°°◦ღ♥ஓ فيما يتعلق بالخدم،،موضوع هااام جداً ஓ♥ღ◦°°

[**وقفة فرس**]

رد: °°◦ღ♥ஓ فيما يتعلق بالخدم،،موضوع هااام جداً ஓ♥ღ◦°°

ممييييييزة كما العادة...
مقولة "الخدم شر لابد منه" مايختلف عليها إثنين..الزمن تغير ومتطلباته زادت..البيت يبي منج والعيال يبون وأبوهم يبي حتى الناس ومواجيبهم اللي ما تخلص وإنت نفسج تبي ومستحيل تلقين وحدة تقدر تحل هالمعادلة من غير الخدم(وظيفة+شغل البيت+تربية أبناء+تدريس+اهتمام بالزوج+إهتمام بالنفس والمظهر للزوج+فترة ترفيه وتوطيد علاقة مع الأبناء+علاقات إجتماعية)ماااا تصير..
لكن الخدم يبون إشراف وعين تراقبهم وتعرف شيسوون وتكون الوحدة متأكدة إنهم ماشين على نظامها في التربية يعني لو الأم موموجودة والطفل سوى شي غلط تعاقبه بنفس طريقة الأم موتمد إيدها عليه واطقه..
ونقدر نوازن كثير من الأمور اللي تخلينا بالمسار الصحيح..يعني الأم العاملة تقوم الصبح وتقعد العيال وتشوف شيبون ياكلون إذا مداها تسويه بنفسها تسويه وإذا مامداها تخلي الخدم يسوونه..وتشرف على كل شي وبنفس الوقت تقدر اتجهز نفسها للدوام..بهالوقت الخدامه تشتغل وتسوي الغدا وإذا فيه طفل اتجابله وإذا الأم قدرت تزرق للبيت فجأة أففففففضل:rerrerek: ولي ردت من الدوام وقدرت تجيب العيال المفروض تجيبهم أو أبوهم وكل واحد وظروفه اللي تحكمه..ولازم نكون معودين عيالنا على إنهم يقطون هدومهم بروحهم بالسلة ويحطون مكرمين جواتيهم بمكانها مونلقط وراهم..ويتسبحون اللي يقدرون بروحهم والصغار تسبحهم الخدامه أو الأم ويقعدون يتغدون مع بعض وإن كانوا عند حمولة مثلا وحب الأبو ياكل مع أهله تشجع عيالها ياكلون مع جدانهم إذا حبوا أو معاها..بعدها إذا الأم حابة تاخذ غفوة وانصح إنها ماتتعدى ساعة وحدة بس وإن كان عندها طفل ينام عندها بهالفترة(وعليا تكسر خاطري بنتي:eh_s(2): أحس بتأنيب ضمير من أرد أنومها عندي حتى لو مانمت فدييييتها)..وبعدها الأم تشوف شنو عند عيالها من واجبات وطلبات للمدارس واتخلصها معاهم وبعدين تخليهم يلعبون عندها أو إذا عندهم حديقة ينزلون لها(متى يصير عندي حديقةماعندنا غير براحة:krkrkr..وكل هذا بعد لازم تحت عين الأم لو من بعيد..بعدها لازم يكون فيه توقيت معين خاصة وقت المدارس يعني من ناحيتي الساعة 6:30 يصعدون يتعشون وينامون..وإذا عندي مشوار أطلع من بعد هالوقت أو على الأقل بعد مايخلصون من واجباتهم ومايبقى غير العشا والنوم..ينامون بغرفتهم ومعاهم وحدة من الخدم آنا من ناحيتي شقتي حيل صغيرة ومابيني وبينهم غير باب ومفتوح بعد وطول الليل أروح وأرد 20مرة عادي:ch12:
ياحلاة العيشة من غيرهم جربتها بالسفر من غير خادمة وربي سهالات..لكن العازة للوظيفة هي اللي مخربة علينا..
آنا وحدة ينخصم مني شهريا 100وفوق بسبة التأخير لأني أستحلي اللعب مع بنوتي الصبح وياما غبت بسبة الإرهاق والتعب الله لا يضيع لنا تعب..
الموظفة اللي اداوم يوميا معذورة لكن اللي دوامها تزرق وشفتات مع رفيجاتها ويطقون لها كرت مالها حجة..أعرف ناس صج نوووووم×نوووووم والدوام على كيفهم لدرجة الزوج يشكي للخدددددم من نومها إستخسر فيها حتى النسكافيه قال خل اتسنع بعدين نجيب لها:krkrkr: والعيال موتربية خدم لاااا تربية شوااااااارع...تقطة بمنطقة ثانية على أساس عند الجدة المرة الكبيرة اللي يالله تشيل عمرها وربي الولد فوق مرضة الله يشفيه ينقط يلعب بالتراب وينام لي ثاني يوم بعييييد عن أمه الرحومة على قولتها السنعة اللي تجابلهم ويقوم ثاني يوم بنفس اللبس والغبار منظر بحياتي ما أنساه لذاك الولد شهالقلب صخر جلمود الحمدلله والشكر..ولي تضايقت من شي وتبي تنام صرخت بأعلى صوتها على الخدامة إخذييييييها برااا وتجي الخدامة تاخذ هالضعيفة اللي ما تأذي وماكانت تبي غير حضن أمها<<إن كنت ناسي أفكرك:krkrkr:
لا ويبون عيالهم يبرون فيهم!!ما أقول إلا عسى كل وحدة هذي تربيتها لعيالها إنهم يقطونها ويهيتونها مثل ما هيتتهم..
متى بس المتزوجة تاخذ معاش وتقعد في البيت أحسن متى؟؟؟؟؟

