.·:*¨`*:·. دوانيه المغتربات .·:*¨`*:·.

[q8_toffee]

صباح الخير على الكل

شلونكم شخباركم

انا اشتري من sam`s club ومن hy-vee ومن wall mart

sam`s club and wall mart نفس الشي بس الفرق ان سامز يبع بالجملة ماكو حبات نفس ماقالت الاخت كلينكس 10 حبات ومعلبات كله كراتين 8 حبات او 10 حتى التوست والبطاط يبعونه اثنين مع بعض الدجاج واللحم الباكيت الكبير بو 10 او 12 قطعه

hy-vee حلوو ونظيف وتلقين فيه كل شي ووايد احلى من wall mart لان تبع الاشخاص نفسهم فيهتمون بالزبون ووايد ويشفون شنو يبي وشنو ناقصه وحتى اذ تبين شي فرش يسونه لج مرات

 

[love love]

عالم حواء شلونج

متى السفره

ان شاءالله 5-11

 

[emerald]

رد : .·:*¨`*:·. دوانيه المغتربات .·:*¨`*:·.

مرحبا بنات

بسألكم يمكن وحده مرة بنفس ظروفي

انا بسافر اخر السنة بدرس لغة وعقبها ماستر بامريكا

وعندي ولدي عمره 4 شهور ماسويتله فيزا ولا راح اخذه معاي

بس الحين كل ماقربت السفرة يعورني قلبي ماودي اخليه واروح

اخاف اخذه ويتعبني هناك وانا اول مرة اروح امريكا والمدينة حدها باردة اخاف عليه من البرد وانا بدرس لغة يعني ودي اكون متفرغة

اذا برد اخذه ما اقدر الا برمضان السنة الياية يعني بيكون عمره سنة وخمس شهور << واايد

شتنصحوني اخذه واتوكل على الله والا اخليه واصبر قلبي ​

 

[Frawlaah]

رد: رد : .·:*¨`*:·. دوانيه المغتربات .·:*¨`*:·.

مرحبا بنات

بسألكم يمكن وحده مرة بنفس ظروفي

انا بسافر اخر السنة بدرس لغة وعقبها ماستر بامريكا

وعندي ولدي عمره 4 شهور ماسويتله فيزا ولا راح اخذه معاي

بس الحين كل ماقربت السفرة يعورني قلبي ماودي اخليه واروح

اخاف اخذه ويتعبني هناك وانا اول مرة اروح امريكا والمدينة حدها باردة اخاف عليه من البرد وانا بدرس لغة يعني ودي اكون متفرغة

اذا برد اخذه ما اقدر الا برمضان السنة الياية يعني بيكون عمره سنة وخمس شهور << واايد

شتنصحوني اخذه واتوكل على الله والا اخليه واصبر قلبي ​

صراحة أنا لو كنت مكانج آخذه وياي ما أقدر قلبي يعورني ، بس شوفي ظروفج ما عليج مني أنا وايد حساسة ، بعدين عادي لبسية ملابس شتوية ثقيله وبردهم أمريكا ما يدش بالعظم مثل الكويت دفييه والله يحفظة إن شاء الله ... وترى وايد سنة بتردين تلاقينا مو متعود عليج أنا ولدي لما كان بالأشهر جذي 6 شهور كان يبجي ليه مريت يمه يعني طاعي 6 يفهم شرياج إذا سنه أمبيه حراااام لا تخلينا عورني قلبي عليه !!

 

[Frawlaah]

وصدقيني ماراح تقدرين تخلينا حراااااااااااااااااااااام

 

[مجنونة حبه]

السلامممممممممم عليكم
انا عندي كاسكو الجمله احسن لي واوفر وينتم شهووووور عندي وفي بعد فلافل مثلجه ولبنه وحمص ومرات ينزلون لحم مذبوح حلال
واحجام كبيره احسن من نصابين بقالات عربيه

 

[مجنونة حبه]

اما سيف وي انظف وارتب حق شغلات بسيطه الي نحتاجها يوميه وفي صلص مثل توست والصمون ومعكرونه وفي صلصات حلوه بعد يعني اشياء الصغيره
اميرالد اتصدقين ماراح اتركزين واهو بعيد
ج لانج راح اتحاتينه واااااايد وغير شوق وبالنسبه حق البرد مو نفس برد الكويت مثل ماقالوا لبسيه وحطيه بكرسيه اهم شي حق سياره ترا ممنوع اتشيلينه لازم كرسي الصغير ينحط فيه فلازم اتيبين معاج بس خوفي ماتركزين بدراستج خل احد من اهلج ايي معاج علشان لما اداومين يمسكه جم شهر لما تتعودين وتستقرين

