][§¤°~^™ عضـــوة في ضيافـــــة قسم المناقشات الجادة..حياكم الله ™^~°¤§][

[Tom ♥ Jerry]

.

دريم ويب

هلا هلا بتوم وجيري من العضوات اللي يلفتون انتباهي صراحه

آهليييين ، منورة يا قلبي حيآج الله :***

بطاقتك الشخصيه؟

الاسم : توم آند جيري
العمر : 19
الـ مهنه : طآلبه
متزوجه و عندي بنوتة .،
آممم بس شنو تبين تعرفين بعد قوليلي و انا حآظره

من صقيقاتك هووون؟؟

و الله مو كثار .، انا آكثر شي مع ليلى المطوع + ساروو " نسيت نكهآ رآح تفلعني بآكبر مآ عندهآ "

شراايك فيني كعضووه ماااسيه خخخخخخخخخ>> سين اجباري
اكيد لي باك

مثل القــــــــــــــمر ؛$
حيآج و نآطره البآك (=

 

[Tom ♥ Jerry]

.،


نهى الأحمد

يا هلا وغلا بضيفتنا الغاليه توووم


منوره ياقلبي

الموضوع منـور بصآحبته :*

 

[نهى الأحمد]

سؤالي للغاليه تووم



شنو هدفج بالحياة ؟؟




ردة فعلج لو انسانه قريبه منج وأساءة الظن فيج

 

[Tom ♥ Jerry]

،

نهى الأحمد

سؤالي للغاليه تووم

تفضلي يا قلبي ؛*

شنو هدفج بالحياة ؟؟

هدفي اربي بنتي و عيالي على طاعه الله اولا .،
و اوصلهم اعلى المراتب ؛* و اشوف ايامهم كلها حلوة و اشوفهم مرتاحين
,، واشوفهم مميزين و باعلى المراكز ***

ردة فعلج لو انسانه قريبه منج وأساءة الظن فيج

آكيد راح احاول مره و مرتين و ثلاث افهمها الموضوع
و اذا ماكو فايده اخليها على راحتها
ما ردها الايام بتثبت لها الصح :*


حيآج الله حبيبتي (=

 

[Joy close]

تووووووووم انتي من البنات اللي احب ردودهم ويعلم الله وش كثر حبك بقلبي يختي اعزك واستانس على ردودك كذا من الله لله
يسعدك ربي ويخلي لك بنوتتك وزوجك يارب وتصيرين مثل فوزيه الدريع وازين بعد

والموضوع يهبل يعطيكم الف عافيه
​

 

[ام دليار]

توم وجيري
كيفك ياحلوة

حاب أسئلك أكثر موقف محرج بحياتك

وكيف تعرفتي على زوجك

شو أكتر طبخة بتحبيها

ومشكورة ياأمورة

 

[ذهـبـيـة ~]

واااي توم وجيري تهبلييين عسل والله

أحب اتابع ردودج

شنو الأسماء اللي تحبينها بنات وصبيان ؟

شنو برجج ؟

دولة ودج تسافرين لهـا ؟

شي تخافين تفقدينه ؟ و عساج ما تفقدين غالي

وبس

الله يخليلج زوجج و بنتج و يحفظكم من كل شر

و يحقق لج أمانيج ^_^

 

[حلوه ولمآحه]

هلآلآ توم اند جيري
شلوونج ،،

شنو نظرتج للخياانه ؟ وهل فيه مجال لتساامح في الموضوع ؟

منو العضوات الي تعجبج ردودهم بالمنتدى ؟

 

[G!RLooNa]

