~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[زيـنـه]

تينا .. مو زينه هالاشياء و انا شخصيا اخاف منها .

 

[زيـنـه]

وينكم ؟

 

[teenaa]

شسوي زيون مو قادره اضعف انا بته

 

[ABEER FLOWER]

السلااااااااام عليكم

شخباركم يا رشيقااااااااات المستقبل ؟؟

ربي يقويكم و يعطيكم الصحة و العافية جميعاً

 

[زيـنـه]

تينا .. ان شاء الله ما يصير منها مضاعفات .. و ان شاء الله تفيدج .

عبير .. اهلين و سهلين .. مازلنا نحوس في دائره مفرغه نحو الهدف المنشود و هو الرشاقه .
و ان شاء الله الله يوفقنا و يعطينا على نيتنا

بنات شنو غداكم اليوم ؟

بالنسبه لي .. كفتة لحم مع عيش مشخول و سلطه

سناكي الاول كان كتكات مع قهوه فرنسيه

 

[ABEER FLOWER]

زيونه حبي ربي يحقق أهدافكم جميعاً
و لا يضيع لكم تعب
يا حلات المنافسة الحلوة
ربي لا يحرمكم من هالصحبة الطيبة

و بالعافية عليج الغدا

احنا طاح غداناا بروح أتغدى
أشوفكم على خير

 

[زيـنـه]

عبوره ..مشكوره يالغاليه ..و يعافيج .. و عوافي على غداج .. و طلي علينا لا تقاطعين

 

[mn.mn]

صبااااااااح الخير

شلونكم وشخباركم ؟

انا تعبانة نفسيا من التخربط ومالي خلق شي

 

[ام فجور 2008]

صباح الخير من من
عسى ماشر لا تضيقين خلقج
عيل انا شقول الي اروح للدكتور واخربط خليها على الله والله امس طلعت من بيت امي متحسفه عالشان اكلت شوي مع اني ما خربطت وايد
لا تضيقين خلقج ترى وراج ولدج تبين تدرسينه جابليه ونفسيتج مرتاحه وخلي الرجيم اهم شي انتي واعيالج وزوجج
جابلي ولدج الحين اما اذا بتشيلين هم الرجيم وهم الدراسة بتضايقين
ماعاش من يضيق خلقج

 

[mn.mn]

بعد عمري ام فجور صاجة ماكو شي يسوى وعلى التدريس إي والله امس تعبت نفسيا وانا ادرسه المناهج وايد دسمة عليهم

ان شاء الله انا اليوم بحاول التزم يعني لو اخربط يوم التزم يوم شي يعوض شي والله كريم

واصلا اليوم لازم التزم عشان باجر راح يكون الميزان

 

[بطة رشيقة]

صباااح الخيرات على الكل ..

اتمنى للكل يوم سعيييييييييييييييييد .. واتمنى للكل نفسيه حلوه وسعيده ... وحق منموونه حبيبتى ربى يرزقج راحه البال ويشرح صدرج ويوفق عييلج بالامتحان انا حسيت من قلتى مشتهيه باسكن قلت البنت فيها شى شدى حيلج حبيبتى ..

جسوووت جنه لازم نيب لج المطافى لان الوضع قاعد يصير خطير حبيبتى شدى حيلج وتذكرى ال69 والاراده القويه جسوت انتى اللى كنتى تشجعينا ..

تينا صباح الخير .. وانا ضد الحبوب والخرابيط وان شالله بتضعفين وانتى لاتنسين الانجاااااز اللى انتى وصلتى له كملى وان شالله يارب توصلين بصحه وعافيه :jbdwjbd:

ام فجوووره صباح الخير شلووونج ان شالله تمااااام :ceaf32e183:

زيووونه هذى منى لج .. ويارب يارب يديم علينا الالتزام وعلى باجى البنات ويثبتنا ويبعد عنا الخرابيط ويضعفنا بصحه وعافيه ..

وتستاهلين هالورده ..

عبوره صباحج ورد ونور وفل حبيبتى انتى ربى لا يخلينا منج :eh_s(22):​

 

[ام فجور 2008]

بطبط وديت كارز رامز ههههههههههههه عالشان يعيد اهناك عند السيايير

 

[بطة رشيقة]

هلا والله ام فجوره .. لا والله ما وديته مسكين كارز ما ادرى شنو طاق صبع ريله الكبير ووارم وطالع غيه نقل وصارله من امس اروح المستوصف يحطون له دوااا ويلفون صبعه وكل شوى يقول يعورنى .. اذا خف ان شالله وديته ..

 

[mn.mn]

هلا والله بطبط بعد عمري والله ما قصرتي حبيبتي وافا عليج

ما خليت بخاطري شي طلعت امس من الدوام مريت باسكن شريت كيكة

ورديت البيت وبعد صلاة الظهر جابلت عيالي وقعدنا ناكل

 

[ام فجور 2008]

بطبط بعد عمري ماعليه شر
من من بالعافيه عليكم بس عاد جان تنقصتيلي

 

[mn.mn]

سلامة كارز بطبط ما يشوف شر

ام فجور حياج لي الحين باجي الكيكة بالفريزر ما خلصناها

 

[ام فجور 2008]

يحيج من من
عاد احنا بيتنا مدمنين الحلو ان يبنا شي ما يضل هههههههههههه
مايندرى عن تينو شصار عليها كلت هالحبوب ولا ماكلتهم

منمن اليوم ماعندكم شي بالمدرسة ؟؟؟

 

[بطة رشيقة]

بالعافيه منمن الباسكن مشالله انا ياربى احب واموت على هالمطعم واحس انه اهو البرد الصح .. وانا بعد من عشاق الحلو ما يحتاى .. بس ياربى باطين جبدى اول كان اكو كشكات صغيره بالجمعيات الحين كله شالوه اللى يم بيت اهلى واللى بجمعيه مشرف .. مال الفرع اقصد ..

 

[ام فجور 2008]

بطبط اذا انتي بالقرين في كشك بجمعيه رقم 2
وكذا جمعيه اروح لها اشوف فيها

 

[mn.mn]

العين اوسع لج من البيت ام فجور واليوم عندنا امتحانات بس انا ما عندي مراقبة اليوم بعد شوي بروح حق ولدي وارجع

بطبط ليش ما تمرين العدان قريب عليكم واذا عندج المنيو بالبيت هم يوصلون

توني تريقت توست وجبن وسلطة وجاي حليب واليوم بعون الله لااااااااااا للخرابيط