.·:*¨`*:·. دوانيه المغتربات .·:*¨`*:·.

[Filakawyia]

انا في اريزونا

والله بعيد عنج طايحة من القاري على ويهي و منكسرين خشمي و اسناني

والله و طلعتي بنت العم . . عاشوا الفيلجاوية

و انا بعد توني شاربة حليب امهيل و ماكله معاه درابيل مو شوقتونا شنسوي

 

[q8_toffee]

سلامات ماتشوفين شر حبيبتي خرعتيني شلون طايحه عاد انا عندي قاري الله يستر من الطيحات وعالتدعم

عليج بالعافيه ماكو احلى من الحليب والدرابيل

 

[Filakawyia]

الشر ماييج

ريلي رادفني و بالغلط ريلي حاشت الارض وانقلب القاري و اتييي الطيحة بويهي

 

[q8_toffee]

حطي بالج على نفسج

 

[o_mermaid_o]

انا في اريزونا

والله بعيد عنج طايحة من القاري على ويهي و منكسرين خشمي و اسناني

والله و طلعتي بنت العم . . عاشوا الفيلجاوية

و انا بعد توني شاربة حليب امهيل و ماكله معاه درابيل مو شوقتونا شنسوي

ماتشوفين شر حبيبتي
ماتسوى عليكم السالفه الظاهر كنتوا متأثرين من شاديه وكمال الشناوي

 

[irresistible]

هالووووو ازايكو يا زميلات المهنة فلجلج حدااااا عاجبني الاسم لة وقع رناااان

 

[Filakawyia]

يسلمو بنات

زوزو . . . اييي لوووول الاسم هبوا فيه رفيجاتي بالمنتدى بعد . . . لو تشوفين المواضيع القديمة ملوت 2008 او 2007 كله فلجلج لووووول

الظاهر صج له رنة هيهيهيهيهي

 

[irresistible]

ويا ويهي انا امس الفتة طلع اكوووو من قبل يعني ضاعت حقوق الملكية افاااااااا ماهكذا الظن

 

[o_mermaid_o]

اليوم صخه وين البنات فوندو اكيد سافرت

 

[o_mermaid_o]

ويا ويهي انا امس الفتة طلع اكوووو من قبل يعني ضاعت حقوق الملكية افاااااااا ماهكذا الظن

شلونج زوزووووووووووووووو
في محل هني اسمه nordstrom ruck
تعرفينه

 

[irresistible]

عجييييب اموت علية في عندنا 2 كل اربعا ينزلون بضاعة يديدة و تكسييير اسعار باجر انا رايحة

 

[o_mermaid_o]

صج انا الاسبوع الي طاف شفته بالمول بس كنت مستعيله ومادخلته تخيلي شكثر احوس بالمول بس اول مره اشوفه باجر اذا ريلي ما عنده شي باخذ السياره واقحص

 

[غلاتي ♥ الكويت]

بناااات ليش ما تردون على سلامي >>> السلام لله

السلام عليكم

 

[q8_toffee]

شنو يعني فلجلج ؟؟
لها معني ولا بس جذي
irresistible و o_mermaid_o انتوا بأي ولاية ؟؟

 

[q8_toffee]

غلاتي الكويت وعليكم السلام والرحمة والبركات
ياهلا ومرحبتين

 

[De3La^85]

مرحباااااا

زوزو وميرميد نوردستروم عندنا بالمول وانا كنت اطلب منهم من قبل لا ايي اهني

بس شنو هذا الي تقولون عنه شكله مثل الاوت لت يعني ولا شنو ؟

 

[irresistible]

مرميد انا اللي اعرفة ان nordstrom rack موجود في mall of america فوق النوردستروم العادي و لا انا غلطانة انا مارحت بس سمعت لاااااااا عيل طايفج وايد في شغلات يعني تلقطين اشياء اللي ما يبيونها المحل تصعد فوق روحي و شوفي انا اكثر شي احبة الجواتي عزكم الله عندهم ديزاينر كولكشن coach و ديور و فرساجي و و لاكوست و بولو اغلي جوتي سدح عمرة علي 100 دولار وفي ارخص بعد و تلاقين اشياء وايد الجناط الجوسي شكترهم مع البواكة و ملابس ويييييي حوسة اصلا هناك يبيلة يوم بروحة

غلاتي و عليكم السلام و رحمة الله و بركاتة

 

[o_mermaid_o]

شلونكم بنات
غلاتي وعليكم السلام
توفي انا ب منيسوتا
برطومه شلون النساة معاج
درقاء ان شاءالله متى ناويه تنورين امريكا
دعله انا ما دخلته ولا مره بس جنه استوكات زوزووووووو تمدحه

 

[irresistible]

هو مو ستوكات بس يعني عادي تلاقين عندة جنط يديدة من اخر كولكشن بس عيبة حظك نصيبك بعدين في شغلة لاحظتها كذا مرة ان الموظفين بسرعة يخمطون الاشياء يعني يدزون لي ايميل ان اليوم الفلاني نازل عندهم اشياء معينة اروح الاقيها خلصت متي خلصت مادري الاسبوع اللي طاف مثلا النوردستروم دازين لي المجلة و عجبتني نظارة مارك جيكوبس و قلت باخذها رحت rack لقيتها ب 35 دولار و اهيا اساسا ب 100 و شوي حتي النظارات الجوسي شحلاتهم بس الباجي ديور و شانيل الموديلات شوي قديمة بس حدا يونس احنا بنروح بعد شوي لان في واحد يديد فاتح شحلاتة و كل اشيائة يديدة مو مثل القديم لي دشيتي يفتر راسج لان يايبين مكياج ملوت بوبي براون و شماس بوكس علبة الشدو الكاملة تنباع علي 6 دولار مسوين عليهم خصم اليوم حتي مكياج ماك بس مالقيت شي يسوي

 

[o_mermaid_o]

مرميد انا اللي اعرفة ان nordstrom rack موجود في mall of america فوق النوردستروم العادي و لا انا غلطانة انا مارحت بس سمعت لاااااااا عيل طايفج وايد في شغلات يعني تلقطين اشياء اللي ما يبيونها المحل تصعد فوق روحي و شوفي انا اكثر شي احبة الجواتي عزكم الله عندهم ديزاينر كولكشن coach و ديور و فرساجي و و لاكوست و بولو اغلي جوتي سدح عمرة علي 100 دولار وفي ارخص بعد و تلاقين اشياء وايد الجناط الجوسي شكترهم مع البواكة و ملابس ويييييي حوسة اصلا هناك يبيلة يوم بروحة

غلاتي و عليكم السلام و رحمة الله و بركاتة

يبيله بس اهو مو فوق النوردستروم اهو ورا بست باي