°l||l° الزوجـــة و خــــوات الــزوج °l||l°

[راعية الطويلة]

المشاكل بين الحريم خاصة الزوجه و خوات الزوج
سببها الغيرة و حب التملك
لو حطت المرأة رب العالمين بين عيونها و خافته
كانت فعلا مدرسة تخرج جيل طيب و ملتزم
لكن تضيع دينها و دنياها بسوالف طفولية و قل عقل
بهالحالة يبي لها ((و أنا جادة)) تتعالج عند مختص نفسي
عشان تتجرد من العقد و التجارب الفاشلة و الغيرة الذميمة


الله يرحمنا برحمته و يعافينا من كل بلاء
آمين آمين آمين


مشكورة نهوي
موضوع مهم

 

[فوفو22]

رايي يتعلق ب 3 اشخاص

الزوجه :يجب ان تعامل اهل زوجها مثل ما تعامل اهلها ....وذلك عرفانا وجميلا للزوج ابو العيال

اخت الزوج: تحترم وجود امراه بحياة اخوها ......ولا تقطع علاقاتها باخوانها مهما حاولوا حريم الاخوان زرع الشوك بينهم

الزوج:المفروض يحافظ على خواته وزوجته بعيونه ........واذا اشتكت الزوجه من الاخت يقولها اختي احبها واحترمها وما اقدر اجرحها

ولو اشتكت الاخت من الزوجه يقولها لا يهمك زوجتي المهم انا راضي عليك

التصرفات بمشاكل البيت حلولها بالعقل وحسن احتواء المشكله

فوفو

 

[نهى الأحمد]

انا افضل العلاقه تكون رسميه ياحبيبتي وياقلبي وغيرها لا مهما كان المره تدور الزله عالثانيه

مشكوره حبيبتي لمشاركتج الطيبه

:eh_s(7):

 

[نهى الأحمد]

شوفي سالفة ان الريال مايتدخل بسوالف الحريم اعتبرها ميزه .. بس المصيبه لما الزوج يصف مع طرف واحد ويتجاهل الطرف الثاني ..
يعني تشوفين ريال مايرضى المره تطري اهله حتى لو مظلومه وحتى لو تبي تبرر موقفها او تبي تشكيله على طول يصف ويا اهله بدون مايسمعها حتى لو ماكانت قاعده تغلط على اهله ..!!

وفي رياييل العكس يقلقس تحت ريل مرته وتلاقينها مطلعه لاهله قرون وميننتهم مو مخليتهم بحالهم نفس الي تكلمتي عنها بالقصه ..

اهني اعتبرها مشكله بس لما يكون الريال حقاني وعاقل اهني الوحده تقدر تشتكي وتطلب منه يتدخل بالموضوع بس غيره لا ماتجازف ..

وبالنسبه لي صارتلي مشاكل ويا حمولتي دخلت زوجي مع انه عقالي بس حسيته شوي تعاطف مع اهله فاتصرفت بروحي

هلا حبيبتي

شاكره لج على الرد

اضفتي للموضوع نقاط مهمه

ومثل ما قلتي

الزوج لازم يكون منصف للطرفين

ويعرف شلون يتصرف بهذي الامور والزوجة بعد تحاول تكسب محبة اهل ريلها​

 

[نهى الأحمد]

بصراحة المفروض الوحده ماتشيل بقلبها وتغار وهالسوالف



اغار من اخت زوجي؟؟؟؟خير ليش اغار؟

الحمدلله انا وحمواتي علاقتنا حللللوه مع بعض حتى لو زعلني زوجي يوقفون معااي

واذا زعلوا مني يقولونها بوجهي مايخشون بقلوبهم وانا بعد صرت جذي

والحمدلله اهما مثل خواتي مايخشون شي عني وياخذون رايي بشغلات تخصهم

وحتى زوجي مرتاح من علاقتي معاهم الحمدلله

الله يديم المحبة بينكم حبيبتي ولا يفرق بينكم


أسعدني تواجدج العطر في الموضوع ومشاركتج

:eh_s(7):

 

[نهى الأحمد]

للوحده لازم تعامل زوجه اخوها على تربيتهااااا

واخلاقهاااا والزوجة كذلك

اما اذا كانت الاخلاق عدم الله يعين الطرف الثاني

والله لو كل وحده اعتبرت الثانية اخت لهلال جان ماصارت مشاكل بينهم

وانا عن نفسي اعامل مرت اخوي على تربيتي واذا صار بينا نقاش نحله بينا بدون

تدخل لا أمي ولا اخوي

يا هلا وغلا ياقلبي

عدل كلامج حبيبتي

شنو رح تخسر لو الزوجة عاملت خوات زوجها معامله زينه
ونفس الكلام اوجهه لخوات الزوج

وترا التربية مثل ما قلتي لها دور

أشكرج حبيبتي

نورتي الموضوع

 

[أم توتو]

