¨°o.O (شنو سبب تولد الحقد والكره في قلوب البشر؟؟) O.o°¨

[نهى الأحمد]

السلام عليكم

شخباركم حبيباتي


عساكم بخير


مشتاقه لكم واايد ومشتاقه للكتابة في قسم المناقشات



عزيزاتي

حابه نتناقش في موضوع منتشر بأيامنا هذي

موضوعي يتكلم عن الحقد والكره

ترا الدنيا ما تغيرت

اللي تغير اهو قلوب الناس


واذا الحقد والكره ملأ قلوبهم يصيرون مثل اللي مايشوفون شي
غير انه ودهم يقضون علينا بأي شكل من الاشكال

لكن أكيد في سبب يجعل الناس تحقد وتكره
لكن مو لدرجة التسبب بالأذى لغيرهم

اقول لهذي الفئة من الناس:

ترا الدنيا دواره..كما تدين تدان
اي قول او فعل تراه محسوب عليكم ليوم الدين


قال الرسول صلى الله عليه وسلم:( لا يؤمن احدكم حتى يحب لأخيه ما يحبه لنفسه)


ليش مانحب الخير لبعض ونساند بعض وقت الضيق
ليش ما نغذي قلوبنا بالمحبة ونعودها على الطهارة
كل ثانية تمر تنقص من عمرنا ومارح ترجع



رأيكم حبيباتي



شنو سبب تولد الحقد والكره في قلوب البشر؟؟

هل اهو الغيرة ؟؟

وشلون تتعاملين وياهم؟؟




ناطره تفاعلكم وآراؤكم

 

[AooDoo]

شنو سبب تولد الحقد والكره في قلوب البشر؟؟
كل واحد وطبيعة شخصيته
هل اهو الغيرة ؟؟
يمكن تكووون غيرة ويمكن تكووون من تربيت الاهل
وشلون تتعاملين وياهم؟؟

احاووول اتحاشى الشخص اللي فيه هالصفااات

 

[نهى الأحمد]

شنو سبب تولد الحقد والكره في قلوب البشر؟؟
كل واحد وطبيعة شخصيته
هل اهو الغيرة ؟؟
يمكن تكووون غيرة ويمكن تكووون من تربيت الاهل
وشلون تتعاملين وياهم؟؟

احاووول اتحاشى الشخص اللي فيه هالصفااات

هلا ياقلبي

نورتي


احسن شي تسوينه انج تتحاشين الشخص اللي فيه هذي الصفات

 

[**وقفة فرس**]

موضوع مميز كما العادة...
للأسف يانهى إن فعلا الدنيا مليانة من هالأشكال اللي الحقد والكره معمي بصرها وبصيرتها وعلى فكره فيهم صفة مشتركة النفاااااااق تلقينهم جدامج بوجه ومن وراج وجه ثاني...والسبب واحد ماكو غيره(الغييييييرة) يعني عدم قناعة الشخص باللي عنده تلقينه في حالة مقارنة مستمرة ودائمة بين نفسه و الآخرين..ليش فلان عنده وآنا لأ؟ليش فلان سوا وآنا لأ؟ليش فلان حظه يكسر الصخر وآنا لأ؟وهذا يرجع لضعف الإيمان والرضا بقسمة الله...
وآنا من ناحيتي أحاول أتحاشى الإحتكاك بهالنوعية من البشر..وإذا كان لابد من التعامل معاهم يكون بحدود وبشكل رسمي وإن تعرضت لمضايقات منهم فهو الحقراااااااان...
وسلامتج

 

[Tulips]

الحقد والكره يصيرون من شيئين بنظري

اولا ممكن الانسان اللي يحس بنقص ودايما يطالع اللي عند الناس وما يطالع اللي عنده وماعنده قناعه هذا اكيد بيحقد على الناس

او يمكن الانسان بحس بكره وحقد اتجاه شخص معين لانه اهانه وسبب تعاسته

 

[zqertya]

انا يراييي سبب هالشي الحسد والنقص يعني سبحان اله دايمن يكون بيني ادم طماع ويبي اللي عند غيره طبعا قله من الناس اللي موجذي وانا اقووول ان التعامل مع هالفئه يكون بالحقرااااااان واللامبالات

 

[تنـــاســـانــي]

مرض نفسي و مايخافون من الله

الله لا يبلانى

 

[سرى اليل]

سببة ضعف الوازع الدينى والمنافقين والمنافقات تشوفينهم بينا بس هم اشد كرهنا للاخية المسلم الى قلبة نظيف يعنى مثل اثنين اخوة من رحم واحد بس تلقين واحد مؤمن والثانى منافق تلقينة يحسد اخوة ولد امه وابوة انا اقولج من تجربة لو كل واحد عندة ايمان صادق ماحسد اخية تحياتى لك وللموضوعك المميز

 

[رحيق الحياة]

صحيح السبب الاول ضعف الوازع الديني, و الحقد والغيرة من الأساس هي من صفاة الشيطان ولي يدل على ذالك قصة لما الله سبحانه خلق ابونا اَدم , والاسف انا اشوفه منتشر فلانه عندها وعندها ليش انا ماعندي فلانه سافرة وانا ماسافرة.....إلخ.

الحل هو الرضي بما قسم الله لنا, والقناعة كنز لايفنى


و مشكووووووووووووووووووورة على الطرح الجميل يا جميلة

 

[نهى الأحمد]

موضوع مميز كما العادة...
للأسف يانهى إن فعلا الدنيا مليانة من هالأشكال اللي الحقد والكره معمي بصرها وبصيرتها وعلى فكره فيهم صفة مشتركة النفاااااااق تلقينهم جدامج بوجه ومن وراج وجه ثاني...والسبب واحد ماكو غيره(الغييييييرة) يعني عدم قناعة الشخص باللي عنده تلقينه في حالة مقارنة مستمرة ودائمة بين نفسه و الآخرين..ليش فلان عنده وآنا لأ؟ليش فلان سوا وآنا لأ؟ليش فلان حظه يكسر الصخر وآنا لأ؟وهذا يرجع لضعف الإيمان والرضا بقسمة الله...
وآنا من ناحيتي أحاول أتحاشى الإحتكاك بهالنوعية من البشر..وإذا كان لابد من التعامل معاهم يكون بحدود وبشكل رسمي وإن تعرضت لمضايقات منهم فهو الحقراااااااان...
وسلامتج

تسلمين ياقلبي للمشاركه العطره

والله يكفينا ويكفيكم شر كل حاقد ويبعدهم عنا

واحسن حل اهو الحقران مثل ماقلتي

 

[غير كل الناس]

السبب هو الغيره

والحل هو اقطع علاقتك وارتاح

 

[نهى الأحمد]

الحقد والكره يصيرون من شيئين بنظري

اولا ممكن الانسان اللي يحس بنقص ودايما يطالع اللي عند الناس وما يطالع اللي عنده وماعنده قناعه هذا اكيد بيحقد على الناس

او يمكن الانسان بحس بكره وحقد اتجاه شخص معين لانه اهانه وسبب تعاسته

عدل كلامج ياقلبي

النقص وعدم القناعه اهم من اهم الاسباب اللي تؤدي الى الحقد


نورتيني ياقلبي

 

[brettey]

رد : ¨° (شنو سبب تولد الحقد والكره في قلوب البشر؟؟) °¨

لان محد يحب الخير للغير بني ادم طماع يبي كل شي له حتى لوعنده كل النعم يستكثر النعمه على غيره
الحسد والحقد والعين انتشروا بكثره

 

[Flower20]

رد : ¨° (شنو سبب تولد الحقد والكره في قلوب البشر؟؟) °¨

شنو سبب تولد الحقد والكره في قلوب البشر؟؟

هل اهو الغيرة ؟؟
1-امتلاء القلب بالسواد من كثرة الذنوب
كل بني ادم عنده نقطة سوده بقلبه وتزيد مع الذنوب
مو ملاحظين زادت الذنوب وزادت معها الاحقاد والكره؟

