©«-.¸¸.-»© ¶ *رابطة المتكممات* ¶© «-.¸¸.-»© الجزء الرابع

[shk22]

سؤال للمتكممات القديمات .. كم كيلو تقريبا فقدتوا خلال السنه الأولى
وهل يتوقف نزول الوزن بعد 8 شهور من العمليه؟ وكم يستمر التوقف أو الثبات في الوزن

 

[عيون القلب]

سؤال للمتكممات القديمات .. كم كيلو تقريبا فقدتوا خلال السنه الأولى
وهل يتوقف نزول الوزن بعد 8 شهور من العمليه؟ وكم يستمر التوقف أو الثبات في الوزن

انا متكممه جديده مالي الا اسبوع ما اقدر افيدج للاسف

ياليت البنات يتعطفون علينا و يخلون جمعتهم عالقروبات بالتلفونات و يطلون علينا هنا شوي :eh_s(7):

لكن بالنسبه للنزول انا سمعت ان الأشهر الأولى عقب العمليه هي الفترة الذهبيه لنزول الوزن

و ان الوزن يثبت عقب ثمان شهور فعلاً و لازم يبي له متابعه من جديد

 

[حناين الكويت]

السلام عليكم حبايبي
منو سوت عملية التكميم عند دكتوره افيدوني جزاكم الله خير

 

[omal7lo]

السلام عليييكم


اشلونكم متكممات


والحمدالله علي سلامه الي سوووها فالكم الرشاقه ان شالله

 

[omal7lo]

دونت



ان شالله تنزلين هال١٠ كيلو انا ابي ٢٠ واوصل للمثالي وزني الحين قاعد ينزل لان هديت الخرابيط تصدقين بعد ولاحظت هديت الرياضه وزني نزل

كل من قالي غيري روتين رجيمج وهدي الرياضه تنزلين ماكنت اصدقهم بس لمن هديت الرياضه قاعد انزل ماشالله

 

[omal7lo]

أم أوراد

ماشالله وايد زين تبارك الرحمن انتي كنتي وزنج ثقيل انا يوم سويت العمليه وزني ٩٨ والحين ٧٤ والمثالي ٥٥ دعواتكم انزل انا لو مو بطني جان جسمي يهببببل لا فخوذ ولا زنود وصوب ارقبي وتحت اخرع هزيله بس مخرب علي بطني يلوع الجبد جني حامل بشهري وانا اعرف من شنو بطني من البفك بس انا غبيه اكل والحين اقسمت ما اكل لان هذا الحل اني امنع نفسي من البطاط اموت عليه ما اقدر امنع نفسي منه


وانا احب الجسم الي فيه لحم شوي ما احب بس عظم بس بوصله ٥٥ بشوف ان عجبني بخليه هههه وانا ما عجبني بمتن وطولي جنه ١٥٧

 

[omal7lo]

السلام عليكم حبايبي
منو سوت عملية التكميم عند دكتوره افيدوني جزاكم الله خير

اول مره اسمع بدكتوره ان شالله البنات يفيدونج

 

[omal7lo]

سؤال للمتكممات القديمات .. كم كيلو تقريبا فقدتوا خلال السنه الأولى
وهل يتوقف نزول الوزن بعد 8 شهور من العمليه؟ وكم يستمر التوقف أو الثبات في الوزن

ماصارلي سنه بس الدكتور قالي خلال سنه علي الاقل توصلين للمثالي وعلي خسب الجسم

ويوقف همن علي حسب جسمج

 

[كلي_أمل]

وناسه خوش رابطه بس حبيت اسالكم

تعرفون الدكتور خالد العنزي ؟؟
شرايكم فيه
انا افكر اسوي عنده كتله جسمي فوق ال40
و قالولي زين و نصحوني بمستشفى السلام ؟

ودي بس خايفه احد جربه

الحين بفتر صفحه صفحة اشوف شنو كاتبين

 

[احتاجكـ]

خواتي منو سوت العمليه علشان تحمل وبعد كم شهر من سوتها حملت

 

[عيون القلب]

بنات سؤال الله يوفقكم

ابي اعرف متى الوقت المثالي لازالة ضمادات الفتحات .. يعني عقب كم يوم من العمليه حددوا ؟؟

و متى اقدر استخدم مرهم ميبو على الجروح ؟؟؟

 

[جودى28]

الاسم:جودي
الطول:155
الوزن قبل العملية:117
معدل النزول والمدة :11 كيلو المده شهرواسبوع
تاريخ اجراء العملية :28 يناير 2013
اسم الدكتور :اسامه المرشد بجده
التكلفة :27000
النتائج الايجابية للعملية :نزول الوزن
النتائج السلبية للعملية : ضعف ...........

