¨°o.O (شنو سبب تولد الحقد والكره في قلوب البشر؟؟) O.o°¨

[iron women]

تصدقين يا اخت نهى كنت اعتقد ان اسباب الكره والحقد اهيا نفس الاسباب اللي تفضلو فيها الخوات

بس اللي قاعده اشوفه ان بعض الناس متوفرة عندهم اسباب النجاح بالحياة ومتوفرة لهم كل اسباب السعادة

وموناقصهم شي بل العكس اهم اللي احسن من غيرهم ومع هاذا تلقين قلبهم متروس حسد وحقد على الاخرين حتى لو كان الشخص هاذا اقل منهم باشياء وايد هم يكرهون ايشوفونه سعيد او ناجح لو بشغلة بسيطة

للحين ماني عارفة ليش

 

[أم حيدر]

قوة نهى

حبوبة انا برايي انتي تناولتي شق من موضوع الحقد والكره وفي شق ثاني انا اقولج شنو هو

احيانا الحقد والكره يتولد بسبب الظلم والقهر والشديد مو بالضرورة بسبب الغيرة

وهذا عاصرته مع ناس أعرفهم... في ناس الظلم اللي وقع عليهم يخلق منهم ناس مؤمنين صبويرين قراب من الله وشخصياتهم قوية

وفي ناس هذا الظلم + ضعف الوازع الديني يخلق منهم انسان مريض نفسي ، أحيانا ألومهم وأحيانا لأ

لأنهم انظلموا فعلا بغير وجه حق

، مثال ( اعتداء جنسي ، حبس ظلم ، زواج بالغصب ، طلاق ، حرمان من حضانة الأبناء ، حرمان من الحقوق المدنية ، ............. الخ ) ، شنو بتتوقعين بيكون نتاج مثل هالأمور ؟

اذا هالشخص اللي فيه حقد كان بسبب أحد الأسباب اللي ذكرته او شي مشابه لها ، بالعكس بوقف يمه واحسسه ان الدنيا مازالت بخير

اما اذا كان الحقد اللي فيه بسبب حب الأنا والحسد أحاول أسحبه لطريق رب العالمين ، واذا وصلت لطريق مسدود معاه فالابتعاد أفضل.

والاختلاف بالرأي لا يفسد للود قضية

وأشكرج على مواضيعج الهادفه

 

[اميره1980]

سبب الحقد اهوه الحرمان و الحسد
اللي محروم من شغلة يحقد على اللي عنده بس المفروض يتمنى لنفسه الخير بس ما احقد

 

[نهى الأحمد]

قوة نهى

حبوبة انا برايي انتي تناولتي شق من موضوع الحقد والكره وفي شق ثاني انا اقولج شنو هو

احيانا الحقد والكره يتولد بسبب الظلم والقهر والشديد مو بالضرورة بسبب الغيرة

وهذا عاصرته مع ناس أعرفهم... في ناس الظلم اللي وقع عليهم يخلق منهم ناس مؤمنين صبويرين قراب من الله وشخصياتهم قوية

وفي ناس هذا الظلم + ضعف الوازع الديني يخلق منهم انسان مريض نفسي ، أحيانا ألومهم وأحيانا لأ

لأنهم انظلموا فعلا بغير وجه حق

، مثال ( اعتداء جنسي ، حبس ظلم ، زواج بالغصب ، طلاق ، حرمان من حضانة الأبناء ، حرمان من الحقوق المدنية ، ............. الخ ) ، شنو بتتوقعين بيكون نتاج مثل هالأمور ؟

اذا هالشخص اللي فيه حقد كان بسبب أحد الأسباب اللي ذكرته او شي مشابه لها ، بالعكس بوقف يمه واحسسه ان الدنيا مازالت بخير

اما اذا كان الحقد اللي فيه بسبب حب الأنا والحسد أحاول أسحبه لطريق رب العالمين ، واذا وصلت لطريق مسدود معاه فالابتعاد أفضل.

