«°·.¸.•°°·.¸.•° كتاب وreview مع تقيم (◠‿◠)°·.¸.•°°·.¸.•°»

[خولـه]

اي والله الكتاب يغير النفسيه ويخليج اقوى امراه في العالم(؛


وانصحج بعد بثلاثية احلام مستغانمي انا قرات ذاكرة جسد كل معاني الابداع موجود في هالروايه وبديت توني بفوضى حواس حلوووه بس ماخلصتها

وان شاء الله اذا خلصت فوضى حواس ببدا اقرا عابر سرير

 

[love love]

ما شاء الله دام انج في امريكا استغلي الوضع وقوي انجليزيتج

وهم مكتباتهم كبييييرة وشاااملة

شوفي الريفيوز للي كتبتهم مال p.s i love you و where rainbows end

أسلوبهم وااايد سهل ومن أوائل الروايات اللي أقراهم بالانجليزي

الكاتبة إيرلندية عشان جذي انجليزيتها سهلة مو نفس الانجليز والأمريكان
​

مشكوووووووورة حبيبتي

باجر ويك اند وان شاءالله رايحه المكتبه واشتري بالي نصحتوني فييه

 

[^^نـــواره^^]

موضوع رااااااائع >>> لي عودة مرة أخرى

 

[love love]

شريت كتاب قصه رعب للاطفالgoosebumps يعني حاطينه من عمر 7-12

بليز لا تضحكون علي

انا اعترف لغتي موشي وناويه اتعلم

بس ليلحين مابلشت اقراه لانه ماعندي وقت الا قبل النوم واقرا كتاب بالعربي عن عقل الباطن

بس ان شاءالله باجر بحاول ابدي العصر بالانجلش

 

[الؤلؤة السوداء]

^^^^^
​

 

[ليلو جبريت]

اب اب حلو الموضوع

 

[عيون روحي]

يسلم ايدينك بلاك



حبيت الموضوع كثير ولي عوده مع كم كتاب

 

[عيون روحي]

امس قبل ماانام قلت حق نفسي خنرد شوي زمان اول واقرا شي قديم جان تطلع بويهي الاميره النائمه يااازين ايام اول والله يابنات هالقصص لها طعم ولذه ثانيه وكنت اصدق وانا صغيره واتمني يصير معاي جذي .. بس سندريلا والاميره النائمه وسنووايت ماادري ماينزللون بلعومي احب البطله مغامره واهياا تقرر مصيرها بس ماعليه ماعليه عتيج صوف ولايديد البريسم :ceaf32e183:

لقيت هنسخه بنت موجوده تحميل وموجوده اون لاين ورسومهم اتينن شكلي بدور بعد من هسلسله كاهو رابط اون لاين

http://www.gulfkids.com/pdf/Kids_Amerah.pdf

تقيم قصه : 10 علي 10 عشان زمن البرأه :eh_s(20):

ذكرتيني بأيام طفولتي:krkrkr: كان معايا كتاب سندريلا

 

[عيون روحي]

بما انكم لكم خبره حبيت اسالكم عن هالكتاب هو مسرحيه وصارت موفي ارائكم بليز

وهذا بوستر الموفي

 

[Black_witch2]

السلام عليكم بنات شخباركم لكم وحشه كبيره من شهر طلعت من المستشفي الله لا يمرر عزيز لكم بالي مريت فيه
غيرت نكي لان ناسيه بسورد نكي الاولي
وانشاءالله بكمل معاكم بالكتب عن قريب :**********

 

[3oosh <3 MJ]

الحمدلله ع السلامة حبيبتي
خطاج السو (f)

 

[Black_witch2]

كتااب رووووووووووووووعه اذا كنتي من محبين اللوحات الفنيه .. بالنسبه لي انا مدمنه علي اي شي يخص اللوحات وعالم الفن

هالكتاب يتالف من 1000 صفحه الحجم كبير لكن القراءه فيه وايد سلسله ويتناول لوحات من عام 1420 قبل الميلاد وحتى العام 2006م كل صفحه تتناول لوحه تشرحها لكم

ويحوي الكتاب أعمالا لفنّانين مشهورين مثل دافنشي وبيكاسو والبريخت ديورر وكلود مونيه وهيرونيموس بوش وكاندينسكي ورافائيل ودي غويا ومايكل أنجيلو وغوستاف كليمت وروبنز وغيرهم.