قوه يابنت

وقوه نهووي شلوونج منزمان عن هالموضووووع

واااي توم تدرين قبل عبالي انتي عالاقل فيج 24-25 ردودج اكبر من عمرج

همم يالله نبلش تحقيق ماراح اهدج

شنو خذت منج الامومه و شنو عطتج؟؟ ماتحسين انج توج صغيره على مسؤوليه ياهل؟؟
شلون قادره توفقين بين دراستج و بنتج و ريلج و انتي بهالعمر ؟؟ تشتغلين فالبيت يعني طباخ و تنظيف و غسيل و جذي ولا ماتعرفين ولا ماعندج وقت ؟؟
جم فرق العمر بينج وبين ريلج و انتي شنو تحبين يكونون من نفس العمر تقريبا و فرق صغير ولا احسن فرق العمر الكبير فوق ال5 سنين مثلا؟؟
ريلج يساعدج بشغل البيت و يجابل البيبي ولا كله عليج
ما تتحسفين انج تزوجتي صغيره؟؟ تحسين انج عايشه عمرج و لا الزواج و المسؤوليه كبروج و قيدوج؟
بالمستقبل تخلين شهوده تتزوج واهيا صغيره ولا ماراح ترضين عشان لا تشيل المسؤوليه صغيره مثل امها
ماشالله اشوفلج مواضيع بقسم المطبخ،، متى تعلمتي الطبخ و شلون تعلمتي و تعلمتي لانج تحبين ولا عشان هذا شي لازم كل بنت تتعلمه؟؟
<< اعاني من هالسالفه اكره الطبخ و ماحبه و مابي اتعلم
جم بيبي ناويه تييبين انشالله و شنو احسن برايج ان المره تييبهم ورا بعض ولا فرق جم سنه
جم اخو و اخت عندج و شنو ترتيبج بينهم
شنو اصعب شي بالحمل و الولاده؟؟ يعني بس سالفه الم و تعب ولا في اشياء بعد

همممم ترا ما خلصت لي باك انشالله *

 

[ليلو جبريت]

هلا هلا بتووووومووووو
ما يحتاي اقولج احبج لانج تدرين

نبداء بالاسئلة خل اطلع الي في خاطري


متى اول مرة قريتي كتاب وشنو كان اسمه ؟


اغنيه تبجيج ؟

لو قدرلج تعطين من سنوات عمرج لانسان من هو ؟


اي اكثر تحبين زوجج والله امج والله بنتج والله ابوووج ؟


بنوتج الله يحفظها على من طالعه حلووة <<< بنات لاتشوفونها تعقد وااااي فديتها بوسيها عني ؟
ماشاء الله لا اله الا الله .

اول طبخه طبختيها شنو كانت وجم عمرج طبخه سنعه لحم دياي سمج << بيض مانبي

اول تلفون شنو كان نوعه ؟

هديه غاليه عليج لي الحين محتفظه فيها ؟


موقف كل ماتذكرينه تضحكين ؟

الامومة شنو غيرت فيج ؟

اخبار دراستج وهل البيبي عطلج شوي ؟

حلم راح يتحقق لواقع بارادتج ؟

عضوة خاطرج تشوفينها ؟

عضوة خاطرج تكون رفيجتج ؟

من علمج على المنتدى ؟


اول طراق من الدنيا كلتيه من من ؟


والحين اعطيج مجال تجاوبين وراجعه لج


​

 

[Tom ♥ Jerry]

تووووووووم انتي من البنات اللي احب ردودهم ويعلم الله وش كثر حبك بقلبي يختي اعزك واستانس على ردودك كذا من الله لله

يسعدك ربي ويخلي لك بنوتتك وزوجك يارب وتصيرين مثل فوزيه الدريع وازين بعد​

والموضوع يهبل يعطيكم الف عافيه​

.،

يا بعد عمري و الله !
تسلمين يا قلبي و حيآج الله باي وقت
منــورة عسووله

:ggdw:

 

[Tom ♥ Jerry]

.،


آم دليار

توم وجيري
كيفك ياحلوة

بخير دامج بخيييييييييير

حاب أسئلك أكثر موقف محرج بحياتك

كنت بالمتوسط و توني بطلع من باب السكول .، و لا طربااااخ مآ آشوف نفسي الي بالقاع !
و الله فشله عاد زحمه و الناس كلها تطآلع الي يطلعون من الباب
و انا من الشطاره كنت اركض بعد ، بس اشوة ابوي كآن نآطرني ييه شالني

وكيف تعرفتي على زوجك

زوجي الله يسلمج يصير ولد عمي

شو أكتر طبخة بتحبيها

و الله وآيد صعب اختار " احب المجبوس ، البلاليط ، مقلوبه "مألوبه " دياي ، باستا ، آحب بعد الباشاميل