 

[نهى الأحمد]

رد: °°◦ღ♥ஓ فيما يتعلق بالخدم،،موضوع هااام جداً ஓ♥ღ◦°°

تسلمين الله يعطيج العافيه على الموضوع المهم وجود الخدم بالمنزل نعمة ونقمة في الوقت نفسه وسلبياتهم أكثر من ايجابياتهم بس شنسوي شر لابد منه ..
ولا ننسى ان وجودها ما يلغي دور الأم (صاحبة البيت) فالزوجه اهي الأساس ودور الخادمه تكميلي لا أكثر

معرفة سلبيات وايجابيات الخادمة
الايجابيات
وجود الخادمه في البيت يساعد على ان يخفف ضغط المسؤوليه على عاتق الزوجه
بأن الخادمه تشيل حمل من أعباء البيت فبالتالي الزوجه تبدا تتفرغ وتهتم
بنفسها شوي
عندها من تترك عيالها عنده وتقضي مشوار ضروري
المجال مفتوح ان تطلع مع زوجها بروحهم والخادمه تشوف اليهال


السلبيات
من أهم وأخطر سلبيات مجالسة الخدم للأطفال يبدا اليهال باكتساب معتقدات دينيه ما تمس بديننا الاسلامي بصله
لا قدر الله طلعت الخادمه من ذوات الشذوذ واليهال بايدها شلون الله المستعان
يتقيد كل من الزوج والزوجه باللبس الساتر جدام الخدم مو معقوله الأم بتطلع بعلاق أو كت جدام الخادمه !!!
مو الكل بعضهم بلاويهم ما تنتهي السرقة - السحر - المغازل
حتى الياهل لي بغى يتكلم مع أحد تحسين كلامه مكسر مسكين من كثر ماهو على طول مع الخدم
غير بعضهم بقلبه الحقد ان عسى ما الأم عصبت على الخادمه تروح على طول تحط حرتها بالياهل ويكون ماله ذنب حبيبي
من مساويء الخدم ان خدامة اخوي توها طابه الكويت ما مداها الا تعرفت لج على ولد عايه من اكبرها وأسمنها وحملها تخيلوا وياي اهو وأبوه يبي يخطبها من أخوي لأن الخدامه هددته تخيلوا راح مستقبل هالولد حسافة بسبة خادمه بس همن العيب من الولد ليش يطاوعها !!!
وجود الخدم بالمنزل يهدد استقرار الأسره ان تكون في علاقه محرمه بين الزوج والخادمه
وهذا موقع وزارة العدل يبين نسبة تأثير وجود الخدم بالمنزل ودوره بتهديد الاستقرار الأسري
http://www.moj.gov.kw/divorce/eight.htm



شنو المسؤوليات الواجبة على الخادمة
لله الحمد مو مقصره معاهم الخدم مرتاحين ومرتاحه معاهم بس أهم شي معاملة عيالي بقلب رحوم هذا أهم شي عندي
خصوصا ان داوم الصبح بس الحين اسم الله عليهم كلهم مدارس فمرتاحه أكثر وان تؤدي شغلها على أكل وجه