تقيمي : 5 من 5 :eh_s(15):


3oosh <3 MJ

خطاج لاش ياعمري تسلمين :eh_s(7):

 

[Black_witch2]

روايه حلوه ولطيفه تقرينها خلال ساعتين فيها وقائع تاريخيه حقيقه ,, القصه عن دكتور بليد اللي يسوقه سوء حظه الي محاكمه غير عادله لمعالجه احد المتمردين وبيعه كعبد والاحداث تسحبه الي ان يتحول الي قرصان ولاء مو اي قرصان قرصان صاحب سمعه وصيت والاخ بليد همه الوحيد الانسه ارابيلا اللي يسمس سفينته تيمما فيها ... انا شريتها من سنافر بدينارين قسم عربي وانقلش

تقيمي : 5 علي 5 :ggdw:

 

[Black_witch2]

روايه روووعه اول شي حسيت اني ضايعه بعدين لاء وضح كل شي ... دور الاحداث عن غرفه بفندق تحدث فيها احداث غريبه عجيبه كالعاده ابدع الدكتور احمد بهروايه النهايه عندي اجمل مافي الكتاب احب النهايات القويه حالها حال مندوب الشيطان موجوده ببلاتينيوم بوك شريتها من معرض العام :eh_s(9):

تقيمي :3ونص من5 :eh_s(17):

 

[Black_witch2]

( دكتور جيكل و مستر هايد)،للكاتب الشهير ( روبرت لويس ستيفنسون)




روايه من الكلاسيكيات ... دور الاحداث عن الدكتور جيكل اللي يخترع عقار طبي يعطيه شكل اخر ويتحرر من كل القيود الاخلاقيه .. بس كل شي حلو له نهايه وخاصه نهايه تعيسه مدامات الرغبات بعيده عن الاخلاق يتحول جيكل الي هايد المنحل .. يقع جيكل بمشاكل يوم يحدث خطأ بالعقار ويتم بصوره هايد اللي تبحث عنه الشرطه .. شنو دور المحامي بالقصه وشنو نهايه بتعرفونها مع قرائتكم للقصه




هالروايه تحولت اكثر من مره لافلام سينمائيه واروع الافلام واتوقع معجبين افلام الرعب الكلاسيكيه شايفينه

تقيمي لروايه : 5 من 5 :eh_s(7):
تقيمي للموفي : 5 من 5 :eh_s(9):

 

[عيون روحي]

الحمدلله على سلامتك ياعمري

طهور انشالله

 

[عادت ذكرياتي]

ما تشوفين شر حبوبة ...


واااااااااااااااااصلي

 

[~ تريآق]

ألف الحمدلله عالسلامك Black witch
ماتشوفين شر .. :eh_s(7):

حبيت انواع الكتب ... مختلفه تماما عن اللي اشوف اغلب الناس تقراها

ومآآآآرة حبيت كتاب 1001painting
مره شكله ممتاز ... بضمه لقائمة كتبي ان شاء الله
ويعطيج ربي الف عااااافيه :eh_s(7):

وتااابعي واحنا معاج

 

[Black_witch2]

عيون روحي

تسلمين ياقلبي

عادت ذكرياتي

الشر ماييج ياقلبي :****

تريآق

الله يسلمج من كل شر ياارب ... تنويع بالكتب احلي شي يصير عندج معلومه عن كل شي واي شي ... والكتاب انا لقيته بالندن بس موجود طلب علي الانترنت ويالله شاركيني يمكن استفيد من قراءتج :*****

 

[Black_witch2]

( أوسكار وايلد) فى رائعته( صورة دوريان جراى)..



دوريان الوسيم الحساس يتلقي لوحه شخصيه له من رسام شهير يتعرف عليه ودوريان يتعلق بهالوحه ويتمني امنيه ان يبقي وسيم وبريعان شبابه مدي الحياه ... الغريب ان هاللوحه تتغير ام دوريان الحقيقي يبقي صغير السن ... تتحول صوره الي شي خبيث مرعب بسبب اعماله الشريره ... شلون صار هالحجي وشنو نهايه دوريان بتعرفونها مع قراءتكم من روائع الادب ... وتحولت اكثر من مره الي اعمال سينمائيه



تقيمي للروايه: 5 من 5 :eh_s(17):
الموفي : 5 من 5 :ggdw: