مشكووووووووورة على هالموضوع الحلو يا كنديه فعلا كننا محتاجين انتناقش بموضوع ماتطرقناله وايد مثل هذا
1-رأيكم في برامج توعيه حق الرجل؟
اذا المره داهيه فالرجل ابو الدواهي -- > انا اشوف ان الرجل ما يحتاج برامج توعويه . ركزوا معاي شوي . لو انا بمكانه و تحرش فيني ريال سواء بالدوام او باي مكان ثاني او حتى بالشارع و سواء تحرش بالكلام او حتى بالنظرات و الابتسامات او حاول ان يتقرب لي هل راح اكون مغفله و ما احس ان له نيات شينه ؟ ماراح احس انه يبي مني شي !! اخلي الجواب لكم
2-هل انتي مع او ضد هذي البرااامج؟
انا ماني ضد هذي البرامج بس بنفس الوقت ما احس ان لها فايده كبيرة او تأثير بسلوكيات الرجل او ردة فعله اتجاه التحرشات النسائيه . و احس ان الرجل راح يستفيد اكثر لو تابع برامج توعويه من ناحيه معاملته لزوجته و اطفاله و شلون يحل مشاكل الحياة الاسريه و شلون يكسب قلب المره و شلون يقول كلام حلو .
واذا المره تقدر تصون بيتها و شرفها و ريلها تهقون الريال ما يقدر ؟؟ لو ما يقدر شلون رب العالمين يخليه عمود الاسره و المسؤول عن استقرار البيت و يدير زمام الامور ؟؟؟؟؟؟؟؟؟؟؟؟؟؟؟؟؟ ولا تنسون ان المره اللي عاطفيه و ناقصه عقل و دين !! صح كلامي
3- هل راح يطلع المرأه بصوره غلط؟
لا ماراح يطلعها بصورة غلط المره مثل الريال في الزينه و في الشينه و بالنهايه اهي بشر حالها حاله .
4-وشرايكم بهذي الظااهره التحرش بواحد متزوج؟
صارتلي تجربه شخصيه مع زوجي او بالاحرى تجربتين
الاولى : كنت طالعه معاه السوق و لاحظت ان في جم وحده اذا مرينا عليهم لااازم يطولون بالنظر بشكل مو طبيعي و بشكل ملاحظ .. افترينا بالمحل ووقفنا نشوف واحد من الرفوف و هم تخز و على شفاهها بوادر ابتسامه و قامت تعطيه نظرات ناعسه على الخفيف شفته تضايق و انحرج و انا بعد تضايقت يوم طلعنا و رحنا انتعشى قلتله ليش كانت اللي بالمحل تخزك ؟ تعرفها ؟ قاللي قسما بالله لو اروح السوق بروحي محد يطل بويهي بس لما اطلع معاج الفت نظر البنات !!
الثانيه : زميله زوجي بالدوام كانت تبي منه يساعدها في امر معين و كان يساعدها فيه و تتصل فيه ساعات و كل هذا صار جدامي و بموافقتي طبعا لانني اثق فيه الحمدلله و ثقتي بمحلها بس الغريب يوم طلبت منه مساعده في شغله ثانيه قالها( اوكي حاضر زوجتي تقدر تييبلج هالمعلومات بحكم دوامها اليوم اقولها ) البنت انصعقت و قالتله انت متزوج ؟؟ و من يومها قامت تتلزق بشكل مو طبيعي تتصل و يرد عليها و نكون طالعين حزتها و تسمع صوتي و تتم مايهما لحد ماخلصت شغلتها لي هنيييييييييي و ستوب قلتله بس عاد مصخت هالسالفه و الحمدلله قالها اشكره يبه اللي قدرنا سوينالج اذا تبين اعطيج رقم مرتي دقي اذا تبينها تساعدج
يعني مالزقت بزوجي الا لما درت انه متزوج .
الخلاصه : هالفئه يحلى بعينهم المتزوج مو عشانه و لا من حلاته بس غيره المره سبحان الله من المره تبي تحس انها اغرته و انها اجمل و اكثر انوثه من زوجته و انها قدرت تجذبه ناحيتها في حين ان عنده مره و قادر يشبع رغباته معاها . مرض نفسي نقدر نسميه .
وبس خلصت من جمال الموضوع اسهبت بالحديث
كل الشكر لج عزيزتي كنديه