2-الغيرة واللي يكون سببها الشعور بالنقص وعدم الثقة بالنفس خاصة عند الحريم ههههههه
3- تربية الاهل الي نفسهم تكون فيهم هالصفات من حقد وكره وعدم تمني الخير للناس ويطلعونها جدام عيالهم
4- الطمع وعدم القناعة والي يبون الخير لنفسهم وبسسسسسسسس ويتضايقون ويموتون قهر اذا شافوا احد صار احسن منهم او الله عطاه
فيحقدون عليه وبنفس الوقت يحقدون على نفسهم




وشلون تتعاملين وياهم؟؟
اطنش وجني ما اسمع ولا اشوف خاصة الحريم اضحك على عقلياتهم لما اشوفهم منقهرين خخخخخخ وبقلبي اقول الله يهديهم


خوووش موضوع تسلمين يا قلبي
انا من زمان افكر بهالموضوع وليش الناس جذي

 

[الحبوبه الطيوبه]

دائما متميزه بالمواضيع

شنو سبب تولد الحقد والكره في قلوب البشر؟؟
هل اهو الغيرة ؟؟
من كثر الحسد والنقص اللي كانوا يعيشونه تجيج تبي تعوض النقص اللي فيها وتحاول قد ماتقدر توصل لمستواج
وشلون تتعاملين وياهم؟؟
اعطيهم اكبر طاف واعملهم بحدود ولا احسب لهم احساب بختصار اخليهم علي الهامش
ومثل ماقلتي تري الدنيا دواره وكما تدين تدان
ومشكوووره علي الموضوع المميز

 

[*بسبوسه*]

ضعف الوازع الديني اكييييييييد اهوا السبب الاول لان لو كل انسان مشى عالسنه عمره ماراح يحسد او يحقد عالناس..وراح يبارك لهم حظهم السعيد
واتوقع بعد من الاسباب فقدان الانسان للسعاده بحياته فراح يشوف اللي حوله متمتعين يا بضنى او زوج او مال او سفر او شهاده ويبدي يتمنى اللي عند غيره ويدب الحسد بقلبه والحقد

 

[فزهةّ خٌفوق]

وعليكم السلام وآلــرحمه .,

:

أأعتقد اولاً .. ضعف الايمآأإن ..., لو إنه الانسسآن مؤمن بأللي كتب له .,
ربــه مآأ رآأإح يشوف إلنآإأس ..,ويطمـع بألي عندهمـ ., مع إنه الله رآأإزقـه ..
يمكن بأشيآء أأفضل منه إلنآأإس الثآأنيــه ., بس نفــس الانسآأن دآأيماً طمآأع ــه ,’

:

ثآأنيــآأ . أأعتقد عدم الثقه بألنــفس ., ..


:

يعطيج العآأإفــيه .,

 

[ملاك الغيد]

اخ وانا اختج ماكوسببها غير الغيره وعدم الرضا الانسان باللي عنده

الغيره تولد الحسد والحسد يولد الحقد

الله يهديهم ويكفينا شرهم ويطهر قلوبنا يارب

 

[ميونة الحلوة]

سبب الحقد و الكره اللهم يعافيهم و لا يبلانا يا رب

اول شي لانهم ما يرضون بقسمة ربهم و لا يحمدون و لا يشكرون

ثاني شي الغيرة مع ان كل انسان فيه غيره لكن هل الشخص يقدر يتحكم فيها يعني يذكر الله مثلا كل ما شاف شي عجبه يدعي للشخص الله يوفقه الله يعطيك خيره و يكفيك شره من هالكلام و الادعية او لا ما يقدر يتحكم فيها فيحسد و لا يذكر الله

ثالث شي ماعنده قناعه بالي عنده و لا قناعة بحياته و القناعه كنز لا يفنى

و في مثل انا مو حافطته بس يقول فيما معناه من راقب الناس مات هلاكاً

و الحل معاهم ان نتحاشاهم و ندعيلهم بالهداية

 

[نهى الأحمد]

مشكورين حبيباتي للمشاركة


وعدل كلامكم

الغيره وعدم القناعه من اهم اسباب الحقد والكراهية


الله يكافينا شرهم