~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[Loving Stella]

مساء الخير شلووونكم
يا حلوين جسوت يا هلا و الله فيج اي انا اخليه شابك و ول مارد من الجامعه ارد اكتب و ساعات بريك اشبك من الموبايل و يارب الي مخربطين و منهم انا انه نزد نلتزم حسافه التعب و انا الحين الحمد الله حفت الانفلونزا بفضل الله و ان شاء الله امشي لو نص ساعه ٣ مرات بالاسبووع

 

[Loving Stella]

مساء الخير شلووونكم
يا حلوين جسوت يا هلا و الله فيج اي انا اخليه شابك و ول مارد من الجامعه ارد اكتب و ساعات بريك اشبك من الموبايل و يارب الي مخربطين و منهم انا انه نزد نلتزم حسافه التعب و انا الحين الحمد الله حفت الانفلونزا بفضل الله و ان شاء الله امشي لو نص ساعه 3 مرات بالاسبووع

 

[mn.mn]

مساااااااااااااااااء الخير

الحمد الله وضعي زوين في بوقات بس مو تخربط وبعد شوي بقوم أمشي وهذا اللي رافع معنوياتي

ونشوفكم باجر على خير بطل مبجر وبودي لابتوبي معاي

تصبحون على خير

 

[يـاسمينا]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم
شلونكم بنات انشالله الكل بخير ,
اول مشاركه بالموضوع لوول

امممم حبيت اسأل جم وحدا اهني تراجع بـ رجيمي عند دكتور احمد ليري ؟
خلونا نسوي تجمع عشان نعرف جم وحدا موجودا ونستفيد من بعض بالشغلات اللي تسير لنا !!

 

[بطة رشيقة]

قوووه بنات شلووونكم عساكم بخير ... حيا الله اللى طلو واللى ماطلووووووا

انا بخير اليوم صار شى كلش مو شى وهذذا اللى خلانى مو قاادره اسوى شى الا تونى اليوم رديت البي وخذيت كارز وامى عطتنا غدا مسيكينه ويت البيت تعباانه وبامان الله صعدت فوق والا الحبيب بو كارز قااافل الباب وحاط المفتاح بالباااب واى وعيزت اطق واطق واطق واطق لى مده ساعه وخست بالحر واى واى واى وكارز بعد عمرى تعب وتفصخ ومات من الحر يا بعد عمرى وقام يبجى ماكو ادق تلفون وجرس محد يرد واخر شى معنى راعى البيت ادق الباب ويانى فشله يقول شفيج ييا انا على الى مسكر عليج الاصنصير ..؟؟؟ والله فشلت .. وماكنت ابى اروح بيتنا لان عندهم عمال والبيت مكسر ما يسوى اروح حق طاخ وطيخ بس ما ردى رحت بيتنا وقعدت لى الساعه 6 وتالى رديت البيت طنقرت عليه شوى وتالى قلت اتعوذ من بليس يقول تعبان وماسمعت الجرس .... والهاتف ساايلنت واى واى ريااايل اخر زمن راحواا ريااايل الدرواازه ويو ريااايل العازه خخخخخ زيون مقوولتج ...

وماكليت شى من عقب الريوق لانه كان حافل وتونى تعشيت شوى حمص وبطاط وجز وخبز ودايت بيبسى ... شكو العشا بس هذا اللى كان فى متناول يدى .. اقصد كرشتى .. وباجر ان شالله بيكون شى يديد فى حياتى ونقله للافضل ..


يالله قود نايت خل اروح انام احسن لى عشان اشبع نوم ..

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مسا الخير

شلونكم ؟

انا اليوم على وجبتين بس .. ريوق و عشا .. و كلهم فري و لله الحمد .

باجر لااااابد من السوائل .. و يا رب اكون قد كلمتي وامسك روحي هالشهر .. ابي على الاقل 3-4 كيلو هالشهر .. و على العيد ابي 6 كيلو .. ربي سهل علي المشوار

شالاخبار ؟

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ردود ..

عنيد .. قواج الله على التغطيه الاعلاميه للمهرجان .. و ما قصرتي على النزول لرغبتي ..ل ووو ل
و استمري على الريجيم .. وان شاء الله في نتايج حلوه .. بس متى الاعلان عن الوزن ؟؟

جسوت .. انتي يعني على الللاتوب على قولتهم شاريه بالج .. مالج خلق الدندره .. بس ديري بالج عسى ما تطول قعدة اللاب توب بالورشه تالي يتصرفون فيه .. و تفلسين بسبة راي قوزو !
و ممكن تفهميني هالمعادله .. لان وقف مخي و انا اقراها

اذا الله سهل و قدرت بصوم 6 ايام لاني صمت 9 و شيلي منهن ال6 يبقى لي 3 و اصوم 6

عشان اكمل 9 .. الله كريم

من من .. بالعافيه ما كليتي .. و ان شاء الله كل مالها العزيمه تكون اقوي و ترد امجاد الديوانيه .

