©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[تيناا]

بنات انا احب الاكل فخايفه اسوي التكميم وما ينزل وزني عمليتي بعد يومين

 

[love^angel]

الي صارلهم مده مسوين العمليه بعرف عقب شهر لما تاكلين اكل عادي شكثر تكون الكميه؟ وشلون تعرفين انج خلاص شبعتي بدون ما تغثين نفسج؟
و شنو تقدرين تاكلين عقب شهر؟ وعقب جم شهر يعني ٣ ولا ٦ مثلا شلون يصير الاكل؟ امبيه شكثر سألت بس ماعليه تحملوني لني اسمع من كل وحده اعرفها حجي غير

 

[بتبوتااا]

متابعه

 

[Q8 New Style]

بنات انا احب الاكل فخايفه اسوي التكميم وما ينزل وزني عمليتي بعد يومين

محد فينا مايحب الأكل فلا تكون نظرتج تشاؤميه بالعكس خلج واثقه ويكون عندج اراده انه تبين تنزلين وزنج

طول عمرج وانتي تاكلين لأكل

وبعدين العمليه بالتخليج ما تقدرين تاكلين وايد يعني مو بكيفج تاكين

وراح تستانسين لما تشوفين وزنج نازل

وتوكلي على الله وماكو الا العافية انشاء الله

 

[Q8 New Style]

وابي اعرف شاكل بنظام المهروس

 

[الريم30]

بطاط مهروس شوربة خضار مطحونه. عيش مهروس ماعطوجً جدول شوفي عمري انا كنت كل شي زراطيً أخذ منه شوي لان بسرعه تشبعينً. ام عيالي مادريً شفينيً اتعشا مرتين يعني مثلا شويه بعد لعشا وشوي بليل والمشكلهً اتحلطمً ليش وزني واقف ايوعً ابسرعهً ابيه مادريً مع الفلونزا مادريً شسويً

 

[الريم30]

ونسيت المهروس جريشً هريس نخي فول باجيلاً انا كنت احب ماي النخي وشوي نخي وايد مفيد صراحه

 

[ام عيالي]

واااي ريم انه جذي مثل ماقلتي ايوع بسرعه والله اقول متا انحرق الاكل شالسالفه والي قاهرني اني وزني ثابت والله ماودي اكل بس والله غصب عني اذا يعت اكل روب اقول بسد نفسي فيه بس ماكو فايده ابي شي ثاني احس جني قاعده انتحر ورابعض والناي والعصاير كرهتهم خلاص مليت ابي شي ثاني
شهويتيني بماي النخي بروح المغرب اييبلي
متا قولولي اقدر اكل ورق عنب بدبس الرمان ابي حبه وحده بس وابي جبده بدبس الرمان بعد
وشنو اامن نوع سكر دايت يقولون في انواع ضاره

 

[سـما]

حبيبتي سما عامتا انه ابخير والحمد لله لي 14 يوم ونزلت عشر كيلو مادري زين ولا شنو ومشتهيه وايد اكل مشتهيه ورق عنب نااااطع بدبس الرمان ومشتهيه اروح ميس الغانم ابي جبده بدبس الرمان وحالتي النفسيه اكس ماني مستحمله اي شي حتا اعيالي مالي خلقهم وحتا نفسي بعد مادري متا بتروح هالنفسيه ترا مع اني بمرحلة السوايل الكثيفه الا اني اذا اشتهيت شغله اخط لقمه اصغيروووووونه بحلجي ولما تنهرس ابلعها علا دفعات عشان جذي احس وزني راح يثبت او ما ينزل مادري في احد سوا جذي وهل نزولي زين

حبيبتي ام عيالي
ما شاء الله تبارك الله , زين ليش مو زين , يكفي انه ينزل الوزن يا قلبي

ما ادري عن حالتج يوم تاكلين في هذي الفترة بس اعتقد فيه بنات سووها
بس زينه او موزينه مادري والله

كلها اسبوعين وتقدرين تاكلين اللي تبين بكمليات قليلة
طبعا بعد ما تمضغينهم عدل يعني تعلجينهم عدل
اعتقد اذا ما خانتني الذاكرة

انا ترى صار لي سنة تقريبا وانا اقرا عن العملية بس ما سويتها للحين
وقررت اخيرا ان شاء الله يوم الاحد عقب باجر
وباجر السبت بالليل دخول المستشفى

والله يكتب اللي فيه الخير

 

[سـما]