شنو دور الام في هذا الموضوع
للأسف تقلص دور الأم داخل بيتها وسلمت مملكتها بالمجان للخدم أو بمعنى أصح بدأ بالتلاشي لبعض المنازل فأصبح اعتمادها الكلي على الخادمه واهي الأبخص باحتياجات البيت وتديره بمزاجها
والمفروض ان ما تنسى الأم دورها ان اهي عامود البيت وان الخادمه مساعده لها بواجبات البيت .. مو تشيل وتسحب نفسها من مسؤوليات بيتها
توكل للخادمه مهمات معينة تأديها على أتم وجه وهني تشرف الأم بدورها أو تصحح لها الأمور اللي زلت فيها الخادمه
.. مجالسة الأم لأطفالها لأكثر وقت ممكن والاستماع لهم ومناقشة أمورهم الخاصه بصدر رحب وتربيتهم على الخلق الحسن
اشرافها الدائم على أمور بيتها ومشاركتها فيه من تنظيف وطبخ وغيره من الأمور اللي تخص بيتها

مدى تأثير الخادمة على الأطفال
ذكرتها بالسلبيات بس برجع اذكرها هني
اكتساب الأطفال معتقدات دينيه ما تمس بديننا الاسلامي بصله وتقليدها

حتى الياهل لي بغى يتكلم مع أحد تحسين كلامه مكسر مسكين من كثر ماهو على طول مع الخدم

وتسلمين للمرة الثانيه
نهى عسانا ما ننحرم من مواضيعج المميزة

هلا حبيبتي

الله يسلمج ياااارب

مشكوره على المشاركة الرائعة

ماشاءالله عليج

اعتقد ماعندي اي تعليق من عقب ردج

كفيتي ووفيتي

 

[نرج ـــس]

رد: °°◦ღ♥ஓ فيما يتعلق بالخدم،،موضوع هااام جداً ஓ♥ღ◦°°

الأخطر من كل هذا ان الأم تجعل السائق والخادمه يذهبون بالبنت للمدرسه أو تجعلهم يذهبون بها للمستشفى والعلاج لماذا ؟؟!! حتى عند المرض تهمل أطفالها !​

موووضوع خطييير ومهم جدا ​

شكرا يا نهى الأحمد بارك الله فيك ​

معاج حق هذا اخطر شي بس وين اللي يفهم

والاخطر لما الخدامه تتدخل بشؤن البيت وتسبب بالمشاكل بين المره وزوجها ولآ المره وحمولتها

هذي مشكله أكبر لآن في حريم عقوله صغيره ومرافجه خدامتها وتسولف معها بكل شي

<< لآن بالأصل ما لها صديقات ( منبوذه )

لو بنعد مشاكل الخدم ما نخلص .. تسلمين اختي نهى على هالموضوع .. ويعطيج العافيه





تم التعديل من الاشراف

 

[**وقفة فرس**]

رد: °°◦ღ♥ஓ فيما يتعلق بالخدم،،موضوع هااام جداً ஓ♥ღ◦°°

و نعاملها كوحدة من اهل البيت يمكن تشيل الصغير او تساعد شايبنا او حرمتنا الكبيرة
تونس مرضهم و تشيلهم بظروفهم الصحية

تسااااعد فقط في مثل هالوضع شتقولين للي ضروفهم الصحية لها وضع خاص والأم قاطتها بيد الخدم والعمة تودي الطبيب وهي مكبرة المخدة..
بس ما تحل مكاننا ولا تقطع تواصلنا مع اليهال
او تحل محلنا في بر الوالدين
لا في ناس اسمحولها تحل محلهم وتحل محلهم بعد في فضفضة الزوج لهم وتقعد الخدامه تفضح فيهم<<موذنبي إن الخدامه تجي شقتي وتقرق على خدامتي عند راسي وتكركر ولما أقولها شعندج تقول فضايح المعزبة الدايخة لمي خدامتج وسإليها المدام زفتج على هالكلام ولا لأ؟؟ صج كل يرى الناس بعين طببببببعه عبالج الكل مثلج تسولفين مع خداماتج وحاطتهم جواسيس ويجيبون لج معلومات مغلوطة طاح حظج فوق هالطيحة..


الام دورها تكون نبيهة و تعلم اعيالها الصح من الغلط
و تعرف اشلون أتكون سنعة يدام الريل والحمولة