ومشكورة ياأمورة

العفووو حياتي منـورة يا الغاليه

 

[Tom ♥ Jerry]

,،


ذهبيه

واااي توم وجيري تهبلييين عسل والله

أحب اتابع ردودج

فدييييييييييييتج و فديت الي يتاعبوني و الله
يشرفني يا الغاليه حياج الله

شنو الأسماء اللي تحبينها بنات وصبيان ؟

الصبيان : فهد ، عزوز
البنات : هبه ، سارة ، شهد

شنو برجج ؟

العقرب

دولة ودج تسافرين لهـا ؟

اليابان

شي تخافين تفقدينه ؟ و عساج ما تفقدين غالي

بنتي آكيد لو تروح مني اروح وراها

وبس

الله يخليلج زوجج و بنتج و يحفظكم من كل شر

و يحقق لج أمانيج ^_^

تسلمين يا عسسسسل ؛**
و يخليلي هالطله الحلوة
حياج الله

(=

 

[Tom ♥ Jerry]

.،


حلوة و لمآحه

هلآلآ توم اند جيري
شلوونج ،،

هلا فييييج منـــورة يا الغاليه (=
فديت هيك طله !

شنو نظرتج للخياانه ؟ وهل فيه مجال لتساامح في الموضوع ؟

آممم خيانه عن خيانه تفرق .، منهآ خيانه الزوج لزوجته > و هاذي من اصعب الخيانات
و في خيانه الـ رفيجآت .، و خيانه الآهل و هم صعبين على الشخص
الخيانه شي صعب أنج تتسامحين فيه !
آكثر صفه آكرههآ بالشخص الخيانه وآيد مو حلوة و تشوهه صورة الشخص

منو العضوات الي تعجبج ردودهم بالمنتدى ؟

فوفو22
اشتياق
anl
آممم مآدري و الله وآيد آخاف انسى آحد

حيآج الله حبيبتي (=

 

[aṕriliå]

حياا الله الضيفة

تصدقين عبالي عمرج فوق الـ 25

حاليآ ماعنديش اسئلة

 

[Tom ♥ Jerry]

.،


قيرلونا p

قوه يابنت

وقوه نهووي شلوونج منزمان عن هالموضووووع

واااي توم تدرين قبل عبالي انتي عالاقل فيج 24-25 ردودج اكبر من عمرج

همم يالله نبلش تحقيق ماراح اهدج

هههههههههه .، و الله اغلب البنات الي بالمنتدى على بالهم انا بالعشرينآت !
ترا توني بيبي ؛$ عمري 19 لوول ! حيآج حبيبتي

شنو خذت منج الامومه و شنو عطتج؟؟ ماتحسين انج توج صغيره على مسؤوليه ياهل؟؟

لا بالعكس .، اليهال انا كنت متعوده عليهم اساسا ماشالله في بيت ابوي
عندي 1 صغير عمره 3 سنين .، و في آكبر منه بنتين تقريبا انا الي مربيتهم (=
الأمومه خذت مني وقتي كلا ., و القليل من التعب و السهر
بس بالمقابل عطتني شهوده .، الي صج صج صج نستني الدنيا و مآ فيها
قامت تخفف عني الام الحياه > شلون تخفف عنج الام الحياه و اهيه ليلحين بالمهاد
لا قصدي على قولت فهد الكبيسي " شوفته للعين قره " هاذي الاغنيه عن بنتي ترا

شلون قادره توفقين بين دراستج و بنتج و ريلج و انتي بهالعمر ؟؟ تشتغلين فالبيت يعني طباخ و تنظيف و غسيل و جذي ولا ماتعرفين ولا ماعندج وقت ؟؟

اشتغل بالبيت اكيد ، بس الطبخ مو علي صراحه
انا ساكنه مع حمولتي و كل يوم الغدآ عليهم بيان رسمي
العشا مرات اذا سوو نروح نتيمع كلنآ فوق و نتعشا
و اذا مآ سوو مره مطعم مرات اطبخ (= .،
انا حآليا موقفه قيدي الدراسي آن شاء الله ارد ع السنه اليايه شهر 9 !
تكون شهوده حليييوة .، و دراستي الحمد لله مو صعبه كلش
آدرس في معهد الاتصالات و الملاحه و تخصصي يعتبر آسهل تخصص بالمعهد
" تخصص كمبيوتر " !

