·.¸.•°° ديــــــــوانيه المتأخرات فى الحمل... ركن التفاؤل المتجدد... ·.¸¸.•°°·.

[ككوته]

الله كريم يابنات وعسى ربي يبلغكم الشهر الفضيل لا فاقدين ولا مفقودين ويعوضكم وياجر على صبركم ياااااااااااارب العالمين

 

["*آآآنؤؤؤقهـ*"]

صبااااااح الخييير

 

[ماتغير شي]

حاسه اني مخنوووقه صاكة فيني الدنيا

صارلي خمس سنين اللي تزوجو معاي عيالهم بالروضه


وكل يوم زوجي يقولي فلان مرته حامل طيب انا شذنبي الرزق من الله


كل يوم احط امل اني احمل بالشهر هذا واخر شي تنزل الدوره وتصك فيني الدنيا والكل يلومني اناااا جنه الحمــل بيدي والله تعبت من التفكير احس فقدت الأمل احس انه خلاص مراح اجرب الامومه كلش الكل يضغط علي بالكلام والحركات

 

[ضحكتي ماركة ]

دلع بابي جنج انا وزني ثابت مايتحرك بس ماراح اخرب ريجيم

بضعف وارجع جسمي والبس واكشخ لان سالفه الحمال نستني عمري

ماتغير شئ ياعمري انتي ماتنلامين وهونيها تهون وانا اختج وهذا اختبار من رب العباد

يارب نفرح فيج قريب امييين


وباقي البنات يارب شدو حيلكم بالدعااء والصدقه جاينا شهر الخير والله مستانسه ان رمضان قرب

لان فيه انسا الضيق والهموم وقتي كله صلاة وقران وناسه

انا خلصت الدورة قبل 4 ايام وفيني عوار برحمي وشكله فيني التهاب بس مالي خلق طبيب

 

[$$ أُوركـيدآ $$]

أنا من عقب ما خلصت دورتي المختصرة
وأنا كله أحس بحموضة وحارج وجبدي تقلب تكرمون
ما أقدر آكل شي إلا تلوع جبدي من الأكل استغفر الله

يومها كنا بزوارة وحسيت هالأشياء بزووود ما قدرت أتعشا والكل لاحظ
زوجي حدا استانس أول ما طلعنا قال أحس إنج حامل وهييك يعني كان حدا مستانس
عاد كان الوقت متأخر جان نروح مستشفى خاص وأسوي فحص
وننطر نص ساعة تطلع النتيجة وريلي قاعد يقرا أدعية علا ما تطلع النتيجة

بس آخر شي مافي حمل


.. الحمدلله على كل حال .. حدييي تحبببطت بس وزعلت بس الحمدلله

ريلي قالي لازم تروحين تفحصين وتشوفين شنو سبب ان الدورة نزلت 4 أيام بس وجذي
فرحت اليوم المستوصف علشان أشوف شسالفة
بس الدكتورة قالت عادي مافي شي .. وبس عطتني فولك آسد



...

 

[ووطن النهار]

ماتغير الله يرزقج

 

[ماتغير شي]

ضحكتي مآركه و وطن النهآر امييييين الله يسمع منكم وان شالله نفرح كلنا

اليوم نفسيتي احسن من امس

 

[أأأميرة الورد]

ماتغير شي الله يرزقج حبيبتي من واسع ابوابه يااارب



بنات في تجمع حق الدكتور ناهض حماديه بالمواساه


ماشالله تبارك الرحمن شكثر اللي حملوا عنده

 

[أأأميرة الورد]

ماعليكم امر عندي استفسار

اختي اجهضت بالاسبوع التاسع




بس اهي ماسمعت النبض كلش


راحت مراجعه عاديه على الاسبوع الثامن تقريبا


بتتطمن وتشوف النبض بس مابين معاها




وعطوها موعد بعد اسبوع علشان يشوفون النبض




بس نزل قبلها دم وراحت الطبيب


وقال الجنين متوقف نموه على ٣ اساابيع
وعلى فكره هي اجهضت قبل المره هذي بس مبجر يمكن بعد




موعد دورتها باسبوعين


وهي ماراحت ولا راجعت كلش بعد الاجهاض
ماعندها عيال يعني اول ماتزوجت حملت واجهضت




بعدها بسنه تقريبا حملت واجهضت بعد من شنو تتوقعون بنات






انا احن عليها تروح تراجع بس تقول تعبت من الاطباء والمستشفيات
الله يرزقها ياااارب​