والاختلاف بالرأي لا يفسد للود قضية

وأشكرج على مواضيعج الهادفه

هلا ياقلبي

الله يقويج

والعفو يا الغاليه وشاكره لج على الرد الرائع
وصاجه بكل كلمة قلتيها

 

[نهى الأحمد]

مرض نفسي و مايخافون من الله

الله لا يبلانى

نورتي الموضوع ياقلبي

 

[7oorq8]

أعتقد الشاحة،،

الناس ما يملى عينها الا التراب،،

استغفر الله البلاوي زايدة والحسد زايد،،

اللهم اكفينا من واسع فضلك،،

 

[نهى الأحمد]

مشكورين حبيباتي للمشاركه العطره


لي عوده مع ردودكم

 

[قلبي ابيض]

انا اشوف ان الحسد والغيرة

والانانية اهم سبب >> واهو اول سبب للقتل بهالدنيا

 

[نهى الأحمد]

انا اشوف ان الحسد والغيرة

والانانية اهم سبب >> واهو اول سبب للقتل بهالدنيا

هلا ياقلبي

صدقتي ياقلبي


الانانية سبب من اسباب الحقد والكره

 

[غوالي76]

والله من رايي الشخصي
إن ابن آدم طماع وما يترس عينه إلا التراب ...
وشي ثاني الفرااااااااغ العاطفي والظلم اللي يتعرض له الإنسان وخيانة أقرب الناس له
تولد عنده الحقد والكره والشعور بالنقص
وبالتالي ينعكس هالشي على الإنسان ويبدأ يغار ويحسد حتى أقرب الناس له
تلاقينه من داخله يحبه بس ما يبله الخير ولا السعادة
ويبدأ يكون له مجموعة من الناس تساعده وتعينه للأسف على الحقد والغيرة والحسد من هالإنسان
وبالتالي يبدون يرسمون خطط على هالشخص ويتكلمون عليه بأشياء ما تكون فيه
وتأكدي ان هالشخص يعني لهم الكثييييييييييييير جدا
يعني شكله عاجبهم وذوقه وأخلاقه وتعامله مع الناس
وتلاقين الشخص الحقود واللي قلبه أسسسسسسسسسسسود يقلد هالشخص بكل شي تقريبا
لبسه .. حركاته ... الأماكن اللي يروحلها
أسلوبه بالحياة .. طموحه .. تعامله مع الناس
يمكن حتى أنه يخسر وظيفته ويغيرها علشان يصير نفس وظيفة الشخص اللي حاقد عليه

""""""""" للأسف تناقض بالشخصية """"""""""""""""

وتلاقونه حتى الأشخاص اللي يحبونه هم يبدأ يتقرب منهم ويبي يكسب حبهم بس علشان يلفت انتباه الشخص اللي يغار منه

مساكين هالأشخاص لهم منى كل المشاعر المملوءة بالشفقة والتعاطف الشديد لقلوبهم المريضة

""""""""""""" يتعبون ما ضيقوا صدري """""""""""""

أدري كثرت بالكلام بس حبيت أسطر هالكلمات لتكون عبرة للكل ومن واقع تجربة لي ولكثير من حولي هم أحباب قلبي

ويمكن في ناس قاعدة تقرأ هالكلام تتعظ وتستفيد وتنظف قلبها شوي من هالأحقاد والسموم اللي في قلبها

وأحب أقولهم """"""""""" ترى التبلي على الناس عيييييييييييييييييييب وقبلها حراااااااااااااام """""""""

ويا جبل ما يهزك ريح

بعض البشر تشوفة معاك باحسن مايكون

يضحك ويسولف وياك ويتظاهر لك فرحان

وللاسف هو من وراك يطعنك وللة شيون

يتكلم عليك بالشينة لانة منك غيران

آسفة على الإطالة ..

