~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[just-me]

عجبتني بشاير ومناير لوووووووووول

هلا شوشو شلونج شوفي المطوع بسرعه عالراي

 

[ZajiL]

جسوت
صاجه حيييييييييييييل متنان انا ماشايفته لايف بس شايفته بالتيوتوب
وزنده جنه حيل معضل اخاف يلعب اثقال

 

[شوكولاته&فانيلا]

هلا جسوت حبيبتي

ماعندي قناة الراي والله للأسف

شوفوا وكتبوا لنا الملخص وشنو قال

انا بتسحر صمون بجبن وزيتون..

 

[عنيّد]

تقرير حلقة اليوم ٢١/٩/٢٠١٠ لبرنامج الدكتور عبدالله المطوع
- خاص بدوانية رشيقات المستقبل -



** فوائــــــد المأكولات البحـــرية **

يعني اليوم الحلقة زفرررررره

.
.

* الفقرة الاولى > أنواع الاسماك وفوائدها "بشكل سريع وحسب الي اذكره" :

د.عبدالله المطوع بسوق السمج

- الزبيدي ملك الاسماك "اي والله :rerrerek:" فوايده كثيره بس عيبه انه صار غالي
- الصبور هو السمك الي يستخلصون منه الزيوت الموجوده بالاقراص OMEGA 3 وهو أكثر سمك فيه زيت ، بالاضافه للميد ، وعيبه الوحيد بالنسبه للبعض هو كثرة الشوك فيه
- السردين دهونه ممتازه للقضاء على ضغط الدم وتقليل نسبة الكلسترول ، وكذلك ممتاز للبشره والجلد
- الربيان كوب منه ممتاز وخاصه للرياضيين ، وهو يرفع الكلتسرول الحميد المفيد ويقضي على الضار ، ويجب مراعاة ان تكون القشرة صلبه عند شرائه وان لا يحتوي على نقط سوداء
- القباقب منها الذكر (لونه ازرق) والانثى (الاحمر) ويكون لحمها اترف وألذ ، وهو خالي من الدهون تماما وغير ضار لمرضى الكلسترول
- فيه العديــــــــــد من الاسماك وكلها مفيده مثل البالول والشعوم والهامور ...الخ​

* الفقرة الثانية > لقاء مع الدكتور مجبل المطوع

د.مجبل المطوع ، رئيس المركز العلمي ، ووالد د.عبدالله

- باختصار تكلم عن بعض انواع الاسماك وفوائدها ، وقال ان الجيل الحالي مايعرف السمك ولا ياكله مثلنا قبل !​

* فوائد السمك بشكل عام :

د.عبدالله المطوع وتجربة نوعين من انواع اقراص زيت السمك

-مفيد جدا للعظام والمفاصل
- للشعر
- يقلل نسبة الكلسترول بالدم وأمراض القلب والشرايين ، تكلم عن دراسة تقول ان اليابانيين عمرهم اطول من الامريكان بـ ١٣ سنه والسبب ان اليابانيين ياكلون الاسماك بشكل يومي بعكس الامريكان واكلهم من اللحوم والبيتزا وغيره
- يحمي من تلف الذاكرة
- مهم جدا جدا للحامل والجنين ، حيث ان ٦٠٪ من المخ يتكون من الدهون المفيده ، ولو الام اكلت دهون غير مفيده مثلا الموجوده بالمقليات فالجنين يمتص الدهون المفيده فقط منها ويترك الغير مفيده ، وهذا يسبب مشاكل صحيه عند الام
- يجب استبدال السمك بأقراص زيت السمك للناس الي ماتاكل سمك ، وبالسوق موجود اكثر من نوع للاقراص وبعضها تجاري يجب الابتعاد عنه ، وبالتجربه الي سواها ياب كوبين ماي وحط فيهم كوبين فلين لانه الاقرب لنوعية وريد الانسان ، وصب فيهم ماي حار وحط بكل كوب قرصين زيت السمك ونطرهم دقيقه يذوبون ، كانت النتيجه ان النوع الاول خرم كوب الفلين وطلع منه وهذا النوع الممتاز الي يشيل الكلسترول من على الوريد ، اما النوع الثاني فهو التجاري​

* معلومة رجيمية :

- المعلومة المتعارف عليها وهي ان أكل السمك مع اللبن ضار للانسان فهي معلومه خاطئة وماكو دراسه اثبتتها وهي مجرد عادات قديمه
- الريوق مهم جدا جدا يوميا وهو سبب حرق الجسم
​

.
.