بطبط .. واااااي مو خوووش موقف اللي صار لج .. اصلا زين ما وقف قلبج على بالج في شي لا سمح الله .. صج الموقف جايد و النفسيه بالقاع .

تينا .. الله بالخير .. شلونج .. و شاخر اخبارج ؟

زاجل .. شلون الاوف بالبيت اليوم ؟.

اثمان .. عادي اثار البربسه .. مسكي عمرج 4-5 ايام و يتغير الرقم .

شمس .. بنت العم .. هلا بش .. شلولنش ؟
بالمبارك عرس الغالي و عسى ربي يوفقه و تشوفين عياله و عيال عياله اللهم امين .
و النزول ما شاء الله حلو .. حافظي عليه .

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ماكو احد ؟

 

[teenaa]

أنا هني زيون اتغلا لوووووول الحمدلله اليوم كان ماشي الحال كل شي تمام بنات خلونا نطلع علي يووووم ًًً؟

 

[just-me]

صباح الورد ياورود:eh_s(7):

 

[عنيّد]

صبـــــــاح الخيـــــــــر

شووووف الازرق ياااكويييت يلعب بالساحه ياااكويييت
اوووه اوووه اوووه اووووه اوووه يالازرررررق
تك تك
تك تك على تك توكه


يعني هالاغنية وحاطينها الصبح بالله الواحد ماغير يفصل !!

يحليلهم الناس مستانسين بس صراحه مادري شسالفه واستنتجت ان منتخبنا فايز عاليمن لا وبالبلنتيات بعد :eh_s(12):


ااااالمهم

جسوت ،، صبحج الله بالخير :icon30:

تينا ،، حيالله الغايبه ، اي الله مايطق بعصا ، ليش تقطعينا ، هذا انتي متنتي

زيون ،، انشالله مستمره :n2006107: وعلى الوزن سيتم الاعلان عنه في غضون ايام باذن الله



سؤال اليوم يقول << شخباري خخخ
بس لانه صج سؤال يقرقع براسي من امس بسبب بعض النقاشات الي دارت امس
السؤال يقول : اذا الزوج من النوع البيتوتي ، يعني اغلب وقته بالبيت ماعدا الدوام ، وطلعاته بعد الدوام ناااااااااادره ، اشلون تتعامل الزوجه مع هالوضع ؟ طبعا مع وجود يوم للزواره لبيت اهلها ويوم لبيت اهله ، وممكن يكون يوم ليمعة رفيجاتها هم ببيت اهلها
لكن باقي الايام ..... هل واجب على الزوحه انها تبقى بالبيت دام زوجها ماطلع ؟؟ :080402ask_prv:

 

[just-me]

صباح الفل عنيد

المباراة امس بين الكويت و ايران مو اليمن انا شفت القولين اللي قبل الاستراحة

و بالنسبة لسؤالج

انا من رايي تنثبر معاه بالبيت و بنفس الوقت تخصص لها يوم حق عمرها

ما احسها سنعه ان الوحده تطلع و تخور و تدور و الريل بالبيت

بس هم بعد مو من حقه يحركها .. الاعتدال احسن شي

وتحاول تاخذه معاها جمعية او كافيه و اذا مايحب اقول خل ينام وايد احسن

 

[عنيّد]

جسوت ،، اااهاااااااا ، عيل انا خبري عتيييييج
زيييييين الحمدلله زماااان عن الفوز والله
ايـــه وانا معاج ، ماشوفه سنع ان الريال بالبيت والمره تحوس ، حتى لو كانت متنقعه ببيت اهلها احسها موعدله اهو قاعد بروحه ! ليش متزوج عيل :cxxxp:


اي جسوت اشلون الوضع الرجيمي ؟

 

[بطة رشيقة]

صباح الخير ...

شلونكم بنات ..

ممكن تقبلووونى وياكم ..

انا بطه المنبطه ..

عمرى 26 ..

وزنى طوط طوط فووق فووق .. :eh_s(12):

طولى 150

متزوجه وعندى ولد اسمه سند ...

وصلت حاله من الانهياار الوزنى والانبطااطى وابى اسووى رجيم .. :eh_s(11):

رجيمى 1500 سعره مال التغذيه اللى بالمستووصف ...