سما عساج ما تبجين غالي ودموعج ما تنزل الا بالفرح ان شاالله
زهبي شغلج من الحين من مشترا اليهال وتنظيف وكل اللي تبين مع اني سويت عمليتي الاحد طلعت من المستشفا الثلاثا الخميس طلعت اييب بنتي من الجامعة لانها ما كانت تسوق والسبت طلعت لاني فترتها كنت ااثث ومجبورة اطلع
بالنسبة حق الاي باد اخذيه انا كان معاي الاي فون ووقت ماكنت احس بملل افتحه والمرافق انا عندي شغالتين مع اني ماكنت راضية احد يقعد معاي بس ريلي مارضا كانوا يتناوبون وحدة الصبح لين الليل والثانية الليل لين الصبح علشان يساعدوني حق قومة الحمام تكرمين
العصير انا كنت اشرب المراعي الطبيعي اللي بدون لب وساعات اشتري رمان من راعي العصير اقوله يشخله حيل وشريت البروتين من سوق شرق يم مركز سلطان قبال زين اهو يصير بطول مثل العصير بثلاث نكهات شي علا فواكه شي علا توت وشي علا اناناس
والله سويها وضعفي بصحة وعافية واستانسي مع عويلج ووديهم دزني
تخيلي انا رحت معاهم امريكا ثلاث مرات وعقبها فرنسا ومرتين لندن واستراليا وماليزيا وسنغافورة وتايلند وكنت محرووووومة اطالع واتحسر
والحين خلصت فيزتهم مالت امريكا ان شاالله نجددها والصيف هذا اروح وجنها اول مرة بتكون لان الوضع مختلف فاهمتني

حبيبتي الله يخلي لج عيالج وابو عيالج
ويخليج لهم ويحفظج من العين يارب
عساج ما تشوفين الشر وتهنين بحياتج بصحة وعافية وسعادة

هذا انا الحين قاعدة ارتب البيت ,
وشكلي بعد شوي بروح اشتري لعيالي اللي ناقصهم
وان ماشريت تقول امي الله يخليها لي ان ماراح تخليهم يحتاجون شي
وهي بتشتري لهم ان احتاجوا

الحين احس براحة
مدري , حسيت انه خلاص هالحياة اللي عايشتها ماقدر اتحملها اكثر
واصلا موحياة اللي محرومة منها من كل شي
اقلها اني اتحرك بدون تعب !!
الحمدلله على كل حال لكن دام فيه حل ليش التاجيل؟

وخصوصا اني لازم باقرب وقت اسوي عملية اطفال انابيب
وماهو مسموح لي الا اذا وقلت على الاقل 90 كيلو
وتنجح والا لا بعد

انا الحين وزني 107 كيلو
وطولي 157
وكتلتي 44 ونص

انا وجهي حلو ماشاء الله بس وصلت لمرحلة انه بدا يخرب
يعني ارقعها من شنو والا من شنو ؟
حتى علاقتي بزوجي تغيرت 180 درجة

مرات اقول لهدرجة الرجال اللي عشت وياه 12 سنه
يفرق وياه الشكل الخارجي؟
وبالحقيقة انه فعلا يفرق !؟ وخصوصا ان بالخمس سنوات الاخيرة
البنات شوي ويتفصخون بالشوارع
والمصيبة انهم من بنات البلد نفسه مو تقولين بنات ليل وهذي شغلتهم !

يعني الاغراءات بكل مكان في حياتنا
حتى بدوامة .. وهو عسكري .. السكرتيرات والحين الشرطيات !!

انا ما اذم في بنات الناس لكن هذا الواقع ان اي وحده جسمها زين
لو تلبس خيشة وتغمغم فيها بتكون مغرية اكثر مني لو شنو البس !!!

اضافة للشكل الخارجي ,
انا تعبت جسديا واقل سبب يتعبني يصكني راسي ويرتفع ضغطي,
صحيح ان ارتفاعه مو كبير , ويقلون قليل ,
لكن هذا مؤشر خطير انه راح يجيني الضغط عن قريب

غير السكر اللي عايلتي من الصوبين فيهم سكري
يكفي اني مافيني حيل اقوم واتحرك

ياربي لك الحمدوالشكر على كل حال
وبيدك تغير الحال لما هو افضل

عمليتي ان شاء الله الاحد ,
وبدخل السبت بالليل
والله يسهل علي وعلى كل المسلمين
واقوم بالصحة والعافية لعيالي وابوهم واهلي

 

[سـما]

حبيبتي ما اعتقد ان في فتوى تحرم التكميم لانها تعتبر علاج لمرض السمنه وبعدين انتي مو قاعده تغيرين بخلقه الله لا قاعده اتفخين براطمج ولا خدودج اوغيره من عمليات التجميل

