·.¸.•°° ديــــــــوانيه المتأخرات فى الحمل... ركن التفاؤل المتجدد... ·.¸¸.•°°·.

[الزيـــــ^^ـــــن]

انوووقهه حبيبتي عسى ربي يفرح قلبج وتكونين حامل يارب

 

["*آآآنؤؤؤقهـ*"]

امييييييييييين:yaaaaaarb:

 

[ضحكتي ماركة ]

نفسيتي تعبانه وبس اتهاوش وابجي

واليوم تهاوشت مع زوجي بدون سبب مادري شفيني انخبلت

تعبت نفسيتي من تفكير بالحمل احس نفسي بعالم ثاني وكله سرحانه

يا رب يا ارحم الراحمين رحمتك الواسعه فيني وبكل محرومة من الذرية

توني خلصت قيام الليل وقريت سورة البقرة وارتحت شوي

 

[&هند&]

ضحكتي ليش حاولي تنسين وتشغلين نفسج بس يطري موضو الحمال براسج استغفري ربج والله كريم ويرزقنا ،،،،

 

[مشاعر بارده]

اخ بس بنات وربي محد حاس فينا الا بعضنا
الاسبوع اللي فات رحت مع مرت اخوي السوق
وهي متزوجه قبلي وحملت المهم انا صار لي 7شهور من تزوجت
وماكتب لي الله الحمل لسه..عاد هي من حملت تسوي حركات تقهر
وانا مابينت لها شي ساكته عادي وكاتمه بعمري
ولما كنا نمشي وشافت وحده حامل قالت يووووووه مستحيل احد يحس باحساسها غيري
قمت بلعتها وسكت وطنشتها ولارديت ولما جلسنا قالت ياربي يرافس اه وجلست تسوي
مسلسل عندي وعند اختي وكذا دايم لما اروح لهم البيت تسوي هالحركات
تستفزني بس اسفهها واسكت..

والله ضاق خلقي اوقات ماودي اطلع ولااروح لحد
ولاني ماجربت اروح اكشف ولاشي خايفه اروح يكون فيني عله
واتضايق وزوجي نفس الشي ماكشف

الله يبلغني واياكم بالحمل الثابت المعافى يارب
والله اني اوقات اقرا كلامكم وتواقيعكم وادعيلكم
احس بنفس الشعور كلنا نبي نفرح وونملى علينا
دنيتنا بالاطفال الله كريم وربي ماراح يخيب رجانا
كثروا من الدعاء والصدقه بنية الحمل والاستغفار والاذكار
والقران والله كريييييييييييييم وبعد اهم شي ادري اقولكم لاتشغلون
انفسكم بالتفكير وانا اردى منكم شاغل بالي ليل ونهار بس
عشان ترتاح نفسياتنا ولان الهرمونات تتقلب بسبب النفسيه

 

[ذهب ابيض]

عسا ربي يرزقكم ويتمم عليكم
ويفرح قلوبكم بالذريه الصالحه التامه
يارب ياكريم
دام ربنا معانا ماراح يخلينا ان شالله
كله بامره سبحانه

 

["*آآآنؤؤؤقهـ*"]

ربي لاتذرني فردا وانت خير الوارثين

رب هب لي مٍـٍْ♡̨̐ـِْْنِْْ لدنك ذرية طيبه انك سميع الدعاااء

 

[orchidia]

معوضة لأجل عينه وعسى ربي يعوضج عاجل غير آجل ماتدرين يمكن خيــره والخيره فيما اختاره الله

حرم وينج فقدتج تدرين بالصفحات الاخيرة اشوف انؤؤقة تقول لج مبروك فرررررررررررررحت ع بالي حامل وصرتي تنحاشين من الحمال عشان عرس اخوج

الف الف مبروك وعسى ربي يتمم لهم ويوفقهم ويرزقهم بالذرية الصالحة ويفرحكم فيه ويفرحج بولدج وتشوفينه باجر معرس

حوحآ عيل السونار مع السره ههههههههههههههههههه ي حلوج بريئة ههههههه

من تحت اهو وسويته عاااااااااادي ماتحسين بشي بس لا تشدين ..

جوجو ي رب حآآمل وتفرحينآآ ..

وآنا اليوم 14 من الدورة ماسويت شي ولا كليت شي

حتى امس رفعت ريولي دقيقة وقلت اوووه ماكو حمل وانزلهم وانام

كلش يائسة

 

[جولينار]