الام لازم يكون عندها وعي وادراك
وربي كلامج عين العقل..بس وين اللي يفهم إذا صار عقه وتفكيره محدود وينه ووين الإدراك ومايهمها تكون سنعة لا مع الزوج لأنها أساسا موبالعته على كلامها ويوم جت الصجية هلت دموع التماسيح وقالت (فترة صعبة لحد يلومني)..ولا يهمها الحموله اللي تسميهم عقارب ولا سلموا من سلاطة لسانها وطعنها لهم حتى بالشرف والتشهير(هذي بعد فترة صعبة)ولا يهمها الناس لأن النفاق مبدأ تعاملها تاكل معاهم وتضحك وتقرض فيهم من وراهم بدم بارد..ولا حتى عارفة تكون سنعة مع نفسها لأنها فاقدة ثقتها بذاتها حتى سنين عمرها معترضة عليها(يارب تكملنا بعقلنا)
وينها ووين تعليم العيال؟ تعلمهم الكلام البذيء إيه غيره مستحيل..
خلها مع مرافج خدمها وسوالفها معاهم..صج لي قالوا"إن لم تستحي فافعل ماشئت"









تم التعديل من الاشراف

يا ليت حبيبتي انه ما نطلع عن مسار الموضوع

 

[نهى الأحمد]

رد: °°◦ღ♥ஓ فيما يتعلق بالخدم،،موضوع هااام جداً ஓ♥ღ◦°°

هلا والله اخيتي نسرين
منو نسرين؟ :d

شوفي حبيبتي انا اختلف مع اللي يقولون ان الخدم "شر لا بد منه" انا اشوفهم "نعمة يجب وضعها في المكان الصحيح"

انا اقول لج اشلون

يعني لما الوحده تقبل انها ادخل على بيتها وحده من دوله تختلف اختلاف تام عن دولتج و تختلف معاج باللغة و العادات و التقاليد ويمكن البعض منهم يختلف معاج في الديانه

اهني سيدة البيت لازم تحط في بالها هذي الاشياء و تنتبه لها

لان مو من الحكمه اني اسلم وحده ما اعرفها الخيط و المخيط في اموري كلها واخليها تسرح و تمرح في بيتي من غير ما الاحظها


في الامور الحساسه مثل تربية الاولاد هذا بيكون بشكل اساسي دور الام والخادمه مجرد مساعده

مهمتها تنحصر في الغسيل و التنظيف .. ومافي اي مشكلة اذا حطت الوحده طباخه تهتم بامور الطبخ و المطبخ طبعا باشراف راعية البيت


بالنسبه لي

الحمد الله بما اني البنت الكبيرة امي مسلمتني العهده في اغلب امور البيت.. يعني الخدم انا استلم جزء كبير من تعليمهم و تدريبهم

والحمد الله ما شفنا مشاكل منهم .. اهم شي انج تعاملينها كإنسانه واللي ما ترضينه على نفسج لا ترضينه عليها.. اتخذوا الرسول عليه الصلاة و السلام قدوة

واللي تقول ان الخدم ما يبين بعينهم انا اقول لهم ولا مره مرت علي خدامه من اللي تقولون عنهم الا اذا صج اهي يايه مو علشان شغل هذي راح تعرفينها من بداية الايام .. ما اشوفهم الا في البيوت الثانية والسبب يكون التسييب او سوء معاملتهم حتى باشياء يمكن انتوا ما تحسون فيها.. مثل ناس ينادون الخادمه بطريقة يمكن ما تكون بسب او شتم لكن تستشفين فيها الدونيه ..والخ

ومشكورة اختي نهى عى الموضوع

هلا حبيبتي

العفو ياقلبي

شخبارج

ماشاءالله عليج حبيبتي

ردودج وافيه

في الامور الحساسه مثل تربية الاولاد هذا بيكون بشكل اساسي دور الام والخادمه مجرد مساعده

هذا اللي ركزت عليه في موضوعي

الخادمة مثل ما قلتي ياقلبي دورها دور مساعده وتخفيف الضغط على الأم

غير جذي

معاملتهم معاملة زينه شي ضروري ومهم

لانه شكثر سمعنا عن مشاكل عن ضرب الخدم للأطفال في حال غياب الأباء والامهات محاولة منهم الانتقام

 

[هوااااويه]

رد: °°◦ღ♥ஓ فيما يتعلق بالخدم،،موضوع هااام جداً ஓ♥ღ◦°°

حيالله استاذه نهى
انا استغرب من الامهات الي الخدم يربون عيالهم
اصلا الام محد ياخذ دورها بالتربيه وبكل شي حتى نفسها بالطباخ
انا استغرب من خدامه تطبخ ونفسها بالاكل والا نفسها بالولد واهي شايلته والا تتنفس بوجهه
بصراحه الخدم وجودهم اساسي للتنظيف والمساعده
وبعدين الخدامه جايه منديره بعيده مو عشان تحن على العيال ولا فاضية انها تحن عليهم
هي تاركه اهلها وديرتها ومتغربه عشان الفلوس
أدري كلامي مو مرتب بس عساج فهمتي يا استاذه نهى​