انتهى :001:


هذا الي الله قدرني عليه :weight_lift:
وترى باجر غدانا زبيدي مشوي :eh_s(21):
وانشالله بعد هالحلقه بنقول مياو مياو مع القطاوه ​

 

[شوكولاته&فانيلا]

عنيد

يعطيج الف الف الف عافية كفيتي ووفيتي ماشاء الله

انا بقوم انام تصبحون على خير

ايه والسحور صار صمونه وجبن وزيتون+ثلاث قفاش فول اكلتهم بدون خبز..

بااياات..

 

[ميوما]

السلام عَليكم

مشكووره عَنيد يعَطيج الف عَافيه

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مسا الخير

شلونكم و شخباركم ؟

اليوم اعتبر نفسي شوي احسن .

ما تريقت .. شربت عصير ليمون بالنعناع باااااارد يسرسح على جبدي من مشاويري اللي من ال 7 و نص و لا رديت الا 1 و نص !
تالي غداي .. صيخ كباب لحم .. و همبورجر دياي .. و سلطه .. و لبن.
سناكي .. كيكة خباز غاناش تذوب في فمك لا على القفشه ! ومعاها قهوه فرنسيه
العشا ما تعسيت للحين .. بطني يعورني .. كنت مسيره و كليت من فطاير التقديم وحده و سمبوستين .

و باجر المراجعه .. بامر قبلها اخذ تحليلي الدم و اشوف شنو النتيجه .. و ان شاء الله يعطيني شي يديد يجدد فيني الامل --> شرايكم بهالكلمه .؟

هذه احوالي و لويتي .


ردود .. ردود .. ردود .. ردود :

جسوت .. موقف الدوريات عادي جدا بس قوزو اللي مو عادي .. انتي شكو لو وقفوا و ساعدوج يعني جزء من شغلهم .. عسى الله يهديه و يسخره اللهم امين .
و بالعافيه قطع النشويات ان شاء الله تلقين نتيجه و تقبل الله طاعتج .
و للمعلومه .. حبة الحساسيه ياخذونها 7 او 8 .. علشان ينامون .. و فكرة الاوتيل اعجبتني بجداره

بطبط .. تقبل الله طاعتج .. و ربي يرزقج الضنى و لاتحاولين اتعشمين كارز و تخلينه يحن عليج بسؤاله .. قولي له ان شاء الله .. و من هالكلام .
و على موقف بنت خالتج .. انا اعرف وحده سوت هالسالفه مع اختلاف سالفة جسوت .. هذيج وقفت عن باب اللي حطت عينها عليه يعني صايدته صيد .. وتنطرت .. و فجأه فشت تايرها ما ادري شسوت .. و خلت تلفونها بطاريته مخلصه و على طلعته من البيت استنجدت فيه و قالت ما عندي شحن و ساعدني و سيارتي و كلمه من اهني و دلع من هناك .. و صار زوجها ابو عيالها بالرغم من معارضة اهله لها !!
ناس تعرف تصير و ان كيدهن عظيم !!

عنيد .. شكرا على التقرير .. والعبد مو لايق عليه الدشداشه مو ستايله .
و طافتني المقابله لاني كنت احوس بشي ثاني .
و جبنة الجوكا صارت الجبنه المعفنه مالت مصر .. شسمها .. نسيتها !

من من .. تعوذي من ابليس .. الدنيا ماشيه .. كبيرها تكبر .. صغريها تصغر .. و كشكشها ما تعرضهاش .
قلت لج جوج بسبب العوده للروتين .
حاولي تشيلين الجانب السلبي و تقلبينه ايجابي و التغيير بايدج و الامور راح تمشي و ترد على طبيعتها .. هونيها .. و هالله هالله بنفسج

صبوحه .. بالعافيه طلعة دبي .. و زين سويتي باللعب على الاجهزه .

دامعيه .. حياج الله .. و بالتوفيق

اثمان. تقبل الله طاعتج .. و هانت ما بقى شي .

ميزو .. مشكوره .. و تقبل الله طاعتج .. و حاولي ما اتغيرين نظام نومتج الحين ترى تتعبين .. قاومي و نامي نومه وحده بالليل .

زاجل .. شالاخبار ؟

انوجه .. بشري عنج ؟ و طلي علينا لا اتخلين .