 

[مجنونة حبه]

عاد اقولكم سالفه ولادتي اهني بامريكا وتحديدا لوس انجلوس
سافرت امريكا وانا بشهر السابع يعني تقريبا نهايته شلون قلت حق الدكتور ان يكتب ورقه اني بالشهر السادس وبما كان بطني صغير فطوفوا المطار وسافرت
بس الي معاي ريلي وبنتي الي صار عمرها سنه وست اشهر وحماي الي توه داش جامعه
وساكنين كلنا بنظام كومبلكس انا شقه مع ريلي وبنتي بشقه وحماي واثنين من ربعه بشقه
متفقين انا وياهم اذا ولدت يخلون بنتي عندهم وغير توصيات والاكل الي تحبه وغيره
خلصت شهري واحس بعوار يروح وايي بس مو ذاك زود اكيد قبل نهايه الشهر التاسع ماخليت شي وجربته من خروع غير المشي وغير تمارين الي اوقف واقعد ما كو فايده كلش
رحت عند دكتوري واهو كان فلسطيني الجنسيه كشف علي وطلعت تقريبا من 2 الى 3 سانتي وقالي خلصتي شهرج ولازم انحط موعد عالولاده وطلق صناعي
اخترت يوم 24 -8 ناسبني وقالي اذا نزل الماي او حسيتي بطلوق روحي المستشفى
وبعدها اكيد البحر اسمه لاجونا بيش بكاليفورنبا امشي علشان يتسهل ويمكن افتح لان الصراحه جربت بنتي طلق الصناعي ومو ناويه اكررها مره ثانيه

 

[q8_toffee]

lمجنونه انا ضفتج عندي انتي وضي

بس ترى انا مو حاطه صورة ولا شي

 

[q8_toffee]

lمجنونه انا ضفتج عندي انتي وضي

بس ترى انا مو حاطه صورة ولا شي

 

[ام كوشه منكووشه]

رد : .·:*¨`*:·. دوانيه المغتربات .·:*¨`*:·.

السلام عليكم بناااات
اشلونكم وشخباركم
بنك دريمز الحمدالله على سلامتج ومبروك ماياج يتربى بعزكم ان شاءالله..

ام عبدالوهاب احنا تقضى حق البيت sam's club واذا مستعيله وابي شغلات بسرعه اروح wal mart..

 

[مجنونة حبه]

دشيت المستشفى وكان دكتور حاطلي موعد وخلصت اوراقي من تسجيل وانشورنس وكان بس معاي بنتي وريلي وممنوع اليهال يدشون قسم الولاده فكنا ناطرين حماي متى ايي من الجامعه علشان ياخذ بنتي
قلت اصعد واخلي ريلي معاها المشكله اهي متعلقه فيني واااايد لما صعدت اصنصيل علشان اروح قسم الولاده اسمعها تبجي وقلبي يتقطع شلون اخليها واهي ماتدري انا وين رحت وشلون اذا شافتني ومعاي بيبي صغير اخاف تكرهني والمشكله راح اقعد 24 ساعه بمستشفى
لما وصلت حالي قسم ولاده وانا مبتسمه وكاشخه لووول
لاتضحكون لان اعرف ريلي عدل لما ولدت بنتي قاعد بس يصورني وانا كنت حدي دايخه من الكمام ويهي اصفر فشكلي كان غلط قلت هالمره لازم البس واتمكيج علشان صور تطلع حلوه اخاف يطرشها عالاهل فلازم اكون باحسن صوره
لبست درنكسوت وردي حلو ناعم وشيله بيضه شوارفسكي ومكياج بني ناعم
وصلت غرفتي غرفت الولاده حلوه وكبيره وفيها تلفزيون وحمام داخلي نست اقولكم المستشفى جارد جروف ورا دزني لاند بالضبط
دشيت الحمام وبدلت ولبست ملابس الولاده وخليت شيلتي ما فصختها وقعدت انطر لما يتلي نيرس اتهبل حبوبه اصلا كلهم حلوين وقلبهم طيب وفيهم صبر

 

[ام كوشه منكووشه]

رد : .·:*¨`*:·. دوانيه المغتربات .·:*¨`*:·.