وجهت سؤال للشيخ
نبيل العوضي عن فتوى عملية التكميم
واعطاني رقم الدكتور : عيسى زكي
لكونه اعلم بمل هذه الامور الطبية

وكانت هذه الفتوى عن عملية التكميم , القص الطولي للمعدة :
التكميم جائز لانه نوع من العلاج والتداوي, حتى لو كان المقصود
منها تخفيف الوزن. هذه العملية جائزة لانها علاج ومساعدة على الانجاب
فهي ليست من تغيير خلق الله

 

[سـما]

ههههههههههههههههههههههههههههههههههههههه

بنااااااااااات شلونكم مع عاهات الدواااااااااااااام ابيكم تذكرون مواقف اتضحك :krkrkr:صارت لكم عقب ما ضعفتواااااااااااا

انا ببدي المواقف طبعا كثيره بس انا بذكر موقفين

اول موقف :
طبعا انا بين علي الضعف بسرعه وبسرعه نزل وزني وقت البس واكشخ حتى خصر طلعلي وطبعا اكيد اذا لبستي مقاس 10 غير لما تلبسين مقاس 16 و 18

المهم كل ما اروح الدوام القى كرتي مدقوق ولا يدقونه لي الساعه 7 بالضبط طبعا البنات مالج امل يسوونها وانا افكر منو منو :eh_s(10): جان اسأل الفراش ولا يقولي هذا نفرات فوق انا يشوف كل يوم يجي صبح يسوي كرت مال انتي ههههههههههههههه


ولا يوم مسؤولتي تقولي مذهله انتي دايما اتيين الساعه 8 هن ضعفتي قمتي اتيين مبجر جان اقولهاا ام فلان الجذب خيبه مو انا اللي طقه هذول الملاقيف اللي فوق من ضعفت استخفوااا :d




الموقف الثاني :

ايام المتن كنت كل يوم لازم اتريق بستاربوكس اللي يم دوامي
وطبعا الريوق عباره عن كرواسون جبن وقهوه او عصير وعقبها احلي وكان في واحد كله يقعد هناك كل يوم اشوفه يقعد بنفس المكان ما علينا المهم من ضعفت مارحت كلش اول امس رحت مع رفيجاتي اللي قبل كنت اروح معاهم المهم طلبناا ولما درت ويهي عشان نروح نقعد عالطاوله ولا اشوفه قاعد بس مو نفس كل مره يطالعني واهو مبطل حلجه جذي طبعا انا ورفيجاتي لا شعوريا :krkrkr:متنا ضحك الطريقه اللي كان يطالعني فيها جنه يقووول لا مو صج هذا حلم ولا علم

ما شاء الله تبارك الله
يا ليت انج ما تنسين ان تقرين على نفسج المعوذات ,
والله يحفظج من العيون

وباذن الله بعد كم اسبوع وكم شهر
نقول لج نحن المتكممات الجدد عن الامواقف اللي تصير لنا بعد التغيير
الايجابي بالشكل والنفسية والحياة

 

[ام عيالي]

حبيبتي سما يله تشجعي وسويها شطووووره شيلي الخوف من قلبج وعسا الله ايريح قلبج ويرزقج السعاده بحياتج
اما عن الزوج فحدث ولا حرج عادي انه وزوجي متزوجين عن حب وكان يقولي انتي مو متينه وانتي مره لازم يكون جسمج جذي مايبيلج عمليه ومن هالحجي ولما اطلع معاه اشوفه ايطالع وسبحان الله مايطالع الا الرشيقات والي لبسهم علا جسمهم حلو هاذا اكبر دليل انه الريال يبي الضعيفه مايبي المتينه واصلا قالي خلاص سوي العمليه الزم ماعليج صحتج اخيرا قالي ترا السمنه كلها امراض وانه اشوفج تعبانه من الثقل يعني يبي ايرقعها اهو اساسا يبيني اظعف بس مايبي يجرحني والحين يوم سويتها عارف اني بظعف كل يوم يقول اتصدقين ظعفتي اتصدقين طلعو برنامج بتلرادو عن التكميم ايقولون اريح المره اتسويها واتعيش حياتها اريح ترا المتن مو زين يله بتضعفين وتطلعين وتمشين واااااايد ايعلق ويذكر اللبس وايقولي امس يكفي انج من سنتين مو لابسه قمصان نوم لازم تستانسين بنفسج اهو ماقصر معاي بس اهو لما كنت متينه ماكان يقول ظعفي كان يقول جسمج حلو واهله يتطنزون علا متني واهو اذا طلعت معاه ايخزخز بالضعاف
هاذا طبع الرياييل لاتصدقين انه عاجبه المتن سويها وصيري رشيقه وشوفي اذا ما استانس علا الضعف
والله يوفقج يارب وبحققلج الي في بالج