جم فرق العمر بينج وبين ريلج و انتي شنو تحبين يكونون من نفس العمر تقريبا و فرق صغير ولا احسن فرق العمر الكبير فوق ال5 سنين مثلا؟؟

انا عمري 19 و ريلي 23 الحين
يعني فرق 4 سنين تقريبا (=
اشجع انه يكون الفرق بسيط يعني اقل من 5 سنين
مو وآيد عشان مآ يكون هاذا من جيل و هاذي من جيل و يتهاوشون 24 ساعه
و مآ آحب انه الوحده تاخذ الريال الي يكون اصغر منهآ (=
حلات الريال يكون آكبر من المره

ريلج يساعدج بشغل البيت و يجابل البيبي ولا كله عليج

كلا علي ريلي يمسكها عشر دقايق بعدين يقطها علي مآ يعرف لها و يمل بسرعه ّ
و بالنسبه لـ شغل البيت : قبل يوم كنت حآمل كآن يساعدني
بس الحين لأ

ما تتحسفين انج تزوجتي صغيره؟؟ تحسين انج عايشه عمرج و لا الزواج و المسؤوليه كبروج و قيدوج؟

آكيد مسؤوليه ، الزوآج مسؤوليه كبيره و برايي مسؤوليه المره آكبر من مسؤوليه الريال !
الريال وين الفلوس ؟ المفروض يدفع و بس
بس المره عليها كل شي شغل بيت ، طبخ ، عيال ، دراسه العيال ، شغلها .... آلخ !
بس مسؤوليه حلوة تخلين تحسين انج مهمه بالمجتمع

بالمستقبل تخلين شهوده تتزوج واهيا صغيره ولا ماراح ترضين عشان لا تشيل المسؤوليه صغيره مثل امها

اذا خلصت دراستهآ الثانوية على الاقل و يالها ريال زين و مآ يتطوف مثل ابوها > احم احم ؛$
و اهيه قادره انهآ توفق بين دراستهآ و حياتهآ الشخصيه و اهيه موافقه على الزوآج
آكيد رآح آوآفق (= انا دايما اقول انه مكآن المره في بيت ريلها مو بيت ابوها

ماشالله اشوفلج مواضيع بقسم المطبخ،، متى تعلمتي الطبخ و شلون تعلمتي و تعلمتي لانج تحبين ولا عشان هذا شي لازم كل بنت تتعلمه؟؟
<< اعاني من هالسالفه اكره الطبخ و ماحبه و مابي اتعلم

انا عادي ويه الطبخ ! يعني مآ آشوف نفسي محترفه كلش
و بيني و بينج الـ مواضيع الي آحطهآ بالمنتدى بقسم المطبخ كلها منقوله
انا في بيت ابوي كنت اسوي اشياء خفيفه بس !
بس الحين قمت اطبخ برمضان بس و مرات بالايام العاديه مثل مآ قلت
ادخل المنتدى و اشوفلي طبخه حلوة و سهله (= مآ آخذ الشي الصعب
لآني اعتبر نفسي مبتدئه و ليس فنانه بالمطبخ ؛***

جم بيبي ناويه تييبين انشالله و شنو احسن برايج ان المره تييبهم ورا بعض ولا فرق جم سنه

آكيد فرق جم سنه ! عشان كل بيبي ياخذ حقه بالحب و الحنان و التربيه
اصلا رآح تتأذى المره اذا يابت كلا فوقه فوقه (=
و انا ناوية اييب 2 أو 3 و بس ! لاني اساسا من قبل لمآ كنت في بيت ابوي كنت مآ آحب اليهال
صج اني مربيه خوآتي و آخوآني الـ 3 بس مآ كنت احب اليهال
كنت اكرهه الياهل الي يتدلع و يصرخ .، مرات لمآ آشوفه يصرخ بمكآن عآم ودي اذبحه ! ؛@
عكس اختي ماشالله عليها تحب اليهال و تموت عليهم ! بس طبعا عيالج غير آكيد رآح تحبينهم و تدلعينهم
آن شاء الله لمآ شهوده يصير عمرها سنتين أو 3 سنين على الاقل
و آكون مخلصه دراستي (= بعدين افكر اييب بيبي ثاني
اليهال لووووووويه ! بعض الناس مآ يعرفون هالشي (= ، و انا صراحه مابي اظلم عيالي
ابي اوصلهم مراكز حلوة و عاليه بالديره فـ مآبي اييب وآيد
عشان مآ آتعب وياهم و اعتبهم معاي عرفتي ؛***

