.·:*¨`*:·. دوانيه المغتربات .·:*¨`*:·.

[De3La^85]

مجنونه حبه وتوفي اشلوونكم ؟؟

واي انا ردتي مطوله للحين ما اتضحت الرؤيا عندنا لله يسهل ان شاءلله

والي بردون عليهم بالعافيه

وعليا الحين حسيت بالخدم لي قالوا بنسافر نشوف اهلنا هذا وانا كل يوم اكلمهم بالساعات وما يبقا وسيله اتصال مو عندنا من بلاك بيري لي تلفون لي كمبيوترات ربي لك الحمد

لله يعين الي بالغربه طول عمرهم

 

[Filakawyia]

لوووووووووووووول دعول

لالالالا شي مو طبيعي

والله عاد كنت بكتب يا دعول شدي حيلج

ههههه انتي جم لج . . .جم اسبوع ؟؟؟

وناسه صرنا مع بعض

الله يتمم عليج يا رب و يهون عليج

 

[q8_toffee]

السلام عليكم
الله يسهل على الي يبي يرد الديره ويرجع حق اهله غانم سالم
اشلونكم شخباركم

وعليكم السلام والرحمة والبركات
تسلمين حبيبتي ، الحمدالله بخير انتي شلونج شخبارج

انا بخير فوفو انتي شلونج مع تقفل ونقلة اغراضج وتريباتج

الله يتمم عليكم يابنات والفال لنا انشاءالله

 

[chocolate fondue]

ألف مبرووووووك فوفو و دعووووول الحماااااااال و عقبااااااال الناطريييييين ياااارب

الله يتمم عليكم يااااااااارب

إنتوا شنو بجر ؟؟؟

الله يعينكم على النساة

بس اللي تتنسى على ريلها بالغربه ماكو فجه وين بتروحين عنه هههههههههههههههه الله يعينج و يسهل عليكم إن شاء الله

والله صج صج بنااااااااات أحس ابهالديوانيه مو بس رفيجات صرنا أهل فرحت لكم من كل قلبي

إن شاء الله نفرح ابولادتكم يااااااااارب

 

[Filakawyia]

اهلين توفي انا بخير الحمدلله

الله يبارك فيج فوندووو

اي اثنيناتنا بجر

و على قولتج اتنسى فيه و حسباله اتدلع

مو راضي يحس فيني . . . كل ما قرب صوبي عصبت و لاعت جبدي

 

[De3La^85]

فوندوو مشكوووره حبيبتي اي ولله بجر وماندري شالطبخه لول انا طول المده عبالي مريضه وحايشني فايروس هههههه

فلجااويه انا مادري اشلون يحسبونها بس انا الحين لي شهر واسبوع من اخر دوره !!

وملوعين جبدي دكاترتهم اهني محد راضي يشوفني يثقولولي لازم تكملين 8 اسابيع !! ابي اسوي تحليل دم بتأكد للحين شاكه لول

بس ما قصرت بالتحليل المنزلي كل يوم اسوي

لله يتمم ان شاءلله ويسهل علينا ويرزق كل محرومه

 

[Filakawyia]

دعوول . . انا بعد عطوني موعد بعيد

قلت لهم بسافر يعني شلون اسافر عمياني قبل ما اتطمن

عطوني موعد عقبها بيومين

و الحمدلله سويت سونار و تطمنت على النبض

و تقولي حسب السونار لج 8 اسابيع بس مستحيييييييييييييل

يعني اتوقع لي 6 اسابيع و شوي او 7 اسابيع بالكثير

و عطتني موعد يوم اليمعه عشان تشوف مفعول الادوية

لان تكرمين اللوعه و الترجيع مالهم والييييييي

 

[chocolate fondue]

أفا عليييييييييكم إسأل مجرب إحنا بالخدمه ههههههههههههههههههه

و صح أهم نظامهم شوي صعب و مو مثل الكويت كل شهرموعد و سونار

و اللوعه و الترجيع شي طبيعي هذي النساة يا حبايبي الله يعينكم و طبعا الرياييل كل علبالهم دلع بس بعدين يتفهمون الله يتمم عليكم

 

[De3La^85]

وااي فيلجاويه اتهقين اجذب اقول بسافر لول ؟

انا للحين ماكو ترجيع الحمدلله لان توني .. انزين صج في سونار داخلي ؟؟
قوليلي اشلون اول زيااره واذا وايد خجوله وتستحين على ويهج دزيلي عالخاص هههه

فوندو بعد عمري ما تقصرون انتو بكلشي نافعينا ان شاءلله نخدمكم بالافراح

 

[غلاتي ♥ الكويت]

صباااح الخير :eh_s(17):

 

[Filakawyia]

لا يامعوده لا تجذبين . . . بس حاولي فيهم يعطونج موعد اقرب

الله يسلمج انا مو عطوني موعد بعييييد قبل سفرتي بجم يوم . . قلت خلاص مو لازم افتح ملف اهني . . . لما ارجع الكويت اراجع

بعدين شلختنييييييييييييييييي اللوعه و الترجيع ماقدرت اصبر كل يوم ابجي

كلمناهم و هم عطونا موعد بيوم السفرة تخيلي

قلنالهم ان بنسافر و احس بلوعه و عوار راس و ماقدر انام جان يجدمونا اشوه

و اول زيارة كانت عبارة عن سوالف مع الدكتورة . . فهمتها شنو احس فيه من جميع النواحي

و ريلي ماشالله ما يسأل بعد . . . لووول الا شلخها اسئلة

و اهيا عطتنا مافي جعبتها ( اخخخخخ عالاسلوب بس )