شوشو .. بالعافيه ما كليتي و تقبل الله طاعتج

الباجي شالاخبااااااااار ؟

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم جميعا
الحمد الله اليوم انا خلصت صيامي ... والعيد هلا اهلاله ,, وعطونا عيدية ..ونبي عيدية ..
بالنسبة لعنيد اقول لها يعطيج العافية على هذا التقرير .. بس انصدمت هذا عبد الله المطوع؟ توقعت كبير حيل .. يعني تخيلته شكل ابوه مخضرم ماشاء الله عليه الله يحفظ لنا الطاقات الكويتية

جست مي .. صراحة خوش اعلان حق الحلقة .. ماشاء الله كلج حماس .. وبالعافية عليج الفطور حبيبتي وتقبل الله طاعتج
شووشوو هلا وغلا اشتقنالج وبالعافية عليج ما كليتي
زيوووون اشلونج وشخبارج وبالعافية عليج ككة القناش والقهوة .. وسلامتج من عوار البطن
صبوووحة هلا هلا بالطيب الغالي .. وين يالغلا سايره عنا ؟ عليش بالعافية الطلعات والمطاعم .. تدلعي ياعروس وتدللي
مرحبا بالضيفة الجديدة دلووله يمكن حياش الله
منمن اشلونج حبيبتي .. الله يبعد عنج ضيقة الخلق ترى اللي فيج من التغيرات اليديدة اللي صارت معاج مرة وحدة حبيبتي عادي وان شاء الله تتعدل الامور تذكري دايما ان بعد الليل لازم تشرق الشمس ( يعني طالعة فيها حضرتي .... لوووول) انا بعد باجر دورتي او الخميس المغدة بتشرف في بينا رابط مشترك ابلالالات ودورررات طبيعية لووول

واثمان زاجل بطوطة وتمتومة وريومة وام منوله وام فجورة نقول لهم مشتاقيين ولهانيين

انا طبعا تفطرت اليوم كوبين ماي وكوب لبن اكتفيا و3 تمرات وحطيت راسي ونمت وقبل اشوي قمت بشرب ماي وبرد انام والصبح بتريق مره حدة
باجر الصبح الميزان وسؤافيكمم بالخبار

لايعة جبدي .. اخاف حاااامل ؟


كان وزني 51 والحين



؟؟؟؟؟؟؟



غدا نلتقي

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ميزو .. أهليـــــن و سهلين و بوستين ع الخدين يالغلا شبلاج ترمسين شراتنا ليكوون عِدُوجِ الاهل .. لووووووول
----
زيون .. هلا والله بالقمر من ويــــــــن طالع << تتغزل حضرتها .. لوووووول
هيه والله أحلى شي عندي الطلعاااااااات خو بعدني صغيرة و ما شفت الدّنــــــــــي ، تدرون إني اماراتية بس ما لحقت أزور كل السبع امارات للحين !!
خاطري أسير بووظبي أبد ما سرت الها ، و اليوم برمّس ريلي يودّيني راس الخيمة يااااااا رب يوافق ، بس لمجرد حواااطة لا غير أنا حضرتي فاضية بس ريلي وحليله دوام و مو أي دوام ، عسكرية و ما ادراك ما العسكرية كله كَراااف
----
عنيّد .. تسلم هاليمين اللي خطّت التقرير واااااابويه يا زين زيناه والله .. لوووووول
سِلَمتي ع المعلومات الاِزْقِرْرْرْتْ (الحلوة)
----
الحمدلله بنات مبارك عليّ ردّت الرووح للجسد أخيراً بظهر أسوّي شي .. سجّلت في معهد الامارات للكمبيوتر ، باخذ شهادة الـ icdl ، الدوام مسائي ثلاث أيام في الاسبوع (السبت+ الثلاثاء+الاربعاء) ، و الرسوم شاملة الامتحانات للبرامج السبعة بـ 1500 درهم
لمدة شهر و نص إلى شهرين على حسب استيعاب الطالب و إذا نجح أو رسب ..
و بعدها ان شاء الله بقدّم على تراااي السواقة و بعدها على طول دوام ان الله راد و كان لنا عمر و عشنا يومنا و الغد << أحس اني مسوية دعاية حق المعهد .. لووووووول

 

[just-me]