واااي مج مج بنتج كسرت خااطري صج صعبه لمن تكونين بالغربه وبتوالدين ياربي احس طوول الوقت بيكون بالج مشغول فيها وانتى تولدين...

وناااسه الموضوع صاار ذكرى الولاده بامريكا.. ان شاءالله بس تخلص مج مج احط لكم قصت ولادتي بامريكا

 

[مجنونة حبه]

بنات لحظه قاعده اكتبلكم قصه ولادتي وحدي متندمجه
توفي عطيني رقمج لان ما وصل شي
::::::::::::::::::::::::::::::::::::::::::::::::::::::::
نسيت اقولكم الفحص الداخلي بامريكا ما يعور تدرون ليش لان اذا دخلو اصابعهم ما يوسعون فقط يقايسوون اما الكويت لا يوسعون شذي اتحسين بعوار بامريكا يحبون الشي يصير طبيعي من غير تدخل
فحصتني سيستر وبعدها استغربت قالتلي مااتحسين بعوار قتلها اي خفيف يروح وايي بس مو منتظم قالتلي انتي من 3 الى اربع سانتي
انا استغربت ما احس بشي
قالتلي اذا ابي اي تخدير قتلها اي في كمام ( ما ايوز )ضحكت اتقول اهني ممنوع الكمام وهالشي من زمان على قولتها ايام يدتي يستخدمونه
عندهم مسكن او ابره الظهر
قتلها ابي استفسر عن ابره ظهر لان سمعت في اخطار وقتلها عن الاشياء الي اعرفها من ناحيه ان ما اقدر امشي او ظهري يعورني ابتسمت لي وقالت لاتخافين اهني وااايد يسوونها وما في اعراض كلش الا الوحده الي عنها حساسه منه وقالتلي علشان ترتاحين اييبلج دكتوره التخدير وساليها
كانت الساعه تسع الصبح يتلي الدكنوره واقتنعت بكلامها وقالتلي بعد ما يركبون الطلق الصناعي اتحطلي ابره الظهر قلت اوكي
وبعدها بلشوا طلق الصناعي توقعت تحاميل نفس الكويت
بس طلع درب ويتحكمون فيه قالتلي ان حسيتي بعوار قوي ومنتظم قولي علشان انادي دكتوره التخدير
قلتها اوكي واطلعت النيرس وتميت حالي دقيت على ريلي وقتله الي صار وسالته عن بنتي اكيد كان الجواب انه ميننته وماخلت شي وما اشترته
واهو ناطر اخوه علشان ياخذ البنت قتله اوكي انا ناطرتك
شغلت تلفزيون وافرفر بهالقنوات لما طحت على قناه كلها قصص ولاده وشلون الولاده والمرا الي تصارخ والي تولد بالبيت وانا قلبي قوي لووول مو جني راح احصله بعد شوي
صارت ساعه 3 عصر واحس بعوار بس اقدر استحمله يروح ويرد
كان كل شوي اتيي سستر اتشيك فاخر مره طلع من 5 الى سته
قالتلي تبين انحطلج ابره الظهر الحين قتلها اوكي وبعدها يا لي ريلي ومعاه ضفدع اخضر صغيرون يقول هذي حق ولدي من بنتي اشترتله ياه قتله حده مو وقته اول شي اولد
قعد عندي لما يتلي دكتوره تخدير وطلبت من ريلي يطلع
وقعدت وحده ماسكتني علشان ما تحرك ودكتوره ورا ظهري اتقز الابره وتثبتها واكيد تسولف معاي ياحبهم عالسوالف لا وعلمتهم جم كلمه عربي لووول
وبعدها انسدحت وياه ريلي
قالتله دكتوره ان ولا مره شافت وحده تبي تولد وتبتسم وتضحك وتسولف قلت بقلبي بعد عطيني عين
قالها اي مستانسه تبي تولد لووول علشان نستقبل الولد بابتسامه

 

[مجنونة حبه]