 

[ضحكتي ماركة ]

ياعمري خل تروح تراجع دكتور وتشوف سبب الاجهاض

والله ييسر لنا عالخيررر نفرح بالحمال قريب

 

[ووطن النهار]

الله يرزقهاا

 

[سيكولوجية]

يارب الله يرزقنا كلنا بالحمل السليم عاجلا غير اجلا و يقر عيونا بشوفة الضنا

ماعليه يابنات حطوا امل وماكو عند الله شيء بعيد

صح كلنا نتضايق ونختنق بس صدقوني كله بأجره وهذا اختبار من رب العالمين

وكله خيره لنا

كاه انا كل اللي اعرفهم تزوجوا بعدي ومعاي حملوا و ولدوا وعيالهم الحين يمشون ويركضون

حماتي تزوجت بعدي بسنه وشهر كاهي ولادتها بعد جم اسبوع

مرت حماي تزوجت بعدي ب. 9 شهور ولادتها بعد شهر

و كلما كلمتهم كل وحده مشغوله بالتجهيز للبي بي و الاستقبال

كلهم عندهم عيالهم واللي مابقى شيء ويشوفون عيالهم

الا انا

واهل ريلي صار موضوعوهم بس ولادة بنتهم و مرت ولدهم
صرت ماحب ازورهم لان ماكو مراعاة وله حتى دعوه حلوه حقي

بس لاهين بشغل الاستقبال والولادات


وهم اقول الف الحمدالله يارب
ربي لاتذرني فردا وانت خير الوارثين

حملنا عزيز
وصدقوني خبر حمالنا و ولادتنا بيكون اعز
الناس بتفرح لنا من قلب لان طولنا على ماحملنا
والكل بيقوم فينا ان شاءالله عكس اللي ماشاءالله سهالات الحمل والولاده عندها


الله يرزقنا كلنا


بنات امس خلصت اخر حبه من الحبوب اللي تنزل الدوره

متى مفروض تنزل ؟

اخر دورة جت شهر 5 وللحين ماشفتها

 

[سيكولوجية]

توني انصدمت اب بنت عمي
ماشاءالله عمرها بالاربعينات وعيالها الجامعه وموظفين وبنتها عرسها بعد شهرين
حامل

اول ماطرا ابالي قلت عمرها ب الاربعينات وحامل وانا عمري 23 وماحملت
استغفرالله العظيم
الحمدالله على كل حال

 

[دلع بآبي]

سيكولوجية ياحبيبتي بعدج كتكوته والعمر جدآآمج

والرزق بيد الله أهم شي تحسنين الظن بآلله وربي ماينسى آحد

 

["*آآآنؤؤؤقهـ*"]

مسااااءالخيير

اشلونكم قو قلبكم

وان شااءالله قريب كلكم حوامل

 

["*آآآنؤؤؤقهـ*"]

اناا موعدها اليوم

والله كريم

 

[سيكولوجية]

دلع

صاجه ياقلبي
الحمدالله على كل حال
ويالله يارب ترزقنا عاجلا غير اجلا

 

[دلع بآبي]

بنآت زوجي زعلان من سالفه لخبطة الدورة زين شسوي مو بيدي

شديت معآه بالكلام قلت له اذا مافيك صبر ع الحمال روح تزوج لك وحده تقدر تحمل

ولا تقعد تنطرني خلاني ابجي

18 الشهر موعدهآآ واعرآضهآ آختفت

مع انهآ آخر 3 شهور كانت تقدم بس هالمرة لا !! انا راضيه باللي الله كاتبه لي

لكن يضايقني نظرة الشفقة اللي اشوفها بعيون الناس وحال زوجي اللي دايم

متضايق من سالفه التأخير مع انه صار لي بس 10 شهور يعني أقل عن سنة

بس أكثر وحده بالعايلة تأخرت بالحمال

 

[أأأميرة الورد]

الله كريم وبيرزقكم

 

[ضحكتي ماركة ]

ياعمري ي سيكولوجيه الله يرزقج الحمال قريب

وكلامج عسل والله الله يعطينا الصبررررر

يارب رحمتك