~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[بطة رشيقة]

هلا .. انا رديت .. وديت كارز الطبيب .. ومشالله عليه فضحنا بجى وصاح وتكرمون ترجيع وحالته حاله !!! ادرى ما يسوى بس اهو من الخرعه سواا جذى ..

الله يهديه ويصلحه الحمدلله انتهى المشوواار على خير ..

وربى يكون بالعون ..

ما كلت شى .. استغفر الله كل شوى يطرى على بالى شى اشتهى اكله .. بس كلا والف كلا ربى يثبتنا بثبااته ..

وين الباجى ..؟

تينا وام فجور صباح الخير او ظهر الخير شلونكم عساكم بخير ..

 

[mn.mn]

السلااااااااااااااااام عليكم

شلونكم شخباركم ؟

انا بالمزرعة والاوضاع نص ونص وامس ما ثقلت بالعشا وبلاعيمي شبت علي ما قدرت انام

بطبط سلامة كارز ما يشوف شر

تينا ميخالف تاخري على الدوام ولا تطيرين بالسيارة

جسوت انا وايد تحوشني الحالة الكسيفة اللي قلتي عنها

ام فجور بالعافية عليج المشويات وخرابيط الجمعية

 

[بطة رشيقة]

اهلين منمن شلونج وشلون الرحله بالنزرعه عليكم بالعافيه ان شالله مستانسين .. ,؟

شنو غداكم ..منمن بالبر ..؟

 

[mn.mn]

هلا والله بطبط الياهال معيدين طبعا لعب وبقي وقواري

والحمد الله الاوضاع تمام باجر ان شاء الله بنزل زوارة بيت ابوي العشا واليمعة رادة المزرعة مرة ثانية لي السبت بليل

غدانا سمج ومرق دياي وخضار بالفرن انا راح آكل بس خضار بالفرن على الاقل ضمنت الغدا ماكو خرابيط الله يستر من العصر والعشا

 

[just-me]

صباح الخير بنات شلونكم

اليوم الخميس وزني 75.2 الحمدلله على كل حال .. هم أمس نص خوش

ما ادري متى اقول لكم كله خوش

عاد الحين ويك اند عزة الله ان محد بيطل و هالصقحة بتقعد ليمن الاحد

شخباركم ...

 

[عنيّد]

صباح الطش والرش :weight_lift:

اعناد عليج جسوت اليوم بفحططط بالصفحه لما تتغير ونقلب صفحه يديده


الجووووو رووووووعه والله حرام انه دوامنا مسقّف المفروض مكشوف :tongue22:

عنيد والله لج وحشه وطلاتج البهيه ربى لا يحرمنا منها ابد يارب .. وما قلتى لنا جم وزنج اليوم ..؟

بعد عمري والله بطوط ، الخير والبركه فيكم
وزني مادري ! الصبح اخز الميزان ويخزني ، بس مابي اصعد عليه الا يوم الاثنين :016:
اشتقت للمفاجأه

 

[ام فجور 2008]

صباح الخير منو له خلق الدوام
:lkmnkl: :lkmnkl: :lkmnkl:

 

[عنيّد]

^
مو انا

ناطره متى يخلص بروح أحلي مع رفيجتي خخخخخخخخ

 

[ام فجور 2008]

عنيد بسكم مطاعم ((عليكم بالعافيه بس لا تنسون نقصتي ))هههههههههه
عنيد انتي موعدج عند العبد يوم الاثنين انا يوم الاربعا عند طالبب الشمري

عنيد بس حده ضايق خلقي والله من متى وانا على ال85 احس خلاص اذا ما نزل وزني حدي راح اتحبط والله من شهر 8 على ال85 معقولة يعني

 

[عنيّد]

ام فجور ،، احنا بنروح ناكل سناك #1 بالمطعم ، لوول ماكو شغل بس مشتهييين :tongue22: يعافيج ربي
انا موعدي مع العبد يوم 17/2 يعني الاربعا يعني بعد اسبوعين توالنااااااس
بس انا متفقه مع انا اني اوزن كل يوم اثنين :rerrerek:
همممممم بالنسبه لج ، مادري عنج شنو خبصتي بالشهر ونص الي انا غبت فيهم بس انتي ملتزمه ؟

 

[ام فجور 2008]

عنيد بصراحة يعني مو 100 %100

 

[عنيّد]

اي عاد الـ 100% مو دايم

همممم المره اليايه شوفي وزنج واذا مونازله قوليله :/

 

[ام فجور 2008]

عنيد امس بنتي كانت تاكل بطاط توني بمد ايدي باخذ منها جان اذكر كلمتج لمن قلتي ماراح يطير الاكل وهذه مو اخر مرة بشوه جان اهده :eh_s(2): :eh_s(2):

 

[ام فجور 2008]

عاد هو مسكين الدكتور معطيني اكل بالرجيم بس مادري شفيني مو قادرة اضبط نفسي معاه
حتى الريوق حاط لي كرواسون او 3 توستات ههههههههههه +شريحتين جبن
عنيد شرايج بالزينيكال

 

[بطة رشيقة]

صبحكم الله بالخير ..