وقعدت لما وصلت سبعه سانتي والمشكله ماي ما انبط اقولها بطولي ياه اتقولي لا الا بوجود الدكتور واهو الي يبطه
المهم وقت ليه سبعه سانتي وقفوا عني الطلق الصناعي وقالولي ننطر دكتور لمل يي لان عنده حاله ولاده يخلص وايي
قلت اوكي وقالوا يبون انفتح طبيعي من غير طلق
تغير شفت نيرس ويتلي وحده ثانيه وكل ساعه يشيكون بس مافي تغير سبعه موراضي يزيد وغير شذي احس بطلق خفيف مو قوي بس مو منتظم
نسيت اقولكم الكل صار من سيسترات ايون عندنا يطقونها سوالف معانا ويروحون لووول حبونا
وريلي بهالفتره بس قاعد يصور فيني وانا ما خليته بعد يبت كاميرتي وبعد قاعده اصوره ونتصيد بعض بالكاميرات كان تضييع الوقت وبالكويت ماقصروا كل شوي يدقون تلفون ويطمنون علي
وبالنسبه حق بنتي لووووول لعوزت الشباب ما خلتهم يدرسون غير اقلام ودفاتر الي تبوقهم خلوا دراستهم وقاعدين يلعبون كره معاها والي يسويلها بيضه اشكالهم اضحك والمشكله ولا واحد فيهم بعمره جابل ياهل فكانت درس لهم
وقعدت من غير طلق صناعي وجيس الي مو راضي ينبط لما ياه دكتور تقريبا ساعه 8 بليل استغرب من شغلتين ان للحين مازدت عن سبعه ولا حس بطلوق منتظمه وثاني شي الجيس ما انبط
اما انا ما استغرب لان جربتها بنتي
اخيييييييرا بطلي جيس وقالي جذي راح تتوسعين بس من غير طلق صناعي قلت اوكي بس قتله ابي 24-8 اولد علشان احب ارقام زوجيه لووووول حدي فاضيه
ضحك قالي اوكي وتميت ويتلي سستر وتشرحلي لون اسوي بوش لان صراحه بنتي ما قدرت اسوي بوش لان ماكنت اعرف
صارت ساعه 12 بليل واخيرا صرت تسعه وقالتلي اذا حسيتي شي تحت قوليلي علشان هذا راس بيبي وانا كل شوي اناديها واهي تنظفني لما
ياه دكتور ولمس راس بيبي وقالي يالله بوش وانا ولاول مره اسوي بوش مع كل طلقه ورليل يطالع وانا اقوله لا تشوف شوفني لووول ما ابي يتعقد بس الله يهديه قاعد فوق راسي وعينه صوب ثاني يبي يشوف وبعدها قالي راس ياهل لاف غلط وياب شفاط ومع البوش طلع ولدي ساعه وحده تقريبا بيوم 25 -8
خذا دكتور مقص وعطاه حق ريلي قاله قص المشيمه ريلي خاف بالاول عباله راح اتعور لووول بس بعدين قصاه وخذوا الولد وراح يغسلونه يمي كانوا امجهزين كل شي وبعدها حطوه بصدري يرضع شوي وخذوه

 

[مجنونة حبه]