جم اخو و اخت عندج و شنو ترتيبج بينهم

اخواني 3
خواتي 4
انا نمبر 2 في العايله الكريمه !
آكبر وحده من البنات ، و عندي آخو وآحد بس آكبر مني بسنه

شنو اصعب شي بالحمل و الولاده؟؟ يعني بس سالفه الم و تعب ولا في اشياء بعد

النفسيه زيييييييييييرو ! مو اقولج انا حملت مرتين ، مره مآت البيبي في بطني الله مآ كتب اييب بيبي
و المره الثانيه يت شهوده (= تخيلي بالمرتين الي حملت فيهم اروح بيت ابوي
و ابجي و اقولهم ابي اتطلق ! :/ يعني نفاسي صار على ريلي
قمت مآ آحبه و لا اشتهي يقرب صوبي .، و ناهيج عن التعب و الم الولاده :*
مع الحين تكنلوجيا كل شي تطور ، بالولاده الأولى في بنتي الي مآتت عانيت وآيد ّ!
حطولي طلق صناعي و الله لا يراويج العوار ! يبوووووووي يذبح يذبح !
بس في شهوده طقوني ابره ظهر ./، انفتحت 10 و مآ حسيت
الحمد لله راحه بس لمآ يبي يطلع البيبي يخففون البنج شوي عشان تدفعين
يعني العوار كلا ربع ساعه و انتهى الآمر ، مو مثل بالمره الآولى ؟! تخيلي قاعده آطلق 26 ساعه يالله ولدت يعني آكثر من يوم!

همممم ترا ما خلصت لي باك انشالله *

نآآآآآآطرين الباك فديتج و فديت اسئلتج و الله :***

 

[ترانيم القصيم]

بسم الله الرحمن الرحيم

السلااااااااااااااااااااااااااااااااااااام عليكم و رحمة الله و بركاته

أهلاً يا هلا بتوم و جيري ,

عذرًا بنااات ما مداني أتواجد بدري و انشغلت كثير و مدري من آللي استضافوهـ , صدفة شفت توم و جيري قلت أدخل ,,

هلا و غلا بك توم و جيري وشلووونتس يا عسل عساااتس طيبة ,,

الله يحفظك يا رب و يسلمك و يطول بعمرك , ما عندي أي أسئلة , بس حبيت أسلم عليتس ^_^

احترامي و تقديري

ترانيم القصيم

 

[Tom ♥ Jerry]

،


ليلى

هلا هلا بتووووومووووو

ما يحتاي اقولج احبج لانج تدرين

نبداء بالاسئلة خل اطلع الي في خاطري

فديتج و الله و امووووووت عليج عشر مرات آحبج

متى اول مرة قريتي كتاب وشنو كان اسمه ؟

اول كتاب قريته " كتاب لا تحزن " كأن هديه من أمي و اهوه الي حببني بالقراءه (=
تقريبا من 3 سنين !

اغنيه تبجيج ؟

اذا نآوي تروح " عبدالله السالم > الفنان الي مآ آستغنى عنه "

لو قدرلج تعطين من سنوات عمرج لانسان من هو ؟

ابوووي و بنتي ؛$

اي اكثر تحبين زوجج والله امج والله بنتج والله ابوووج ؟

ابووووووووووي >
و شهوووده آكيد !
مآدري صعب اختار بينهم بعدين اييون الباجي !

بنوتج الله يحفظها على من طالعه حلووة <<< بنات لاتشوفونها تعقد وااااي فديتها بوسيها عني ؟

ماشاء الله لا اله الا الله .

