق .. كوبين سلطة فواكه .

و الحمدلله .. ماشيه على البروقرام

من من .. ولدي التهاب لوز و موعده مع انف و اذن و حنجره .. يبون يعدون جم مره تحوشه على اساس يشيلون اللوز و الا يخلونهم .
و الشر ما اييج .

جسوت .. تسلمين و الله يعينكم على التدريس .. واحلاهم شكلها نفذت بجلدها على قولتهم !!
بس ان شاء الله تلتزم معانا .

بطبط .. بالعافيه .. و هالله هالله بالالتزام .

عنيد .. ماذا جرى لدي العبد ؟
بشري ؟؟

انوج .. بشري عنج ؟؟ عسى تسهلت ظروفج ؟؟ لج وحشه ؟؟
واحد من اثنين .. و الا صرتي رشيقه و ما قمتي تطلين .. و الا انفجرتي على الاكل و متنتي و هم ما تبين تطلين .
بس ان شاءالله يكون فالج الاولي .

تينا .. ما عندي فكره عن قشور القهوه .

نحوله .. حياج معانا و شلون الريجيم ؟

ان شاء الله يا ربي نضعف على صحه و عافيه و نصير رشيقات طول عمرنا و تكون هالمرحله بحياتنا فتره .. على قولة اللبنانيين .. تنزكر ما تنعاد (تنذكر و ما تنعاد).

بالتوفيق اجمعين

 

[mn.mn]

صباح الورد

زيون ألف لا باس عليه ولدج وان شاء الله ماكو الا العافية

وبالعافية روحة البيرق وقهوة ستاربكس اهي نفسها القهوة المنتظرة ؟

 

[ام فجور 2008]

صباح الخير

 

[mn.mn]

هلا والله ام فجور صباح الورد

شلونج اليوم ان شاء الله احسن ؟

 

[بطة رشيقة]

صباح الخير .. والورد والنوير ..

الحمدلله انا بخير وامس كنت تمام ... تعشيت بيض بالطماط مع نص خبزه وعصير وبس ماكلت شى بس ما مشيت ولا تحركت حسافه لانى ما ادرى شفينى صايره مالى خلق !!! بس ضرورى ان الموضوع ما يطول ... ولازم باذن الله امشى واتحرك ..

منمن ان شالله القميص مال العيد حلو ويارب تكونين احلى وحده وعليج بالعافيه العشا ...

زيونه الاموره الف لا باس على ولدج وان شالله ربى يكتب له الخير اذا كان يشيل اللوز او لا ... وربى يكون بالعون وبالعافيه روحه البيرق وانا وايد سمعت عنه اشياء انه حلو ومرتب بس للاسف الاشكال اللى فيه مو شى !! ومخربينه بس ياربى هالاشكال عمرها ما راح يتسنعون كلش :0bee2e8d89:

وعلى القهوه عليج بالعافيه وساعات القهوه تعطى الوحده طاقه يعنى انا اذا كلش مليت من الرجيم وودى بشى يغير اروح ستاربكس او اى كافيه واقوله انى ابى بس قهوه مع كوووفى بدون كريمه ولا شى تصدقين هم طعمها حلو واخذها مع العشا او اعتبرها سناك ..
اكيد الموكا احلى بس شنقول العوض ولا القطيعه ..

​

 

[ام فجور 2008]

الحمدلله من من بخير

بطبط شلونج

 

[زيـنـه]

صباح الخير يا ويوه الخير

شلونكم ؟

من من ,, و بطبط .. الشر ما اييكم تسلمون .. والله كريم .

من من .. يس يس هذه القوه المنتظره(توفي نت لاتيه .. و في توفي نت فرابتشينو) .. انا احب الحاره .. و موسمها الحين مع الاعياد (الكرسمس) ---> حلوه الاعياد يكون لبنانيه !!

بطبط ... البيرق كان تمام .. و ماكو ناس غريبه يمكن ليش عرض الاسبوع .. خبرج هالاشكال تطلع بالويك اند و بكثره من جذي ما اروح المجمعات في الويك اند .
و صاجه .. الكوفي تغيير .. بس اطلبها بدون كريم .. واصغر مقاس مال اليهال (short size) تكون عن الخاطر و هم ما تكون كميتها وايده .

ام فجر .. صباح النور .. شلونج ؟

 

[teenaa]

صبااااااااااااح الخييييييييييييييير

انا قاعده من 5 ونص سويت ريوق حق اختي عندها امتحان

كليت 2 بيض مفيوح وطماط ووحده نقانق

والحين نسكافي واحتمال الغي الغدا مو اكييييييد