حتى لو صرتي زينه ويا حمواتج تجيج وحده من حريم الحمى وتخرب عليج وتقول عنج كلام ماينقال بس انا ماوصلها حق ريلي وحتى لو ريلي مسالم مايبي مشاكل كل عشان امه الله يرحمها ويوم توفت امه الكل عرف ليش خالتي الله يرحمها كانت تحبني وماتحبها بس انا كسبتهم بالكلمه الطيبه والمعامله الحسنه والدعاء دايما ادعي لهم بظهر الغيب

 

[نهى الأحمد]

والله الوحده الي تآلف سوآلف وتحط قصص وتتفق مع خوآتها عـ الشر ..
آقول عفيه عليها من وين لها وقت تخطط وشنو الفرآغ الي عآيشه فيه يخليها تخطط لمؤآمرات ..!
بالنسبه لموضوعج ..معروف طبعآ مآفي آحد كآمل .. لكن لو تحصل لي لآ سمح الله مشكله مع اخته ..
مشكلتي بتكون مع اخته وبس ..مو مع امه ولآ خواته كلهم لآهو له شغل فيها ولا اي طرف ثآني / ماتوقع بخرب بيتي عشآن آخته لها خلق تتهآوش معآي ومتفرغه لي ..!
آلله لا يغير علينآ يآرب ..

هلا ياقلبي

عسى ربي يديم السعاده بينج وبين ريلج

والباب اللي يجيك منه الريح صكه واستريح

نورتي حبيبتي

 

[فوق الثريا محلي]

بحكيلج موقفي انا مطلقة من قريبي خواته كنن ربعي
اول ما ما ملجنا تغيرن ............... و عقب الزواج تغيرن واااااااااااااااااااااااااااااااااااااااااااااااااايد

ما تحسفت ع الظلاق كثر ما تحسف من تصرفاتهن

 

[بدون هويه]

نهى الاخت مهما اكتب ما اقدر اقول مدى اعجابي بكل موضوع طرحتيه فى المنتدى بدخل على طول بمشاركتج فى الموضوع

اتكلم عن نفسي سكنت مع اهل زوجي اول ما تزوجب طبعا خواته بالبيت مو متزوجات اعلنو الحرب معاي وانا ما ابي امدح نفسي والله على ما اقول شهيد ما تكلم بالمره كثر تحرشهم فيني زوجى شاف بعيونه لكن يرفض يكلم اهله وافق على طلبي نطلع من بيتهم وطلعنا والحمدلله وما غلطت على احد فيهم ابد بعد ما طلعت اعتذرت لى اخته وقلت لها انتو اهلي لكن !!!!!

فى كل زياره لهم ضحك تطنز نغزات طبعا على انا وانا احسسهم اني مو حاسه باللي يصير اتكلم واضحك عادي لكن قاعده على اصابي ولما اقول ما ابي اروح لان صار وصار وصار يقولي (( يادهينه لا تنكتين )) ما تبينهم يقولون لج شي ؟؟!!!

مع العلم انهم حش على طول بحريم اخوانهم الثانيات عندي وانا ما اشاركهم بالمره بالحش سبحان الله واذا تجمعوا ضحك وسوالف مع حريم اخوانهم الثلاث طبعا انا الرابعه وكلهم احزاب انا بس اللى عاديني اجنبيه والله المستعان مع العلم ان حريم اخوانهم الثلاث من اهلهم يصيرون لهم بس انا لاء

ممكن تقولين لي رايج يهمنى حيل

 

[منوووووله]

نهوووي نورتي قسم الزوجيه بالطرح الرائع


وانا من رااي .. الزوجه لازم تعمل حسابها اول مادش عش الزوجيه انها راح تكون زوجه لرجل

له ام وخوات يحبوون اخوهم ولابد اتصير سوالف وتكون مستعده لهلموقف بأنها تكسبهم من البدايه حتى لو بكلمه طيبه

عالاقل تتجنب اي شي ممكن يخرب علاقتها بريلها بالذات من خواته ...

 

[نسايم عود]

الغيرة موجوده طالما فى حريم
بالدوام / بين الخوات / الجارات
هذى طبيعة بنات حواء كلللهم
بس اللى يفرق ان اكو حريم تخاف من الله وتحاسب نفسها وعندها النفس اللوامه
واكو حريم النقيض
والطق على الريااال وعلى قولة المثل الفرس من خيالها والمره من رجالها
اهوا الميزان فى البيت يا يصير ويا جانب على الثانى يا يعدل
وبالنسبه لخوات الزوج انا افضل العلاقه تكون رسمية وما تطيح الميانه بزياده
هذا رائيي المتواضع

 

[ضايعة بدنيتي]

عليكم السلام ورحمة الله وبركاته

نهاوي بقسم الزوجية ؟ يا هلا وغلا ومليون مرحبااا

انا اتفق مع حبيبتي راعية الطويلة بكل الي قالته

فعلا لو الحريم يتصرفون على اساس خوفهم من رب العالمين والمحبة في الله كانت ما صارت كل هالبلاوي ...

الطريق الصحيح لعلاج مثل هالمشاكل الاجتماعية الخطيرة والي صارت امورروتينية للأسف .. هو التقرب من الله والخوف منه وطلب رضاه حتى في تعاملاتنا مع الغير

عسى الله يهدي الجميع يارب .

