~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[mn.mn]

بالكويتي القديم

 

[ام فجور 2008]

من من ولا مرة دخلتي اعيالج حضانة

 

[mn.mn]

كل عيالي أدخلهم حضانة بالسنة اللي قبل الروضة

ولدي العود دخلته حضانة الابداع اللي بصباح السالم

والثاني حضانة بمبارك الكبير يم مدرستي وزوزو لاحقتهم الكورس الثاني راح تداوم

 

[ام فجور 2008]

حضانة الابداع وين صايرة ؟
عندج رقمهم ؟
والي بمبارك الكبير
هي ستبس ؟
كنت بروح اشوفها اذا هي الي صايرة على الدوار
من من في حضانة بيبي اكاديمي يمدحونها

 

[بطة رشيقة]

الابداع عيال اختى فيها وايد تمدحها مشالله اذا تببين رقمها اعطيج ...

وشمااطيط كلمه كويتيه عتيجه

وتعشيت بجليز نطروا اروح حق المدير يبينى وارد اسولف لكم ..

 

[ام فجور 2008]

الابداع عيال اختى فيها وايد تمدحها مشالله اذا تببين رقمها اعطيج ...

وشمااطيط كلمه كويتيه عتيجه

وتعشيت بجليز نطروا اروح حق المدير يبينى وارد اسولف لكم ..

اي بطبط عطيني رقمها
لان سالت عن حضانة سعرهاا لشهر ب120 وايد
وبالعافيه جليز

بنات في حضانة بالروضة اسمها التميز محد يعرف عنها شي

 

[teenaa]

لوووووووووووووووووووووول <<<شكو تضحكبن خليج مستمعه


لوول يحليلكم الله يخليلكم عيالكم

 

[mn.mn]

ام فجور الابداع كانت بصباح السالم يم مطعم البطريق بس جنه الحين غيروا مكانهم

واللي بمبارك الكبير لا مو ستبس

بطبط بالعافية العشا

تينا الله يسلمج ويرزقج بنات وصبيان

 

[بطة رشيقة]

امس الله يسلمككم رحت جليز .. وقلت حق قوزو انى ابيها طلعه رومانسيه .. وابيك تقولى كلام حلو .. كشخت وشحلوى

( اهم شى انها تمدح روحها ) خخخخخ

المهم تمشينا شوى ووصلنا جليز على ال8 دشينا وطلبت تكساس فرايز وتربل بلاى اللى اهو المشكل .. وطلبنا ماعون فيه دياى مثل النقتس وتشاركناااا فيه وما حليت للاسف لانى طفحت .. وبس طلعنا عقب وصار اللى صار ( المره اللى كفخت سيارتى الله يسامحها ) والحمدلله على كل حال .. بس يعنى طلعه حليوه بس ما ادرى ليش ما قالى كلام حلو الله يهديه تشقق حلجه من المثااوب يقول فينى النوم خخخخخ ... س يالله الحمدلله على كل حال ..

باخذ سناكى .. نسكافيه مع بسكوت ..

والغدا ما ادرى شنووو بيكون ..

ومالى خلق امشى بخلى المشى يعنى على الاسبوع الياى ..

 

[بطة رشيقة]

اى صح ام فجوره لالالا الحين الابداع فى قطعه 5 بصباح السالم اختى وايد تمدحهم اسم الله عليها بنتها حضانه وولدها روضه .. ووايد مستانسه منها بنتها بالشهر 65 ..

واخذ الرقم منها واعطيج اياه ..

تينا ربى يروقج الزووووج الصالح والعيال الصالحين يارب ...

 

[teenaa]

منمن وبطبط يسلمو على هالدعوات

انا بخاطري بنت <<< تزهب الدوا قبل الفلعه لووووووووووووووووووووووول

 

[mn.mn]

عليكم بالعافية بطبط المهم طلعتوا

تينا انا بعد خاااااطري اييب بنية ربي يكتب لنا ذرية صالحة

والاهم يكون الياهل بصحته معافى

غداي اليوم همبرجر وتبوله

 

[teenaa]

منمن انا ابي بنوته اقرص خدودها ياااااااختي

قبل جم يوم متنحه جان تسالني امس شفيج


لوول
تتوقعون شنو رديت عليها



قلتلها ييبيلي بنت


امي ويهاا طلع في خطوط وتنحت نعم
شلون يما ما يصير لوووووووووووووووووووووووووووووووووووووووووول( امي منقطعه عنه الدوره واصغر واحد من اخواني عمره 14)

انا استوعبت بعدين وانهرت بروحي ضحك لاني كنت قمت التتنييييييييح لوووول <<< هبله

 

[teenaa]

عوافي منمن انا قبل شوي كليت والحمدلله

 

[بطة رشيقة]

ماعندج خوات تينا ..؟

ترى صج بنات سبحان الله البنت غير .. حبيبه ورفيجه امها يعنى الولد الله يطرح فيه البركه بس بتكبرينه وتزوجتينه وبيخليج بس البنت لو شنو ما تخلى امها .. انا الحين اشووف نفسى .. كله ابى اروح بيت امى ابى اقعد مع امى ..



الله يخليهااااااااا لنا يارب ..

الله يرزقنا بالذذريه الصالحه اللى تفرح قلبنا وان شالله تكون بنوته حليوه .. واى يختى احب هدووووم البنات يشوقووون يا سلم قليهم والله واهم شى ودى ان ريلى يخلينى اسميها الاسم اللى ابيه يعنى ما يفرض على اسم معين .. لان الولد اهو سماه ابى البنت انا اسميها ..

الله كريم ان شالله ..

جسووت وير ار يووو ..؟؟؟ فقدناج شدعواااا كل هذا امتحانات يا بنت لا يكون غاطه مخربه !!!!

 

[mn.mn]

الله يعافيج تينا وانتي بعد بالعافية

بطبط ربي يرزقج بنت تلبسينها وتستانسين فيها

انا اخليكم الحين بعد شوي افراااااج

 

[teenaa]

بطبط عندي خوات بس كبار :>


ودي ببيبيه اطقها واعضها


احب اغراض البنوتات الصغار

هدوم وشبابيص وتيجان وباندات وتكرمين جواتي يختييييييييييي



قاعده احن على خواتي ما يبون يحملون



الله يرزقج ويرزق منمن وام فجور بالذريه الصالحه يارب

 

[Na77olah]

هلوووووووووووو رشيقات شلووونكم

مشتاقتلكم والله

 

[teenaa]

اهلااااااااااا نحوله شخبااااااااااااااااااااري

شلونج وشلون الرجيم انشالله تمام ؟؟؟

 

[ام فجور 2008]

السلام
للحيني صامدة :weight_lift:
وللاسف الشديد السنما ماراح اروح لها بسبت موضوع سخيف :lkmnkl: يالله خيرة