 

[إبشر بعزك]

ممكن مرض

ممكن غيره

ممكن نقص

ممكن حره

ممكن التربيه

ممكن كراهيه


وممكن كلهم مع بعض

للاسف زايد هالايام الله يكفينا شرهم

انا اقول من راقب الناس ماتا هما

 

[كلنا عشاق لكن]

رد : ¨° (شنو سبب تولد الحقد والكره في قلوب البشر؟؟) °¨

شوفي أسباب الحقد اللي صادفتها
أخوي من أبوي على قلب أمة هالشي مايهمني :ada:
لكن
ياخذ أسهمي لأني يتيمة من صغري :eh_s(4):
يكتبني تنازل عن قسيمة والأ كذا كذا هذا حقد :krkrkr:
يهددني ماأدش الجامعة وغصب أسجل بالتطبيقي هذا حقد :tomato2:
كل ماإنخطبت رفض هذا حقد :eh_s(4):
فعقب هذا كلة أكيد أكرهمم صح
بس ليش إهم حاقدين والله مو عارفة بس مو مسامحتهم
يمنعني لاأسوق وبنتة مطلع لها سيارة من الحفيز أقصاهم لاهطين حلال هاليتيمة
فالغلط نتيجتة غلط :eh_s(4):
ويقولون مابعد الكفر ذنب
ويعطيج العافية ​

 

[توووفية]

ضعف الايمان



الغيرة والحسد

 

[نهى الأحمد]

الله يعافيكم حبيباتي


مشكورين للمشاركة والردود الطيبه منكم


والله يكافينا شر كل حاقد

 

[اجمل نساء 2011]

على قولة الاخت الله يكفينا شرهم ويحمينا منهم اكيد الحقد من الغيرة غيرانيين منج على جمالج صغر سنج تعليمج شهادتج سيارتج بيتج عيالج سترك كلها مولدات غيره خصوصا اللي عندها العكس اللهم لاشماتة

 

[اجمل نساء 2011]

----الخ اسباب كثيرة تخلي الكثير من الناس تغار مع انها احنا ببلد خير ونعمة وعلى الفكرة الدول الثانية حييييل غيرانين منا ومن احوالنا الامن والامان ومن معاشتنا وصارلي كذا موقف مع ناس من برا يقولون انتوا كويتيين يعني انتوا بخير ونعمة

 

[نهى الأحمد]

سبب الحقد اهوه الحرمان و الحسد
اللي محروم من شغلة يحقد على اللي عنده بس المفروض يتمنى لنفسه الخير بس ما احقد

هلا عزيزتي


ممكن الحرمان والحسد يكون سبب من اسباب تولد الغيره والحقد

لانه الانسان الغير قنوع اذا كان ينقصه شي ممكن انه يطالع غيره بنطرة كره او حقد
ويقول بينه وبين نفسه
ليش اهو متوفر له كل شي وانا لأ

 

[نهى الأحمد]

تصدقين يا اخت نهى كنت اعتقد ان اسباب الكره والحقد اهيا نفس الاسباب اللي تفضلو فيها الخوات

بس اللي قاعده اشوفه ان بعض الناس متوفرة عندهم اسباب النجاح بالحياة ومتوفرة لهم كل اسباب السعادة

وموناقصهم شي بل العكس اهم اللي احسن من غيرهم ومع هاذا تلقين قلبهم متروس حسد وحقد على الاخرين حتى لو كان الشخص هاذا اقل منهم باشياء وايد هم يكرهون ايشوفونه سعيد او ناجح لو بشغلة بسيطة

للحين ماني عارفة ليش

هلا حبيبتي

أسعدني ردج يا قلبي

تدريش ليش هذي الفئة من الناس اللي ذكرتيهم قلبهم متروس بالحقد بالرغم انه مو ناقصهم شي؟


لانهم مايحبون يكون في احد احسن منهم


احب لاخيك كما تحب لنفسك

 

[ميني دونات]

نهوووي الغاليه

بصراحه اظن الي يولد الحقــــد إهو الحسد الي بقلوب الناس مو دايما الغيرهـ لأن أحيانا تكون الغيرهـ حميــده ،، عـــدل ؟!!

الله يكفينا شر أمراض القلوب ~

موضوع جميـــــــــــــل

 

[نهى الأحمد]

نهوووي الغاليه

بصراحه اظن الي يولد الحقــــد إهو الحسد الي بقلوب الناس مو دايما الغيرهـ لأن أحيانا تكون الغيرهـ حميــده ،، عـــدل ؟!!

الله يكفينا شر أمراض القلوب ~

موضوع جميـــــــــــــل

هلا والله ياقلبي ميني

اكيد ياقلبي الحسد اهو سبب تولد الحقد في قلوب البشر