كثري من هالمواضيع الحلوة في الزوجية .. فديتج دائما ما شاء الله مبدعة

 

[softlady]

انا رايي ان الكلمه الطيبه وادب البنت ودينها + احترامها لنفسها + اعتزازها بكرامتها

تخلي الكل ما يتعدى عليها

الموضوع جدا سهل

الناس منظره تنعكس عليهم تصرفاتج والروح تكسبينها بالود والاحسان حتى لوكانت صعبه شوي

من جم يوم شفت فيديو اسد حظن مره ربته من يوم ماكان صغير

تخيلوا وهو اسد

اشلون الانسان !!

 

[الشامخة بوطنها]

هوو بعض الاحيان تجيج مرت الاخوو عوبه ونفسيه ... وبعض الاحيان بيت زووج عوبان ونفسيه يبوون يمشوون مرت الولد علي كيفهم وكانها ملك لهم
وزين يفرض احترامه
يعني المفرووض بيت زووج ميد دخلوون في بيت اخوهم مهما كان
وزووجه اختك سووت واختك فعلت انا محبها خلاص تحشيها وبعدي عنها ويبقي كل عايله لها اسلوبها

اي صاجة انا بالنسبة لي ماعندي الا مرت اخو وحدة ومكفيتني عن عشرة من يوم جيتهم وماعلنة الحرب علي مادري ليش مع اني يعلم الله اني عاملتهاااال اكثر من من معانلتي لاخواتي بس مايضيع معروفي الله ياخذ حقي لو اتكلم شسوت منهي لي باجر ماخلص الله كريم

 

[نهى الأحمد]

انا الحمدلله علاقتي مع حمواتي تووب لاني احبهم نفس خواتي

واذا بدر منهم غلط مااشيل بقلبي مافي واحد معصوم وهم الخوات يتهاوشون والحق ينقال حماتي تنحط عالجرح

اهم شي ماتكوني من ربع قال وقلت ولامور بتكون بخير

واذا كسبتي اهل الزوج ترى ربح لج لانه هذيلا اهلج اللي بتمين معاهم لاخر العمر

هلا عزيزتي
اسعدني مشاركتج الحلوة بالموضوع

والله زين تسوين وعين العقل ياقلبي

والله يخليكم لبعض

 

[البنفسسسج]

اب اب اب

 

[Habibat Abooha]

انا وحده اعاني من اخت ريلي

لله جذي ماتحبني

اذا رحت عندهم تقعد تنقز باختها الثانيه او تقول له ليش طولتوآ فوق اشعندكم وتضحك من تحت لي تحت

واذا قعدنا على السفره تقول امبيييه فلانه حطي لريلج تعلمي السنع واذا حطيت تقول ووووي هاتي ماتعرفين وتقعد اتحلطم

واذا رحنا زواره واهي موجود تقعد تطالعني من فوق لي تحت وهم تنقز باللى ينبها وتضحك

سوالف وايد ماذكرتها ظيم ظيييم

كل هذآ بين عيونه بس مايكلم اخته او يقول لها ليش

وعمري ماقلت له او فاتحته بالموضوع

ميخالف يجزاي على ربي

ويجزآها على ربها

 

[نهى الأحمد]

هوو بعض الاحيان تجيج مرت الاخوو عوبه ونفسيه ... وبعض الاحيان بيت زووج عوبان ونفسيه يبوون يمشوون مرت الولد علي كيفهم وكانها ملك لهم
وزين يفرض احترامه
يعني المفرووض بيت زووج ميد دخلوون في بيت اخوهم مهما كان
وزووجه اختك سووت واختك فعلت انا محبها خلاص تحشيها وبعدي عنها ويبقي كل عايله لها اسلوبها

هلا حبيبتي

نورتي الموضوع

كل ناس ولها اسلوبها بالتعامل

والمحترم يفرض احترامه على الجميع

وانا افضل انه اطراف الموضوع يبقون حبايب

 

[الشهد كله]

شوفي حبيبتي نهى

آنا عن نفسي من أول سنة زواج لما كنت أقوله أهلك يقولون عني كذا وكذا

قالي شوفي انتي حرمة وهم حريم ، وانتي مو جليلة لسان ، أخذي حقج بنفسج

بدون ما تلجئين لي ولا تقولين لي ، قلت له مصرحني ، قالي مصرح لج تاخذين

حقج منهم ، مثل ما يعطونج عطيهم ، بحيث آنا ما أتدخل بينج وبينهم ، ولا لي علاقة

بمشاكلكم !!!!!!!!

ومن هذاك اليوم لليوم اللي تتحرش فيني أرد لها الصاع صاعين ومحد له شغل فيني

اللهم قبل سنة ونص أو سنتين صارت مشكلة وكبرت قمت وقلت له السالفة كلها

حزتها أهو أخذ حقي ، اشلون مادري ، ولا أبي أعرف ، المهم انحلت المشكلة ....

والله يهدي النفوس ، ولا أحد يكره الثاني ولا يحقد على الثاني :yaaaaaarb::yaaaaaarb::yaaaaaarb:​