أحلى همبه كويتية
**مشرفة قسم مائدتك**
سهل وسريع ينقع للزنئات
شبيه للتشيز كيك اللي سويته من فترة بنكهات نختلفة ( الفيمتو والأوريو والكاكاو )
اخذته معاي بزور وحدة والدة
وما شاء الله بلمح البصر خلص
قدموه مع القهوة
المقادير :
بسكوت المطاحن المربع او المدور ماي مطحون
شوية زيدة سائلة
1 ملعقة صغيرة كاكاو بودرة
شوية حليب سائل
نخلطهم لما نحصل على عجينة تقدرين تمدينها بالقالب
الخليط الثاني :
2 كوب حليب بودرة
2 فنجان قهوة سكر
1/4 2 كوب روب ( انا مسويته بالبيت )
2 فنجان قهوة زيت مازولا
2 حبة جبنة كيري ( يمكن الأستغناء عن الجبن بس أنا عندي احلي )
تخلطينهم بالخلاط لما يتجانسون عدل
الطريقة :
- سخنى الفرن على درجة 180 .
- فردي مقادير الطبقة الأولى بالقالب بحيث ما تكون سميكة .
- صبي عليها الخلطة الثانية ودخليها الفرن لمدة ربع ساعة لما تجمد الطبقة
- طلعيها من الفرن وخليها تبرد .
الخلطة الثالثة :
2 كيس كريم كراميل
ربع كوب ماء
1 مملعقة كبيرة سكر
2 فنجان عصير يوسفي مركز ( يمكن استبداله بأي نوع بس شرط مركز مثل الفيمتو )
يمكن استبدال العصير بملعقة نسكافيه حسب الرغبة
طريقته :
- سخني المقادير على النار وبسرعة صبيها على الخليط السابق اللي طلعناه من الفرن ( لأنها بسرعة تجمد )
- ممكن تزينيه بقطع فواكة مشكلة يطلع واااااااو بس انا كنت مستعجلة .
- دخليه الثلاجة يبرد وعند التقديم قطعيه صغار وضعيه بورق بلاسيه احلى بالتقديم وبتلاحظين انه سهل بالتقطيع وانه شكله ما يخرب مع القص بالسكين .
وعليهم بالعافية