شلونكم شخباركم ..

ان شالله يارب تكونون كلكم بخير ..

انا الحمدلله امس تمام ..

بس صج صج فينى النوم :ch12:

امس ما نمت الا الساعه 2 حدى متاخره ,,, :080402ask_prv:

بس شسوى عشتوااا كارزوو كان معزوووم على البر ونطرته على ايرد .. وعلى ما رد وسبحته وحست وياه وتالى نمنا .,..

ام فجور .. صباح الخير ويارب تصيرين 60 وانا وياج ..

منمن عليكم بالف الف الف عافيه وربى يوفقكم ويسعدكم دوم دوم ..

جسوووت .. هلووو هلوووو شلوونج وتمام الحمدلله انج نص اوكى كملى لما تصيرين اوكى 100% وربى يوفقج ولا ان شالله هالصفحه تتغير ونسولف مع بعض ..

عنيد صباحج ورد يا حبيتبى وشفيكم كلكم محاربين الميزان ..

بنات واى بالرغم -----> اهم شى بالرغم !!!

بالرغم من ان فينى النوم ... بس اقول ان الجو وايد حلو به وتمنيت انى اروح اتريق بره على البحر اشرب قهوه واكل اومليت مع مشروم ومع خبز واجبان منوعه وتالى احلى بحلوووو يسحن الجبد ويذوووب وراه القلب ..

( اى يا كثر ما تتخيل البنيه ):hjy5jewf:

الله يعطينى على قد نيتى .. يارب :yaaaaaarb​

:

 

[ام فجور 2008]

بالرغم من ان فينى النوم ... بس اقول ان الجو وايد حلو به وتمنيت انى اروح اتريق بره على البحر اشرب قهوه واكل اومليت مع مشروم ومع خبز واجبان منوعه وتالى احلى بحلوووو يسحن الجبد ويذوووب وراه القلب ..

عنيد اخذي شوفي الرجيم على اصوله :rerrerek: :rerrerek:

بطبط صباح الخير :eh_s(21):
وزين سوى كارز غير جو

 

[عنيّد]

ام فجور ،، ترى انتي توج باديه مع الدكتور يعني المفروض تكونين ملتزمه ، بالزززبط بالزززبط نفس طالب الثنوي المقررات ، بأول السنين يشد حيله عشان لما ايي على اخر الكورس يبدع بكيفه فانتي اذا ببدايتج تلعبين لعب عيل بالله بعدين اذا صرتي مخضرمه رجيمياً نفسي ونفس جسوت :tongue22: شبتسوين :gr4uu:

بطوووووط ،، يوووووووزي يابنيه يووووووزي ، بيني وبينج ولاتقولين حق احد ، انا بعد هالجو اينني وحددددي اشتهي اكشت احلى كشته بالدوام واروح اتريق ع البحر ، واذا تبين الصج عن النفس والخاطر والحسافه على هالجو ، الواحد مومشكله اذا راح بالويك اند مثلا يوم السبت الصبح قعد بكير وراح تريق بره ، وباجي اليوم يكمله بكل احترام بالرجيم
وبجذي نكون مسكنا العصا من النص ، مو ؟ قولوا مو :eh_s(4):

 

[ام فجور 2008]

ماشاءالله عليكم شجعتوني وايد على الرجيم :gr4uu: :gr4uu:

بعد شوي بطلع من الدوام بروح الجمعيه باخذ لي سلطة شوفي غداي :eh_s(2):

 

[ام فجور 2008]

:rerrerek: :rerrerek: :rerrerek:

من يوم الخميس اليوم الى يوم الاربعاء رجيم
وزني تقريبا 85 اليوم ان شاءالله يوم الاربعا على الاقل 83

قولوا امين ​

:lkmnkl: :lkmnkl: :lkmnkl:

 

[بطة رشيقة]

مو مو مو

شوفوا يا محفوضات السلامه انا اوفى المنتظر بيكون الاحد ان شالله وكنت اتمنى واخطط شنو باكل فيه .. بس الحين تغيرت الخطه انى عزمت خوالى على الغدا يوم السبت وبيكون مجبوس يحبه قلبج واكيد بيكون فى حلويات واشياءات وفطيرات وكل شى من هنى وهناك .. :tongue22:

عاد قلت خلاص بخلى الاوف يوم السبت واكل معاهم هالاشياء .. وان شالله الاوف اللى وراه اروح مطعم

بس جد جد جد نفسى ومنى علينى بريوق حلو خارجى بالصباح البكووورى

انرد حق الواقع تريقت توست وجبن وشريحه تيركى وزبتون وطماط وعصير انناس والريوق لكم عليه التركى كان مو ذاك الزود !!!!
:lkmnkl:
ام فجووره ربى يوفقج ..:weight_lift:​