ادعوولى بالثبات واقبلوونى وياكم .. :n2006107:

( ترى من صجها تبى تعيش انها يديده فى عالم الرجيم عشان تعيش الجو وتقدر تحقق نتيجه )



يارب ثبتنى يارب :yaaaaaarb:

اختى جست مى حياج الله والله يوفقج .. وان شالله نصير خوات واكثر ونستفيد من بعض

اختى عنيد يا هلا وغلا سمعت انج وصلتى الرقم اللى كنتى تحلمين فيه ووايد فرحتى بالرشااقه وان شالله تردين امجاد الماضى وبخصوووص سؤالج انا احس بعد غلط ان المره تطلع وريلها قاعد وصج الله يعينها اللى ريلها من النوع اللى ما يحب يطلع بس يعنى الوحده تكون بالنص مو هياته والريال حاط ايده على خده ولا تنحكر وياه يعنى مره تطلع وياه مره تزور وياه عند اهله والا اهلها مره يلعبون الياهال وهكذا وتمر الايام وربى يهدى الجميع ..

الاخت زينه مشالله يومج حافل وان شالله تلتزمين اكثر واكثر ..

( ترى مصدقه روحها البنت ) ---- ماعليه عطووها على قدها جود الله يهدى المعده وترد تصحى ويصير عندها ضمير :bbbiu:

انا تريقت صمونه هوت دوق مالت المطاااحن مع لبنه وزيتون وخيار وعصير فواكه مشكل والحمدلله على النعمه .. ​

 

[Loving Stella]

صباح الرشاقه يا حلوين
شلوووونكم؟ و شلون الميزان

 

[عنيّد]

بطبط ،، هاهاها والله عايشه الدور الاخت صدقتج
حياج الله معانا ، ورجاءً احنا ملتزمين اقوى شي فخلج معانا ملتزمه :icon30:


ستيلا ،، صباحج خير وسرور :blueSmCLR:


انا اليوم صايمه ، اول ماوصلت الدوام والا قلاص ماي بارد على مكتبي ، تكرمشت مشاعري :eh_s(16): بس تعوذت من ابليس وربي يتمم هالست ايام على خير ^ـــ^ واعيّد معاكم :yaaaaaarb:

 

[Loving Stella]

بطه ما عليه انسي التخربط و ابذي من يديد و عسى الله يثبتج و اذا احد اسألج مسويه رجيم قولي لا تخفيف و لا تقولين انج تراجعين عند اخصائيه تغذيه و الله يتمم عليج و يفرح قلبج الله آمين

عنيد تقبل الله صيامج حبيبتي لووول حراره الجو شوقتج عالماي البارد بس لا و تقب الله حبيبتي

 

[mn.mn]

صبااااااااااااااااح الورد على عيونك يا جميل

زيون وجسوت وعنيد وستيلا وتينا وبطة شلونكم وشخباركم ؟

زيون عليج بالعافية الفري وان شاء الله من اليوم ما نبي تخربط

جسوت بشري رديتي التزمتي ولا بعد ؟

تينا هلا والله ولهنا عليج وما عليه ان شاء الله تنزلين اللي زدتيه

ستيلا شلون وضعج الرجيمي والميزاني ؟

شمس بعد عمري مبروك زواج ولدج والله يفرحج بشوفة عياله

بطبط بعد عمري بداية قوية بعون الله وان شاء الله هالمرة نكون أقوى ونرد مثل قبل وأحسن

عنيد تقبل الله طاعتج وعلى السوعال أنا والله دام ريلي ريلي بالبيت ما اطلع إلا للضرورة يعني موجب ولا مناسبة فقط لا غير

خطتي بعون الله التزام قدر الامكان هالأسبوع ومشي يوميا خلال الاسبوع الحالي لاني فاضية بدون الريل من غير شر فحلو استغل الفرصة

وان شاء الله بعون الله ميزاني الخميس ويارب يارب اشوف رقم حلو لو 79 >>> آآآآآآه من عقب ال 74 صرنا نتشفق على ال79

 

[عنيّد]

منمن ،، هلا فيج والله ، اي عفيه ع الشاطره اهم شي الرياضه :eh_s(9):
وعلى قولتج انا من بعد الـ ٧٢ اتشفق عالــ ٧٩ يالله هذي بورصة الرجيم




اقول بنات ماعندكم رقم منتجع سيشل ؟ رقمهم متغير وموووومحصلته !!
ماشالله وانا احوس بالنت عنه ، شفت العروض لشركات النفط ، الشاليه من ٢٥٠ يسوونه ٩٥ صج عز ودلع :nocommint: وبالعافيه

 

[بطة رشيقة]

يا هلا خواتى مشكوووورين على الترحيب ويزاكم الله خير ..