السلام عليكم يا حلوييين
شلونكم ؟
والله لكم وحشه .. صج اني ماعرفكم وتوني جم مشاركة معاكم .. بس مادري حبيتكم ... ربي يحفظكم
ودي اني اكون كل يوم معاكم .. بس ساعات البيت يلهي ... الله يعينا ....
شدني هذا
Hollywood 48-hour Miracle Diet
هذا شنو بالضبط ؟ اعشاب ؟ وحق شنو ؟ واي احد يستخدمه ؟ وألقاه بكل مكان ؟ عشان ادز حق ريلي مسج قبل لا اروح له يدزه لي ابلش في نقص الوزن ..
صراحه متحبطه من جسمي ... شحليلي اول سمبتيك ... بس من حملت وولدت البطن الله وكيلكم جنه عندي 3 يهال
وانا بس واحد
صج ضااااااااااااااااايق خلقي .. فكرت الجأ للعمليات وهالسوالف بس قلت لأ خل أشطب يهال يعني لما اوقف بعدين اجابل روحي ... :sfg:
ومشتركه بنادي .. لأنه بعد جسمي يبيله شد .. بس ياربيييييييييييييييي ما التزم ككللللللللللللش .. مادري شفيني
صاير ماعندي اراده ولا قوه ... ببجي الحين
انا ماكنت جذي
صج صج صج بطني ودي يروح وينشد جسمي خاصة قبل لا اروح حق ريلي عندي وقت ... شهر وشوي ان شاء الله
بس ممممم ...
قرقت وايد وتحلطمت .. سوري
المهم شخباركم انتوا ... شلون البرد ؟ ليلحين برد ومطر وسوالف ؟
شخبار الجميع ؟