بعد عمري عيونج الحلوة !
آن شاء الله توصل البوسه

اول طبخه طبختيها شنو كانت وجم عمرج طبخه سنعه لحم دياي سمج << بيض مانبي

آمممم سويت بلاليط انا و اخوي كآنت آمي مسافره
و احنا نستغل الفرصه و نروح نلعب بالمطبخ لعب (=
كآن عمري 11 سنه و اخوي 12 !
هههه صج كآنت ايام حلوة

اول تلفون شنو كان نوعه ؟

سوني اريكسون

هديه غاليه عليج لي الحين محتفظه فيها ؟

هدايا بنات الثانوية ! ؛$ فديتهم

موقف كل ماتذكرينه تضحكين ؟

آممم وآيد مواقف بس الي حآظرني الحين
مره انا و آختي قاعدين نتمسى بالافنيوز و لا نشوف وآحد قاعد يهز ريوله
بشكل يلفت الآنتباه انا و آختي مرينا يمه جآن نطآلع ريوله
جآن يقولنا ترا الـ شووز من زارا ها ؟ :/
كااااااك شنو أول مره تشتري من زارا حمد لله و الشكر
و وآيد مواقف بعد

الامومة شنو غيرت فيج ؟

غيرت وآيد اشياء ، غيرت معنى المسؤوليه بالنسبه لي ،ـ قبل لا اييب شهوده
كنت احس بالمسؤوليه بس مو بهالدرجه !
الحين صارت المسؤوليه آكبر

اخبار دراستج وهل البيبي عطلج شوي ؟

خلصت سنه و بقالي سنه و نص و آتخرج بس حاليا موقفه قيدي عشان الولاده رآح آرد آدآوم شهر 9 مع بدايه الدوامات .،

حلم راح يتحقق لواقع بارادتج ؟

آممم و الله مآ عندي حلم رآح يتحقق كلهم مآ رآح يتحققون

عضوة خاطرج تشوفينها ؟

آنتي

عضوة خاطرج تكون رفيجتج ؟

آممم و الله كلهم

من علمج على المنتدى ؟

الله يسلمج انا قبل كنت مشتركه بمنتدى ثاني !
بس كنت كل مآ آكتب شي بقوقل " بحث " يطلعلي رابط هالمنتدى
قلت ماشالله شنو هالمنتدى العجيب القريب ! كل شي فيه
و اشتركت فيه (= ،/ بعدين اكتشفت أنه مشهور عالميا بعد لوول !
كل عايلتنآ يتحجون فيه ! ماشالله

اول طراق من الدنيا كلتيه من من ؟

من رفيجتي للآسف

والحين اعطيج مجال تجاوبين وراجعه لج

حيآج الله باي وقت ؛$

 

[Tom ♥ Jerry]

،


رواسي الآمآل

حياا الله الضيفة

تصدقين عبالي عمرج فوق الـ 25

حاليآ ماعنديش اسئلة

الله يحييج يا الذوووق (=
لووول نفس الباجي على بالهم عمري بالعشرينآت :*

فديتج حياج الله

 

[Tom ♥ Jerry]

،


ترانيم القصيم

بسم الله الرحمن الرحيم

السلااااااااااااااااااااااااااااااااااااام عليكم و رحمة الله و بركاته

أهلاً يا هلا بتوم و جيري ,

عذرًا بنااات ما مداني أتواجد بدري و انشغلت كثير و مدري من آللي استضافوهـ , صدفة شفت توم و جيري قلت أدخل ,,

هلا و غلا بك توم و جيري وشلووونتس يا عسل عساااتس طيبة ,,

الله يحفظك يا رب و يسلمك و يطول بعمرك , ما عندي أي أسئلة , بس حبيت أسلم عليتس ^_^

احترامي و تقديري

ترانيم القصيم

و عليكم السلام و رحمه الله و بركآته
اشهد أنه تبارك الموضوع بـ هالطله الحلوة

فديتج و الله و فديت هيك طله
الله لا يحرمنآ منج و لا من طلاتج العسسسسل مثلج (=
حيآج الله باي وقت يا الغاليه
شرفتي ؛***