صباح الورد ع الكل

شلونكم بنات

اليوم طلعت مبجر وايد من البيت وهم وصلت 7:32 ما ادري ايي بالليل انام اهني

اليوم رابع صيام و خامس قطع النشويات

شعزمتوا متى الميزان والا مبربسون ؟؟؟

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا هلا جسووت شلاخبار ؟
أنا بوزن يووم الاربعا الياي ، وزنت امس وزني زايد 66.5
ريجيمياً لحد الآن تمام كليت 4 تمرات + نص قلاص حليب قليل الدسم
يالله بروح آكل بعد 3 تمرات و نص قلاص حليب و أناااااااام

 

[عنيّد]

صباح الطش والرش


العفو بنات كلكن ، وحاضرين للطيبين :tek: اهم شي هالله هالله بالدعوات السنعه خو ماسوي هذا لعيونكم بس كل شي بحسابه :lololoe:



جسوت ،، صباح الخيرات ، وعادي ترى التاخير ، بس بالبدايه تهتمين وبعدين احلى طاف :dddds: وعلى فكره ترى عندج بالشهر ساعتين الا ربع تاخير للصبح مادري اذا تدرين عن هالشغله وموجوده بدوامكم اول لا
وتقبل الله صيامج ، انا انشالله بعد موجة العروس بصوم ديني
اما الميزان فانا مومعاكم لا تحسبوني ، دام الله هاديني عالرجيم فـ كلش كلش مابي اخرب نفسيتي بالارقام :bbbiu:


صبوحه ،، صباحج خير وبالعافيه الي اكلتيه ، مع ان موخوش هالاكل والنومه وراه :eh_s(20):


ميزو ،، اي هذا العبد دكتورنا ماتشوفينا مطيحين الميانه


زيون ،، اي احنا تعودنا عليه بالبدله :eh_s(6):
وتكفين قوليله ليش طافح جذي ، انا صراحه انصدمت بأأأول لقطه طلعت له بالتقرير الويه اشكبررره ، مسكين الظاهر الكام تافخته او يمكن من العضلات بس اشدخلها بالويه !
اخيرا .... بانتظار تقريرج اليوم :ggdw:



### تصحيح ،، ترى ابوه مهندس مو دكتور ، غلطه مطبعيه فوووق بالتقرير وطلبت من المشرفات يغيرونها وانشالله ينتبهون ^ـــ^

 

[بطة رشيقة]

صباح الخير .. ​

 

[عنيّد]

يه يه بطبط شهالحركه يعني تشويق ولا اثبات وجود بالبصمه :d

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم

اليوم اخر يوم من السته واول يوم من الايام البيض 13 و 14 و 15

شرايكم اكمل اصيام الى السبت

او اوقف

احس انى للحينى فى رمضان

وجسوت امس وزنت

وزنى بين 76.2 وبين 75.6

 

[بطة رشيقة]

شلووونكم بنات شخباركم عساكم بخير ..

امس لهيت ماكلمتكم اخر الدوام لان انا وانوج كنا قاعدين ونسولف ومستاانسين وربى يديدم علينا المحبه بالخير ان شالله

ويوم رديت حست شوى بالبيت ورحت الجمعيه وتفطرت مرق لحم وسلطه بعدين كلت كاكاو وباللليل كلت كرواسووون مع عصير انا لى الحين خارج نطاق الرجيم .. للاسف ما ادرى متى برد !!!!!!!!

ونومت كارز وقعدت احوس شوى بالغساله وبس نسيت موعد الدكتوور حسافه ..

بس ضحكتوووونى على سالفه انه متنااان .. ابيه الظاهر موجه الانفجار عند الكل والظاهر ان شهر 7 و8 و9 اهم فيهم شى اللى خلووونا كلنا حتى المثل الاعلى للتحدى والصبر العبد متنااان ...؟؟؟؟؟؟؟؟ يارب ان شالله ربى يردنا لدرب الرجيم ويعينا ويثبتنا يارب ..

تدروووون من متى وانا بخاطرى اروح اشرب قهوه واكل كيكه بكافيه واقعد جذى وانا مبسوووطه من متى بخاطرى هالحركه بس ما ادرى متى بتصير

الله كريم ربى يقدرنا اليوم صيام 2 ايام السته من شوال والحمدلله ما بقى شى وربى يتممهم على خير ..

مسكينه امى ما شفتها جم يوم احس انى فاقده شى والمفروض اليوم كنت اروح عندها العصر لان ريلى دوام بس اهو خذا اليوم مرضيه ..؟؟؟ عاد مالى الا باجر ...

الحمدلله كارز اموره بخير الله يهديه ويصلحه اللهم لك الحمد ...