و عطتنا موعد حق السونار

يوم السونار بعد شلخناها بالاسئلة . . . و سوتلي سونار عادي بس افقصت بطني يعور شوي . . و راوتنا النبض عادي و بالالوان وناسة لون القلب ازرق و احمر و ينبض

و سوتلي سونار داخلي عشان تتاكد اذا بيبي واحد ولا 2 . . و طلع واحد الحمدلله . . بس الداخلي مايعور

و تلحفج يعني محد يشوف شي . . اهوه صج ويهج يصير لوحة فنان من الالوان بس تمشي السالفة

و بس عطوني موعد اليمعه عشان يشوفون مفعول ادوية الترجيع لان وراي طيااااااااااااارة الله يعيني عليها قاعده احاتي والله

و هذا كل شي

الله يتمم علينا و يرزقنا ذرية صالحة كاملة خلقا و خلقا و يعينا على برهم و يعينهم على برنا يا رب

 

[Filakawyia]

صباح الخير بلليل غلاتي

اشهالغيبه

 

[Filakawyia]

فوندو انتي ولدتي بامريكا ولا بالكويت ؟؟؟؟

منو ولدت بامريكا ؟؟؟

 

[بطه فيها نطه]

خواتي وحبيباتي بالغربه ... شلونكم ... مشتااااااااااااااااااااااااااااقه لكم وايد

وسامحوني الفتره اللي طافت ... الله يعلم بنفسيتي شلون كانت

اطمنكم انا الحين بخير والحمدالله ومافيني الا العافيه ... صندوق الرسايل عندي فل وهذا دليل محبة بنات المنتدى لي

الله لايحرمني منكم ....

كل اللي اوصلوا من السفر اقول لهم نورتوا الدوانيه و البنات الجدد حياكم الله معانا

و اللي نازلين الكويت بحفظ الرحمن ان شاء الله ... وشنغل ومنغل الدوانيه

دعول وفلجلج الف مبروووووووووووووووووك ياحلوكم

الله يفرح قلوبكم ويسهل عليكم ويرزقكم بالذريه الصالحه ...

غلاتي لك سلام خاص ومربع مني ... ماتشوفين شر قريت موضوعك

بقسم الصحه ...

شخباركم بعد ؟؟

 

[De3La^85]

فلجاويه شكلج انتي سابقتني بثلاث اسابيع او اسبوعين لله يتمم علينا ان شاءلله

وحق اللوعه انا امي كل يوم توصيني تقولي حطي بسكوت عند راسج يعني الصبح اول ما تقعدين من النوم لا تقومين بسرعه قعدي بالفراش وخلي حركتج بطيئه بالقومه واكلي طول اليوم لا تيوعين عمرج اكلي اشياء خفيفه بسكوت ونواشف ( انا للحين مادري شنو النواشف بس قاعده اقولج للتوصايات لول ) ولله يعينج ان شاءلله ما تطول هالنساه الخايسه ومشكووره على تقرير الزياره الاول

غلاتي سلامات خير ان شاءلله شهالغيبه ؟

بطوووووطه !!!!

لأ لألألأ مو قبوووول وين هالغيييبه !! فقدنااج ولله لا تعيدينها رجاء

ولله يعينج سلامتج من كل شر
لله يبارك فيج

 

[منورة الكويتية]

لووووووووووووووووووووول حلو حلو شكله التجمع ايب الحمل

الف مبرووووووك دعله وفلجلج
حبايبي والله عسى ربي يتمم لكم بالعافيه يارب وييسرلكم

خوش اخبارررر


بنات متى ردتكم

ابي ارد الكويت تعبت بس تو الناس ردتنا شهر 7

احس مافيني حيل انطر

 

[منورة الكويتية]

بطه ولكم بااااااااااااااك
توها مانورت بريطانيا

 

[chocolate fondue]

فوندو انتي ولدتي بامريكا ولا بالكويت ؟؟؟؟

منو ولدت بامريكا ؟؟؟

ولدت بنتي في كندا

 

[chocolate fondue]

بطووووووووووووط جذي اتخليني و اتغطين عني

ولهنا علييييييج يالغاليه

اشلوووونج ؟؟؟ و شخبااااااارج؟؟؟

و سالفة النفسيه عادي كلنا مره بالطااالع و مره بالنااااازل الله كريم

البنات الحمل اشلوووووونكم؟؟؟ ترى صج حق اللوعه آنا أتذكر بس أتعلج أو آكل بسكوت مالح تك الله يذكره بالخير ههههههههههههه

منوره شخباااااااارج؟؟؟آنا بعد شكله ردتي مثلج تو الناس

 

[مجنونة حبه]

السلام عليكم
الف الف مبروك يا الفلجاويه ودعول وان شاء الله يقومكم بالسلامه ويسهل عليكم
اشلونكم وشلون تجهيزاتكم
ادري اني غبت شويه ( لا وايد ) لانكم عارفين خالتي ام زوجي عندي وان شاء الله ٥-٥ راده الكويت
فحوسه معاها عالسوق
اي ابشركم اخيرا تشجعت وسقت سياره بليسن الكويتي وان شاء الله امتحن واحطلي ليسن امريكي
بعد شنو نسوي لضروره احكام
اليوم كان غدا محموس لحم ونخي وان شاء الله بعد ما يرد ريلي اسوي فطاير بيتزا وجبن ( شكو ما سألناج بس شسوي طفاقه )
راجعتلكم اقرى الي طاف واردلكم