انوقه

ان شاء نفرح فيك هالشهر


ضحكتي ماركة

هدي بالك عاد مقدر انصحك ع النفسيه ههههههه مثلك واكثر بعد



مشاعر باردة


حياتي لا تتكدرين توك ٧ شهور مابالك اللي لهم سنين وان شاء الله ماتكونين منهم يارب


ويفرحك قريب



حسوسه

لاعاد اشوفك في المنتدى ارتاحي ولا تجين الا بعد ١٥ يوم


اوركيديا

ان شاء الله هالمرة اللي طنشتي فيها تكونين حامل ياااااارب



بالنسبه لي

امس جتني الام الدورة ببطني وظهري وبصمت انها نزلت

ويوم قمت الفجر مافي شي

قلت بشارة خير صارها متأخرة تقريبا ٣ ايام

بنتظر للأحد واعيد التحليل

لاني انا اكل دفستون يفترض تنزل لما اوقفه ومانزلت للحين

بنات اللي عندها فكرة لا تبخل علي

ومع العلم هالشهر اول مره اخذ ابر منشطة وتفجيريه

يارب خير


متفائلة لانها مانزلت ويارب افرح قريب وافرحكم معاي

قرقعت كثير ههههههه بس لازم أطلع مافي جعبتي لكم

 

[الزيـــــ^^ـــــن]

مشاعر بارده // حبيبتي تووج لاتفكرييييييين بالحمل ...
وخليها ع الله استغفر الله الناس ماعندهم احساس والله وكذا وحده تقط نقزات اني ماييب عيال وابلعها واسكت
واقول بقلبي يارب ارزقني الذريه الصالحه مابي احد يتشمت فيني
الرزقه من الله بس الناس موراضيه تفهم ناس بليده وماعندها احساااااااس حسبي الله ونعم الوكيل فيهم

 

[الزيـــــ^^ـــــن]

جولينار // اذا اول مره تتأخر الدوره ان شالله تكونين حااااامل
نطري بعد يومين وحللي دم والله يفرحج يارب

 

[orchidia]

جوجو صج اول مرة تجربينها ؟؟

يالله يارب انه يرزقج ويفرحج هالشهر

والدوفاستون خذيته مرة وينظم الدورة بس آآآآآآآآآآآآآآآآآآآآآه يالألم ماعاد ابي اخذه الا لي حملت

الزين ماعليج منهم حبوبة على قولة المصرية الي خلفت مش من شطارتها والي ماخلفتش مش من غباوتها

 

[جولينار]

الزين

ايه مع الدوفستون انتظمت مررره وصارت تنزل بعد مااتركه ب 4 ايام بالضبط




اورو حبيبتي


ايه اول مره استخدمت هالابر اللي يعطيني خيرها ويكفيني شرها

 

[جولينار]

اي اورو مرررره يألم الدوفستون بس مضطرة

الدكتورة وصفته لي كل يوم ١٦ من الدورة لمدة ١٠ ايام

عشان تنتظم زين


والحين لي ٤ شهور عليه

وهالشهر بديت بالمنشط والتفجيريه

وعاد مانزلت للحين والمفروض موعدها قبل امس ربي يكتب كل خير

 

[orchidia]

ي رب حامل ي رب :yaaaaaarb:

 

["*آآآنؤؤؤقهـ*"]

الله يجبر بخواطرناااا


جولينار يارب حامل


اوركيديااا ثقي بالله وتفاااائلي

 

[لاجل عينه]

مرحبا بنات

ياحياتي كلكككككم ماقصرتوا عز الله انكم خواتي الله يرزقكم وافرح فيكم

اليوم رحت لخالدة المجيبل بديت اراجع عندها اخذت تحليل جينات يروح لندن شهر
وتحليل اجسام مضادة 4 يوم دورة او 3 يوم وتكلف 480 دينار قلنا بنسويها بالصباح ونجيبها لها بالعكس ايدتنا وقالت احسن لكم توفرون
ولما سوت لي السونار وهذي كانت الطططامه علي
اول مره مبيض عليه جيس حجمه 3.5
والثاني عليه تكيسات

انا جم مره سويت سونار داخلي ماكو شي بس انصدمت اليوم؟؟ بنات اللي مجربة تنصحني الله يعطيكم العافيه
اي وقالت 10 يوم دورة لازم نسوي اشعة صبغة اذا تبين بالمواساة يسوونها بتخدير شرايكم بنات؟؟

ـــــــــــــــــــــــــــــــــــ
وقالت هذا كل شي لازم تنزلين وزن عشان تروح التكيسات
وننطر التحاليل لانه هي اللي بتطلع ان شاء الله اسباب الاجهاض المتكرر

 

[لاجل عينه]

جولينار يارب تبشرينا يالغلا

 

[&هند&]

لاجل عينه حبيبتي عادي التكيسات الي طلعت لج من الكلوميد الي يكون تبويضها طبيعي ويعطونها منشطات تطلع لها اهتمي بدورتج عدل واستخدمي عشبة المدينه زينه تنزل الاكياس ونزلي وزنج

غريبه ليش الدكتوره طلبت منج تسوين اشعة الصبغه وانتي سليمه حملتي يعني انابيبج مو مسدوده ؟؟؟!!!!

 

[حآلية الذوق ~]

بنات ابشركم تحاليل الهرمونات طلعت سليمه الحمدلله

بس باقي متابعه التبويض واشوف حجم بويضاتي


اوركييد علي امل ان يكووون صج من السسره

جوجو يارب حامل

لاجل شكلها خوشش دكتوره حدها مو ماديه لو غيرها جان رفضضت

عسي الله يرزقج الحمل السليم التام الثابت ياادب