منمن حبيبتى اسم الله عليج ليش ما تقرين على روحج ترى ساعات سبحان الله الانسان تحووووشه اشياء ما يعرفها او ما يعرف سببها ... شوووفى حبيبتى اقرى الرقيه الشريعه اكيد تعرفينها وفى طريقه مشالله وايد زينه انج تقرين الحمدله وتنفثين على روحج بس شلون يعنى جذى مثلا .. بسم الله الرحمن الرحيم .. الحمدلله رب العالمين وتنفثين بيدج وتمسحين على جسمج مالك يوم الدين تعيدين الحركه يعنى كل ايه تنفثين وتمسحين على روحج لما تخلصينها وتقرين منها كيفج تبين 3 او 5 او 7 المهم عدد فردى واقرى سوره البقره ونفثى بماى وشربيه وشربى عيالج ورششى بالبيت منه وفى شيخ يزاه الله خير علمنى شى والحمدلله وايد اسويه وان شالله يارب يتقبله منى ويحفظنى شوفى تحطين ماى مع شوى عطر بالبخاخ العادى مال البيت وترشين بكل زوايا البيت وتقولين هالدعاء ( بسم الله اناشدكم الله بالعهد الذى بينكم وبين سيدنا سليمان بان تخرجوا من بيتنا ولا تؤذووونا ولا تؤذواا احدا من اهلنا بسم الله ) هذا الدعاء وايد زبن يطرد الشياااطين من البيت وان شالله ماعليج الا العافيه .. وان شالله ربى يفرج همج ويشرح صدرج ..

( حشى حشى بطه بتاع كله شخشيه واخشااائيه وهم ملايه ) !!!!!!! لالالا استغفر الله بس والله قلبى معوورنى على منمن وحاااسه فيها ..

جسووت صباح الخير يا حبيبتى وعلى التاخير وى عادى افا عليج اخذى راحتج

زيووون عوافى العطله عوافى وعلى قصه البنت اى والله يا ما تحت السواهى دواااهى يعنى سوت الخطه شكبرها وحركات عشان تاخذ الريال اقول الحمدلله ان احنا مو جذى والحمدلله ربى ما عازانا حق حركات مثل هذه عشان ريال !!!! وعوافى الاكل وتمام ردت الرجيم

عنيد شكرا شكرا على التقرير الحلو يزاج الله خير وما قصرتى وان شالله تلتزمين اكثر واكثر وكل اللى اخترب يتصلح ان شالله ..

وعلى الميزان انا بعد مو معاكم لانى ما ابى اوزن لما امسك الدرب ..

صبوووحه عواافى روحه دبى والله يهنيج دوم يا حبيبتى

اثمان قوه

زجوول شلوونج عساج بخير

الخوات اليدد حياكم الله ويانا وان شالله تفيدون وتستفيدون ..

 

[بطة رشيقة]

لا عنيد انا كنت بسووولف جان يطب على مراجع جان اقول خل احط صباح الخير وتالى ارد خخخخخخخ

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد يعطيج العافيه


بطه الله يقويج

جسوت صباح الخير

بنات الحين بيسكر النت

السلام عليكم

 

[just-me]

هلا والله هلا بالقراية بطه >>> كلش مو لايق
شلونج بطه و ماشاء الله ربي يتمم على كارز

و الوالدة دقي عليها و هذري عليها و حاولي لو قبل لاتردين البيت ورا الدوام

ميخالف لو نتفه تطليت ترا لها اثر كبير

اثمان كملي حبيبتي ومنها اجر و منها صكة حلج و النهار ماشاء الله كل ماله و يقصر

و عبارة جنج مأخرة الغدا

عنيد يعطيج العافية الف مرة على التقرير بس ترا اتوقع مع اللنك حق ديوانيتنا كل يوم بيطلون علينا

3 او 4 ضيفات

 

[mn.mn]

صباااااااااااااااااااح الخير

شلونكم وشخباركم ؟

واي مو مصدقة رديت أطل عليكم صباحي

بعد عمري كلكم مشكورين وما قصرتوا وما عليه لوعت جبودكم بحنتي كل يوم والتالي قاثتكم

عنيد ميرسوووووووووو خوش تقرير تسلم الأيادي

امس وأنا اشوف البرنامج قلت يبيله نتيمع كلنا بدوانية صجية ونقعد نتابعه جماعي أشكالنا بتطلع فله لوووول