·.¸.•°° ديــــــــوانيه المتأخرات فى الحمل... ركن التفاؤل المتجدد... ·.¸¸.•°°·.

[Wr000d]

خوش خوووش

الله يرزقني ويرزقكم ويرزق كل محرومة

 

[خاله كندا]

انا متزوجه لي 3سنين ونص وبعده سنه ونص حملت بمنشطات والين الحين ماحملت انا الحمدالله راضيه بالي الله عطاني وادعي واتعالج ومتوكله ع الله بس مشكلتي اذا احد قالي الله يرزقك عيوني تغورق وجهي يتغير واحس تجيني غصه يادوب اقول امين
انا السنه هذي متفائله واجد واتعالج شعبي مع حبه سوداء وماء زمزم وميراميه مرتين باليوم
وان شاء الله يرزقنا جميع ونروح كلنا لقسم الحمل والامومه ..امين

 

[Nousa2012]

الله يرزقنا جميع ان شاء الله أنا صارلي أحاول سنة و4شهور والمشكلة فزوجي عنده التصاق فالحيوانات المنوية ومايستوي الحمل الا والتلقيح الصناعي سويت مرة وحدة والله ما كتب
ونتي يا ورود ما قلتيلنا قصتج يا معودة

 

[ابدا يالغالي مانساك]

خاله كندا الحال من بعضه
ربي يرزقنا ان شالله

 

[خاله كندا]

الله يرزقنا يااارب وكل محروم ​

 

[خاله كندا]

بنات باقي ع دورتي 10 ايام انا الحين استخدم علاجات اوقفها قبل الدوره باسبوع ولا اكمل الين وقت الدوره

 

[ابدا يالغالي مانساك]

لا حوبي تو الناس وقفيهم
لقربت الدوره اربع ايام او سبوع
وربي يرزقج

الابسالج شنو علاجاتج حبوب او شعبيه عسل وجذيه
لاني من زمان وقفت هالاشياء العسل والاعشاب بس برد لهم ان شالله

 

[خاله كندا]

عندنا واحد سوداني يبيع اعشاب شريتها منه واستخدم عشبه المدينه معاهم وميراميه و7حبات حبه سوداء مع ماء زمزم وقت الدوره اكلت تمر مع رشاد وسمن والله احس اول مره ارتاح بعد الدوره دايم تجيني الالم الدوره بعدها مباشره

 

[خاله كندا]

والله احس الاعشاب احسن من الابر لي سنتين وانا استخدم الابر وتعبت نفسيا وجسديا وانتفخت من الابر وجسمي كانت اي لمسه تعورني

 

[ابدا يالغالي مانساك]

صاجه
انا كم شهر اراجع ووقفت سويت لي برنامج خطه
من عشبة المدينه وعسل وقفشة سمسم ومرمريه
وزيت زيتون وحبه السوداء
شهر وربي رزقني وسورة البقره يابنات واضبوا واضبوا عليه هي والاستغفاراتتت

 

[خاله كندا]

كم عندك اطفال​

 

[ابدا يالغالي مانساك]

ماعندي حوبي
حملت وجهضت وصارلي متزوجه سنه ونص والحمدلله اراجع وكل شي سليم
ربي يعوضني ويرزقني
ويرزقج وانتي خاله كندا توج متزوجه

 

[خاله كندا]

الله يعوضك يااارب هذي السنه يااارب
لا ماعندي اسلبت قبل سنه ونص لي 3سنين ونص متزوجه عجوز بالعرس
لكن تزوجت وعمري 18سنه​

 

[Sweetq8]

فديتج سبب ضعفي عملية التكميم حياتي

 

[خاله كندا]

اقولتس ابد مانساك دامتس سليمه عمرتس رحتي لشيخ يقرى عليتس ترى احيانا عين ولاحسد لاسمح الله هي الي ترد الحمال

 

[ابدا يالغالي مانساك]

صاجه
لاكن انا ستعل خلطة الرويس زيت الزيتون لتاخر الحمل
بسبب العين والحسد
وعورني ضهري حيل قالوا لي ناس يجوز انتي تاخرج عين
يجوز صدقتي خاله كندا ربي يحمينا ويحفضنا

 

[ابدا يالغالي مانساك]

فديتج سبب ضعفي عملية التكميم حياتي

اها لا سويتي مره خلاص وكل شي تمام الحمدلله
انا تحاليل الحمل الروتينيه سويتهاا مره من مر علي زواجي سبع شهور
بس هرمون الحليب ضروري تسوينه كل 6 شهور جذيه
والسونار الداخلي لاكنتي بتحملي بسرعه
خليج متواصله مع دكتورتج بفترة التبويض
وتشووف حجمهم

 

[بحرينيه كوول21]

الله يرزقنا وياكم بالذريه ياارب

 

[cat_women]

ابر منشطه وعندج ابر تكبير البويضات
ماستخدمتيهاا
انتي خلج ويا الدكتور ناهض هذا زين اول باول وهو يتابع تبويضج
ويشوف شنو يكتب لج

ما خذيت ابر منشطه خذيت ابرة التفجير
و ان شاء الله بروح للدكتور ناهض يوم الاثنين و اشوف شنو يقول لي نفس كلام الدكتوره شيماء و لا غير

 

[cat_women]

موفقه يارب وان شالله ربنا يكتبلج الله فيه الخير ..

اجمعييييين يااااارب