 

[سـما]

الريم 30 الله يعينكم
انتم السابقون ونحن اللاحقون
على خير باذن الله

موفقة باذن الله

 

[الريم30]

يالله سما شدي حيلج اولها صعب بعدين خلاص كل شي عاااااادي حبيبتي

 

[الريم30]

ام عيالي اذا طبقتي الشهر اكلي ورق عنب مراح تقدرين اكثر من ثنتين وبعد مراح تقدرين تأكلين جبده مع ورق عنب ثقال عليج كل وحدا بيوم هههههههههه لا بنضعفً بلا

 

[سـما]

حبيبتي سما يله تشجعي وسويها شطووووره شيلي الخوف من قلبج وعسا الله ايريح قلبج ويرزقج السعاده بحياتج
اما عن الزوج فحدث ولا حرج عادي انه وزوجي متزوجين عن حب وكان يقولي انتي مو متينه وانتي مره لازم يكون جسمج جذي مايبيلج عمليه ومن هالحجي ولما اطلع معاه اشوفه ايطالع وسبحان الله مايطالع الا الرشيقات والي لبسهم علا جسمهم حلو هاذا اكبر دليل انه الريال يبي الضعيفه مايبي المتينه واصلا قالي خلاص سوي العمليه الزم ماعليج صحتج اخيرا قالي ترا السمنه كلها امراض وانه اشوفج تعبانه من الثقل يعني يبي ايرقعها اهو اساسا يبيني اظعف بس مايبي يجرحني والحين يوم سويتها عارف اني بظعف كل يوم يقول اتصدقين ظعفتي اتصدقين طلعو برنامج بتلرادو عن التكميم ايقولون اريح المره اتسويها واتعيش حياتها اريح ترا المتن مو زين يله بتضعفين وتطلعين وتمشين واااااايد ايعلق ويذكر اللبس وايقولي امس يكفي انج من سنتين مو لابسه قمصان نوم لازم تستانسين بنفسج اهو ماقصر معاي بس اهو لما كنت متينه ماكان يقول ظعفي كان يقول جسمج حلو واهله يتطنزون علا متني واهو اذا طلعت معاه ايخزخز بالضعاف
هاذا طبع الرياييل لاتصدقين انه عاجبه المتن سويها وصيري رشيقه وشوفي اذا ما استانس علا الضعف
والله يوفقج يارب وبحققلج الي في بالج

اميين , اجمعين يا رب العالمين

كلامج صحيح 100%
وادري ,

وبيني وبينج انا مسويتها اكثر شي لنفسي مو له
والا لو بسويها له .. ترى مايترس عينهم شي الرياجيل بشكل عام

انا بسويها ان شاء الله لنفسي
لصحتي .. لراحتي النفسية .. انا كنت وين قبل 10 سنين والحين وين
قضيت العشر سنين الاخيرة من عمري في سجن
وان شاء الله بأب على وش الدنيا مثل ما يقولون

انا بطبعي من مراهقتي وانا احب البس واكشخ
والحمدلله ذوقي حلو , وحتى الشي اللي مو حلو على غيري
ما شاء الله يطلع حلو علي
فـ المتن سبب لي حالة اكتئاب نوعا ما ,
هذي مو انا !؟ كل مره اقول لنفسي واحتر واكل زيادة كني اعاقبني
على اللي وصلت له
عندي طموح ودي اوصل له , وعندي مواهب ودي استمتع فيها
المتن مانعني من الحركة وتحقيق احلامي وطموحي


الله يرحمنا برحمته ويغفر لنا
ويحقق لنا ماهو خير لنا في ديننا ومعاشنا وعاقبة امرنا واجله

 

[سـما]

يالله سما شدي حيلج اولها صعب بعدين خلاص كل شي عاااااادي حبيبتي

الله كريم
ادعوا لي يا بنات ,
دعوة في ظهر الغيب مستجابة


الله يرحمنا برحمته ويرزقنا برضاه وعفوه
وينزل الوزن بصحة وسلامة وعافية وسعادة

 

[ام عيالي]

آميييييييييين يارب العالمين وادعو بنات الحين وقت استجابه

 

[om l3yal]

سما
نستودعك الله الذي لا تضيع ودائعه يالغالية
ربي يقومج بالسلامة ويردج لبيتج وعيالج وريلج واهلج وحبايبج كلهم
وتفكيرج صح قولي انا بضعف علشان نفسي مو علشان اي مخلوق لان محد يستاهل انج تدخلين بخطر الا نفسج
وفالج الصحة والعافية ان شاالله