 

[نـــواره]

انا سويت التكميم عند دكتور موسى خورشد واليوم صارلي ١٠ ايام وباجر راح ابلش السؤال الثقيله بس مو عارفه مثل شنو يعني ؟؟ اللي تعرف تفيدني
وبعدين في حبوب الحديد وكبسولة الفيتامينات لما ذوبتهم بالماي ما استحملت طعمهم ابدا بتاتا وقطعتهم بنطر لما اقدر ابلع اخذهم لان صعمهم مو صج من ريحتهم ارجع تكرمون

 

[عيون القلب]

انا سويت التكميم عند دكتور موسى خورشد واليوم صارلي 10 ايام وباجر راح ابلش السؤال الثقيله بس مو عارفه مثل شنو يعني ؟؟ اللي تعرف تفيدني
وبعدين في حبوب الحديد وكبسولة الفيتامينات لما ذوبتهم بالماي ما استحملت طعمهم ابدا بتاتا وقطعتهم بنطر لما اقدر ابلع اخذهم لان صعمهم مو صج من ريحتهم ارجع تكرمون

مبرووووك العمليه حمدالله على سلامتج :eh_s(17):

انا بمرحلة السوائل الثقيله و قربت ادخل عالمهروس

انا بقول لج نظامي ... بس قبل بقول لج ان الحديد و الفيتامينات بدري عليها مو الحين

تثبت الوزن و تفتح الشهيه انا لما سألت الدكتور و اخصائية التغذيه اللي بعيادته عن الفيتامينات

قالوا مو قبل ثلاث شهور لان الشحوم اللي عندي فيها الخير و تسد

بعدين الفيتامينات لازم لها تحاليل دم تشوفين وش اللي ناقصج مو تاخذينها عشوائي

بالنسبة لنظامي بالسوائل الثقيلة :


فطوري نص كوب بران فليكس او اول بران << تلقينهم بالجمعيه

و عليهم نص كوب حليب خالي من اللاكتوز عشان الغازات ما تأذيني << اذا تبين حليب قليل الدسم عادي ترى

تحطينهم بـ حافظة صغيره ام غطا للميكرويف و تسخنينه 30 ثانيه و عقب تحركينه بالقفشه لين يتجانس و بالعافيه

عقب الفطور بساعه اشرب كاس ماي سعة 250 ملي

عقبها بساعه اسوي لي عصير فريش بعصارة الفواكه الخاصه << احس من المعلب ابو مواد حافظه :rerrerek:

انا عندي بالبيت عصارة امجوي اعصر لي تفاحه مع شريحتين اناناس :rerrerek: و اخلي بالقلاص قطعتين ثلج

او تفاح بروحه او ( جزر - عنب - رمان - اناناس ) اللي تحبين .. ترى عصارة الفواكه غير عن دولكة الخلاط هذيك للموز و المنقا و الجوافه و خلط الشوربات

عقب العصير بساعه اشرب كاس الماي

و بعد ساعه اشرب لي شوربه ..

شوربتي : اجيب قدر احط فيه خضار على كيفي مع نص صدر دجاجة صغير اقطعها حجم كبير و مكعب ماجي خضار

اتركها لين تنضج اضيف الملح و البقدونس المفروم اطفي النار و عقب ربع ساعه اضربها بالخلاط كلها و ارجعها نفس الجدر و احطها بالثلاجه

عشان متى ما بغيت اسخن لي ..

المسموح بالخضار كل شي ما عدا ( الذرة و البازيلا و القرنبيط و البروكلي << عشان الاخيرين ذولا يسببون نفخه و غازات )

و الذره و البازيلاء قشورهم تركن بقاع المعده موب زين على التحامها و الدبابيس

عقب الشوربه بساعه كاس ماي

عقبها نص كوب روب زبادي << يعني تاكلين نص العلبه و نصها الثاني بعدين

عقبه بساعه كاس ماي

عقبه آكل لي مهلبيه بسكر دايت و حليب قليل الدسم او نص كوب ايسكريم دايت من محل ثقه انه دايت مو جذيبو :rerrerek:

طريقتي بالمهلبيه البيتوتيه :

قلاصين حليب قليل الدسم اصبهم بجدر صغير و اضيف عليهم ملعقة ماي زهر و 3 ملاعق ممسوحه نشا

و سكر دايت حسب رغبتج بس افضل ما يزيد عن 3 كياس صغيره مو الكبار لا .. اذوبهم سوا و احطهم عالنار مع التحريك لين تثقل و خلاص بالثلاجه

و عقبها بساعه كاس الماي

و عقبه نص قلاص حليب قليل الدسم او لبن قليل الدسم او عصير طازج << على كيفج

و عقبهم بساعه قلاص ماي

اخر شي اختم يومي بـ كوب اعشاب دافي انا استخدم من شركة ( الضيافه ) يانسون مع بابونج خلطه بنفس الفتله

الينسون زين للبطن و البابونج للنوم :rerrerek::rerrerek:

و اي سؤال ثاني انا حاضرة يا عيوني :eh_s(7):

 

[عيون القلب]

اي حبيبتي نسيت اقول لج :

الليمون و البرتقال و الكيوي <<< عقب شهر من العملية

الشاي و القهوه و العسل <<< عقب شهرين من العملية

لانهم يهيجون جدار المعده و احنا مب ناقصين هههههههه

 

[راعية الذيب]

انا عمليتي ان شاء الله بتاريخ 17\3 والله يستر عند الدكتور خالد العنزي
وزني 98 وطولي 161

والله يسهل عمليتي يا رب

ويسهل علي بنات الحلال اللي يبون يسوون العمليه
ادعوا لي يا بنات انه الله يسهل لي عمليتي يا رب

 

[توحه1]

بعدكم ساعه عمليتي ادعولي الله يتمم علي واقوم بالسلامه

 

[عيون القلب]

راعية الذيب - توحه 1


الله يقومكم بالسلامة و فالكم الرشاقه

 

[راعية الذيب]

اللهم امين

الله يجزاج خير علي هالدعوه يا رب​

 

[راعية الذيب]

توحه

الله يقومج بالسلامه يا رب ويسهل عمليتج يا رب ​