ريلي ذبحني بس قاعد يصور عرفتواا ليش تعدلت خلو ولدي يمي بكرفايته وراحوا وانا دخت ونمت ولا حسيت الا لما قعدتني نيرس وودتني الحمام وغسلت ساعدتني لان كنت شوي ما اقدر امشي من مفعول البنج عطتني نفس المرش صغيرعلشان كل ما اروح تكرمون الحمام لازم اغسل بالماي
ورحت غرفتي بالويل شير وولدي بحظني نايم
نسيت اقولكم في قسم ولاده غرف وايد يعني تسمعين وحده تولد بالغرفه الي يمج واذا ولدت بحطون لحن حلو يقولون يستقبلون فيه المولود
اكملكم وصلت غرفه الصبح ونمت شوي وبعدها ياه ريلي ويايبلي دبدوب ازرق كبير وهديه لي سوار وترشيتين وقلتله عن بنتي وينها ليش ما يبتها قال ان ممنوع ادش ياهل داخل قالوله حتى كل ياهل حاطيله اسواره وانا بعد ان طلعنا برا غرفه يبين عندهم وان طلع الياهل برا قسم يصفر
حجز ريلي غرفه بالفندق يمي علشان يكون قريب وبنتي معاه وحماي
تم معاي بعدها راح وياه عندي بليل وخلصنا اوراق الي لازم انعبيه من الاسم وغيره وكلمت بنتي بعد عمري اتحاول تتكلم احسها مخنوقه تبي تبجي وانا بعد
نسيت اقولكم في دتوره تمر عليج منها تعلمج شلون اترضعينه وتعطيج جنطه فيها سانبل عن الاغراض بيبي وغير هذا اتيلج سستر اتكون لج تغصبج تمشين وترضعين الياهل كل ساعتين وغير تبديل
والياهل ما يفارقج ولا دقيقه صج الكويت غير
صار بليل ونمت وكتضايقه لان صج ذبحوني كل ساعتين تقعدج وحده قوووووووومي رضعي
لما صار صبح قلت خلاص ابي اطلع لان دكتوري قال اوكي مافيج شي وكل تمام وغير كاتره الياهل فحصوه وقالوا كل شي اوكي
الحلو انا ريلي وبنتي كانو برا ناطريني بعد ماخلصت اوراق الي معطيني ياه شلت ولدي وطلعت جان ايولي سسترات وقفوني لووول خفت انا عبالهم ان ابي انحاش قالولي رجعي بيبي مكانه قتلهم عندي ورقه ان يسمحلي اطلع
قالوا الياهل مو شذي ينشال انا استغربت قالوا وين كرسيه
زين ان ريلي امنزل كرسي الياهل معاه يصير نفس باسكت دقيت عليه وبطلوا الباب الي فاصل بيني وبينه كان من زجاج شفت بنتي كاشخه ناطرتني بنفنوفها الوردي تطل علي من الجام وتاديني بعد عمري
خذت نيرس الكرسي من ريلي ورحت الغرفه وعلموني شلون احط بيبي داخل وبعدها يابت معاي مرافق وعاها ويل شيرلوول جني بسجن ناطره افراج حطيت اغراضي فيها لان ما ابي اقعد بالكرسي واول ما بطلوا الباب وانا يايه وريلي انتهز الفرصه ما يضيعها معاه كاميرا الفيديوا يصور
بنتي اركضت يت صوبي ودشت داخل وسيسترات نو نو وكشتنا فيهم وخليت ولدي بالارض ولميت بنتي وابجي واهي بعد عمري تبجي
لما طردونا لووووول ماعندهم هالمواقف تمشي عليهم كلش نظاميين
وشافت ولدي حمني اكيد ذابحها الغيره بس الحين تعودوا على بعض الله لا يفرقهم ويحميهم من كل عين قولوا اميييييييييييييييييييييييين

 

[مجنونة حبه]

وكانت بسنه 2009

 

[ضي]

واااو بنات قصصكم تينن*
الف الف حمدلله على سلامتكم
ويتربون بعزكم
*
توفي ترى ماوصلي شي*

 

[ام عبدالوهاب555]

كيفكو بنات؟؟

كويت توفي
hy-vee مو عندنا ، شفت موقعهم متأسسين من 1930 وعنهم افرع ب8 ولايات بس!


امرالد

ما انصحك تخلينه في وايد سنغل موذرس وعايشين وموظفات ، الحضانات موجودة والعيشة سهلة والشقق تقسيمتها مريحة، الله يسهل امرك



مج مج قصة ولادتك حلوة وفيها اكشن وايد!
بس ترى حتى الحكومة يخلون الياهل عندك طول الوقت ويعطونك ابرة ظهر اذا طلبتي وفيه اخصائية تعلمك الرضاعة وينطرونك لين تملين ، بس عيبهم البنيان الكئيب ونفسية السسترات:eh_s(14):

بس محد جاوبني عن تنزيل البرنامج للبي بي ياحلوين كيف نزلتوه من وين؟


فراولة

ياحلوة ليش ما تشاركين معنا؟




ترى ذبحني المنتدى وانا اكتب الرد يطلعني ولازم اسجل دخول مرة ثانية، شالسالفة:rgewrg:

 

[ام عبدالوهاب555]

اي ونسيت بعد

مج مج ...عجبني اسم الدلع منو مألفه؟؟

الطلق الصناعي خذيته بالكويت بالدرب مو تحاميل كان سنة 2007

بس بخاص مو حكومة!!